Goodbye!
သံယောဇဉ်ကြီးခဲ့ရတဲ့ မြို့လေးရေ
ဆိုးသွမ်းခဲ့သမျှနားလည်ပေးတဲ့ မြို့လေးရေ
အမှန်တရားကို တိတ်တိတ်ဆိတ်ဆိတ်မွေးမြူပေးတဲ့ မြို့လေးရေ
ခွဲသွားတဲ့သူတွေကိုပြန်လာနိုးစောင့်ဆိုင်းနေတဲ့ မြို့လေးရေ
နေ၀င်ရာအရပ်လိုကျောခိုင်း
ရှေ့ဆက်ဖို့
ရောင်နီလာရာမျှော်မှန်း တခါက
ဒီမြို့လေးဟာ ငါ့ရဲ့ပစ်ကွင်း
ဒါပေမယ့် မြို့လေးရယ် .....
(မင်းကတော့)
မင်းသတ်မှတ်ချက်နဲ့ မင်းဘာသာငြိမ်သက်
ငါကပဲ ကိုယ့်လက်နက်နဲ့ကိုယ်တောင် ဘယ်လိုပစ်ရမှန်း
မသိတဲ့ကောင်
ဒီလိုနဲ့
လွမ်းမိသမျှ အတိုးမချနိုင်သေးစွာ
မေ့မေ့လျော့လျော့
ဒီလိုနဲ့
တခန်းရပ် ဒီပြကွက်ပြီးဆုံးနိုင်ချိန်
ပစ်ကွင်းရဲ့ အလယ်ဗဟိုချက်ဆီ
အချက်တိုင်း
ငါ့ရဲ့လက်ညှိုးတကွေးတိုင်းဟာ
အနုပညာမြောက် ဒဏ္ဍာရီတွေ
ပြင်းအားများစွာငြိမ်သက်ခြင်းမျိုးနဲ့
ချိန်ရွယ်
ငါပြန်လာမှာပါ။
Goodbye!လို့ နှုတ်ဆက်ခဲ့ကြတဲ့လက်တွေလေ
ပြန်ဆုံကြမယ်။ ။
No comments:
Post a Comment