ဒီမိုကရေစီရေး၊ လူ့အခွင့်အရေးအတွက်၊ လူကို လူလိုဆက်ဆံတဲ့ အုပ်ချုပ်ရေးစနစ်ကို တောင့်တနေကြတဲ့ အကြမ်းမဖက် ငြိမ်းချမ်းစွာ တိုက်ပွဲဝင်နေကြဆဲ ကျနော်တို့ ပြည်သူတွေရဲ့ နှလုံးရည်တိုက်ပွဲကြီးဟာ ပန်းတိုင်ကို မရောက်မချင်း ဆက်လက်ချီတက်နေမှာပါ။
ဒီခရီးရှည်ကြီးမှာ ကျနော်တို့ဟာ အကြိမ်ကြိမ် ယိုင်ဆင်းပြိုလဲခဲ့ရတယ်။ ပြန်လည်ထူမတ်ဖို့ ကြိုးစားရင်း ပိုမို ခိုင်မာလာခဲ့တယ်။ မျက်ရည်တွေ၊ အသက်တွေ၊ ဘ၀တွေကို လူမသိသူမသိ အသြတြသူရဲကောင်းများအဖြစ် ရဲရဲရင့်ရင့် ပေးဆပ်ခဲ့ကြပြီ။ ကြောက်ရွံ့အောင် ဖိနှိပ်ထားတဲ့ လူသတ်ကောင်တွေရဲ့ ခြိမ်းခြောက်မှု အကြောက်တရားတွေကို တွန်းလှန်ရင်း ကျနော်တို့ ရဲရင့်ခဲ့ကြပြီ။ နောက်ဆုတ်ဖို့ ဖိအားပေးခံရတိုင်း ရှေ့ကိုတစ်လှမ်းထပ်တက်နိုင်ဖို့ ကျနော်တို့ အားမွေးနိုင်ခဲ့ပါပြီ။
၈၈ တုန်းက ကလေးသာသာအရွယ်သာရှိသေးတဲ့ လက်ရှိ ကျနော်တို့မျိုးဆက်တွေဟာ စစ်အာဏာရှင်တွေရဲ့ စနစ်တကျ ဖျက်ဆီးမှုအောက်မှာ မျိုးချစ်စိတ်၊ နိုင်ငံချစ်စိတ်၊ ဒီမိုကရေစီရေးတိုက်ပွဲအတွက် လမ်းကြောင်းပျောက် မှုန်ဝါးသွားခဲ့ပြီလို့ အများက သတ်မှတ်ထားခဲ့ကြပေမယ့် အချိန်တန်တော့ နွားပိန်ကန်ခဲ့ပါပြီ။
ဖိနှိပ်မှုများအောက်မှာ လှုပ်ရှားရုန်းကန်နေရတဲ့အခါမှာ လမ်းကြောင်းတွေဟာ ထင်သာမြင်သာမရှိပေမယ့် မတရား ဖိနှိပ်မှုများက အမှန်တကယ်ကို ရှိနေခဲ့တာကိုတော့ လူတိုင်းက မြင်နိုင်ခဲ့တာပဲလေ။ ဖိနှိပ်မှုများရဲ့ ရိုက်ချက်ကို တိုက်ရိုက်မခံခဲ့ရဖူးသေးတဲ့ ကျနော့်လို လူမျိုးတောင်မှ လူကို လူလိုဆက်ဆံတဲ့ အုပ်ချုပ်ရေးစနစ်ကို၊ ဒီမိုကရေစီကို၊ လူ့အခွင့်အရေးကို အဲဒီလောက် လိုလားတောင့်တနေရင် တိုက်ရိုက်ဖြစ်စေ၊ သွယ်ဝိုက်၍ဖြစ်စေ နင်းပြားဘ၀တွေအဖြစ် ဆက်ဆံခံနေရတဲ့ ပြည်သူတွေက ဘာဖြစ်လို့ မလိုချင်ရမှာလဲ။
စစ်အာဏာရှင်အခက် ပြည်သူ့အချက်
၂၀၀၇ ခုနှစ်၊ သြဂုတ်လ (၁၅) ရက်နေ့ မနက် အိပ်ရာထတာနဲ့ ကြားလိုက်ရတဲ့သတင်းကတော့ မင်္ဂလာရှိသလား မရှိဘူးလားဆိုတာ အားလုံးအသိပါ။ စက်သုံးဆီဈေးနှုန်းတွေကို ကြောက်ခမန်းလိလိ မြှင့်တင်လိုက်ပြီတဲ့။ အာဏာရှင်လက်အောက်မှာ ရှင်သန်နေရတဲ့ ကျနော်တို့အတွက် ပြောင်းပြန်အဓိပ္ပာယ်နဲ့ စကားတွေသာ ကြားရဖန်များတော့ ပြောင်းပြန်ပြောမှ၊ ပြောင်းပြန်အဓိပ္ပာယ်ယူမှ အမှန်ကို ရှာတွေ့နိုင်တော့ အဲဒီနေ့အတွက် မိတ်ဆွေအချင်းချင်း လမ်းမှာတွေ့လို့ နှုတ်ဆက်ရင်ကို မင်္ဂလာရှိသောနေ့ပါ လို့ မချိပြုံးတွေနဲ့ …… အံကိုတင်းတင်းကြိတ်လျက် ……
ပြည်သူတွေကို ကျွန်သဘောက်လိုဆက်ဆံနေတဲ့ စစ်အာဏာရှင် အာဏာရူးတွေရဲ့ ကမူးရှူးတိုး လောဘတကြီးနဲ့ ငါ့ဖို့တဖို့သာသိတဲ့ လုပ်ရပ် ……………
ဘာတွေဖြစ်လာနိုင်လဲဆိုတာ ကြိုတင်တွက်မထားဘဲနဲ့ ကြိုတင်ကာကွယ်မှုမယူထားဘဲနဲ့ ဒီအာဏာရှင်တွေဟာ အဲဒီလုပ်ရပ်ကို လုပ်ကိုမလုပ်ရဲပါဘူး။ အခု လုပ်ချလိုက်ပြီဆိုတော့
တကယ့်ကို တွက်ရေးနဲ့ စက်သူဌေးဖြစ်ကိန်း။ သူတို့ ပြောသလိုဆို ဘာတဲ့။ သား ရွှေအိုးထမ်းလာတာ မြင်ချင်ပါတယ်တဲ့။ တစ်ချက်ခုတ် နှစ်ချက်ပြတ်၊ သုံးချက်ပြတ် ….
အဲဒီ နအဖ အာဏာရှင်တွေရဲ့ ပထမဆုံး ဆိုးဆိုးရွားရွား အမှားကတော့ ငါလုပ်ရင်ဖြစ်တယ်ဆိုတဲ့ လောဘ၊ ဒေါသ၊ မောဟတွေနဲ့ ပိတ်လှောင်နေတဲ့ မာန်မာနပါပဲ။ ရှေ့ဆက်ဖြစ်လာမယ့် အကျိုးဆက်တွေကို မျက်စိတဆုံးပဲ ကြည့်ပြီး ဖြစ်တယ်ဆိုပြီး လုပ်ချလိုက်တာပါပဲ။ ဘယ်သူ့ကိုမှ ဂရုမစိုက်ဘူးဟေ့ ဆိုပြီး လုပ်ချလိုက်တာ …….. နောက်တနေ့ကျတော့ အဓိကမီးပွားဖြစ်လာနိုင်တဲ့ လိုင်းကားတွေရဲ့ ယာဉ်စီးခကို မထသ က တရားဝင်ကို မြှင့်တင်လိုက်တာ . . . .
(သူဆင်တဲ့အကွက်ထဲကို ၀င်တုန်းပါပဲ။)
သြဂုတ်လ ၁၉ ရက်နေ့။ ကိုမင်းကိုနိုင်တို့ ၈၈ မျိုးဆက်ကျောင်းသားများ ဦးဆောင်၍ စတင်ထွက်လာပါပြီ။ တွေ့လား သူတို့ ၀င်ကိုတိုးမယ် ဆိုတာ။ ဖမ်းလိုက်။ အကုန်လုံးကို ဖမ်း၊ ပြီးတော့ သတင်းစာမှာ ထုံးစံအတိုင်း စကားလုံးကြီးကြီးတွေနဲ့ ပစ်ပေါက်လိုက်။ လာအုံးမှာ နောက်ထပ် ဖမ်းဖို့ ဆီးဖို့ ရိုက်နှက်ဖို့ ပြင်ထား။
(တကယ့်ကို သူဆင်တဲ့အကွက်ထဲကို ၀င်တုန်းပါပဲ။)
ဟော တကယ်ကို ပြည်သူ့အရေး၊ ဒီမိုကရေစီရေး လှုပ်ရှားသူတွေ သြဂုတ်လ တလျောက်လုံး တန်းစီပြီး ထွက်လာလိုက်ကြတာ။ ဖမ်း … ဖမ်း … သိမ်းကျုံးပြီးတော့ကိုဖမ်း … ကုန်ရင် ရပ်သွားလိမ့်မယ်။
(တွက်ရေးက စက်သူဌေးပဲမဟုတ်လား။)
ခွပ်ဒေါင်းမျိုးဆက် ကျောင်းသားတွေအတွက် ဘာလုပ်ရမလဲ မမေးနဲ့။ လှုပ်လှုပ်အခြေအနေတွေ့ရင် ပထမဆုံး ကားတွေစီစဉ်ပေးလိုက်။ အဲ .. အခြေအနေ မကောင်းရင်တော့ ထုံးစံအတိုင်းပေါ့ကွာ။ သိမ်းကျုံးပြီးတော့ကို စစ်ကြောရေးမှာ ပညာပေးလိုက်။ ငါတို့ကို ဆန့်ကျင်တဲ့သူတွေလည်း ဖမ်းပြီးသား။ ဆီကနေရတဲ့ ငွေတွေကိုလည်း အိတ်ထဲ ကျုံးထည့်ရုံပဲ။ နည်းနည်းတော့ အလုပ်ရှုပ်တာပေါ့ကွာ။
(ကဲ . . ဘာလိုသေးလဲ။ အဆင်ကို ချောလို့။)
အဲ . . လာပါပြီ ။ စစ်တွေမှာ သံဃာတွေ မေတ္တာသုတ်ရွတ်ပြီး စီတန်းလမ်းလျှောက်တယ်တဲ့။ ပခုက္ကူမှာလည်း ထို့အတူ။ သူတို့ဆင်ထားတဲ့ အကွက် မဟုတ်တဲ့ သူတို့ မမျှော်မှန်းထားတဲ့ တိုင်းပြည်ရဲ့ အဓိက ကိုးကွယ်အားထားရာ ဘာသာရေးခေါင်းဆောင်များဖြစ်ကြတဲ့ ရဟန်းသံဃာများမှ ပြည်သူတွေရဲ့ နေ့စဉ်ရင်ဆိုင်နေရတဲ့ ဆင်းရဲဒုက္ခ အပူမီးတွေငြိမ်းစေဖို့ မေတ္တာသုတ်၊ မောရသုတ် စတဲ့ ပရိတ်တွေ ရွတ်ဖတ်သရစ္ဖျာယ်ပြီး မြို့ထဲမှာ စီတန်းလမ်းလျှောက်တဲ့အခါမှာတော့ လုပ်မိလုပ်ရာလို့ပဲ ပြောပြော၊ လုပ်နေကျအလုပ်လို့ပဲပြောပြော သူတို့ရဲ့ ရာထူး၊ အာဏာ၊ စည်းစိမ်ဥစ္စာတည်မြဲဖို့ဆိုရင် လူသတ်ဖို့ကို နည်းနည်းမှ နောက်မတွန့်တဲ့၊ အပြစ်မရှိတဲ့ ပြည်သူတွေကို နှိပ်စက်နေတဲ့၊ သွေးစွန်းနေတဲ့ အာဏာရှင်တွေရဲ့ ထုံးစံအတိုင်း တပွဲထိုး အကြံကြီး ကြံတော့တာပါပဲ။ ပခုက္ကူကစပြီး သူတို့ဆင်ထားတဲ့ အကွက်ကို စတင်သွေဖည်ပြီး လုပ်ရတော့တာပါပဲ။
(၁) ပခုက္ကူမှာ မေတ္တာသုတ် စတဲ့ ပရိတ်တွေ ရွတ်ဖတ်သရစ္ဖျာယ်ပြီး ကြွချီလာကြတဲ့ ရဟန်းသံဃာတွေကို လမ်းကနေပိတ်ဆို့ သေနတ်ဖြင့် ပစ်ခတ်ခြောက်လှန့်ပြီး သံဃာ့အုပ်စုကို ဖြိုခွဲ၊ သံဃာတော်တွေကို လက်ကိုင်တုတ်တွေနဲ့ ဖမ်းဆီး၊ ဓာတ်တိုင်မှာ ကြိုးတွေနဲ့ တုတ်ချည်ပြီး ရိုက်နှက်။
(၂) နောက်တနေ့ကျတော့လည်း တောင်းပန်ဖို့ နေနေသာသာ သူတို့ကပဲ အပြစ်ကျူးလွန်ပြီး တပြန် စီးစီးပိုးပိုး သံဃာတော်တွေကို ထိန်းဖို့ ကျောင်းထိုင်ဆရာတော်တွေကို လာပြီး အမိန့်ပေးသတဲ့ဗျား။
(၃) ဗုဒ္ဓဘုရား သာသနာတော်ကြီးကို ကာကွယ်ဖို့ တာဝန်ရှိတဲ့ ရဟန်းသံဃာတော်တွေဟာ ဗုဒ္ဓရှင်တော်မြတ် ချမှတ်တော်မူခဲ့တဲ့ သာသနာအဓွန့်ရှည်စေကြောင်း စည်းကမ်းဥပဒေအတိုင်း သာသနာကို စော်ကားတဲ့၊ ဘုရားသားတော်များကို မထီမဲ့မြင် စော်ကားရိုင်းပြတဲ့ လူ့အန္ဓတွေကို သပိတ်မှောက်ကံဆောင်ဖို့ ဆုံးဖြတ်၍ အစိုးရအား တုံ့ပြန်ရန် (၁၀) ရက် အချိန်ပေးထားပြီး လိုက်လျောခြင်း မရှိပါက စက်တင်ဘာလ ၁၈ ရက်မှစ၍ သပိတ်မှောက်ကံဆောင်မည်ဟု သံဃာများက မိန့်ကြား၍ အောက်ပါအချက်လေးချက်ကို ကြေငြာချက်ထုတ်ခဲ့ပါသည်။
- နအဖစစ်အစိုးရမှ ပခုက္ကူသံဃာတော်များအား ကျေးအေးခွင့်လွှတ်သည်အထိ ၀န်ချတောင်းပန်ရန်
- လက်ရှိမြင့်တက်နေသော ကုန်ဈေးနှုန်း လောင်စာဆီဈေးနှုန်းများ ချက်ချင်း လျော့ချပေးရန်
- ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်းသားအားလုံးနှင့် ဆန္ဒပြပွဲများတွင် ဖမ်းဆီးခံထားရသူများကို ချက်ချင်း ပြန်လွှတ်ပေးရန်
- လူထု၏ အထွေထွေအကျပ်အတည်းများကို ဖြေရှင်းရန်အတွက် နအဖစစ်အစိုးရမှ ဒီမိုကရေစီအင်အားစုများနှင့် တွေ့ဆုံဆွေးနွေးပြီး အမျိုးသားပြန်လည်သင့်မြတ်ရေး ချက်ချင်းပြုလုပ်ပေးရန်။
အထက်ပါ ဖြစ်စဉ် (၃) ရပ်တွင် ရဟန်းရှင်လူ ပြည်သူလူထုအပေါ် စိတ်ကောင်း၊ စေတနာကောင်း၊ နည်းမှန်လမ်းမှန်ဖြင့် မဖြေရှင်းချင်လျှင်တောင်မှ နအဖအနေနဲ့ လူလည်၊ လူနပ်၊ လူညစ်နည်းများဖြင့် ကိုင်တွယ်ဖြေရှင်းခဲ့မည်ဆိုလျှင် စက်တင်ဘာ ၂၆ ရက်နေ့မှစ၍ ရဟန်းရှင်လူ ပြည်သူအပေါင်းအား ရက်ရက်စက်စက် ပစ်ခတ်နှိမ်နင်းခဲ့ရာမှ ထင်ထင်ရှားရှား ပေါ်ထွက်လာခဲ့သော ဘီလူးမျက်နှာအား အချိန်အတိုင်းအတာ တစ်ခုအထိ ဖုံးထားနိုင်ပေလိမ့်အုံးမည် ဖြစ်သည်။ အခုတော့ ငါလုပ်ရင်ဖြစ်တယ်ဆိုတဲ့ လောဘ၊ ဒေါသ၊ မောဟ၊ မာန်မာနတွေနဲ့ ရှေ့ဆက်ဖြစ်လာမယ့် အကျိုးဆက်တွေကို မျက်စိတဆုံးပဲ ကြည့်ပြီး ဖြစ်တယ်ဆိုပြီး လူမိုက်လုပ်နည်းနဲ့ပဲ လုပ်ချလိုက်တော့တာပါပဲ။
အကယ်၍သာ နည်းမှန်လမ်းမှန်များကို တခေါက်တခါလောက်များ တွေးကြည့်မိမည်ဆိုလျှင် တကယ့်ကို သားရွှေအိုး ထမ်းလာတဲ့မြင်ကိန်းပါပဲ။
ဗုဒ္ဓဘာသာနိုင်ငံက ဗုဒ္ဓဘာသာဝင်လို့ ခံယူထားတဲ့ နအဖများဟာ ဗုဒ္ဓဘုရားရဲ့ သားတော်များဖြစ်တဲ့ ရဟန်းသံဃာများရဲ့ တောင်းဆိုချက်ကို အလေးအနက် အမွန်အမြတ်ထားခဲ့မယ် ဆိုရင် . . .
"တို့မေတ္တာစွမ်း ကမ္ဘာလွှမ်း ငြိမ်းချမ်းကြပါစေ" ဆိုတဲ့ မေတ္တာဓာတ်ပို့လွှတ်မှုဟာ ကမ္ဘာ့နိုင်ငံအသီးသီးက ပြည်သူများကို လွှမ်းခြုံနိုင်ခဲ့သလို နအဖဆိုတဲ့ လူ့အန္ဓ၊ လူ့ဗာလ များကို လွှမ်းခြုံနိုင်ခဲ့မယ် ဆိုရင် . . .
အခုများတော့ . . .
ဒီဘ၀၊ ဒီခဏတာ ရာထူး၊ အာဏာ၊ စည်းစိမ်ဥစ္စာ တည်မြဲဖို့အတွက် ဒီဘ၀မှာ ပူပင်သောက ကြောင့်ကျစိတ်တွေနဲ့သာ အသက်ရှင်ကြရတော့မယ့်၊ ဘ၀သံသရာမှာ အဆိုးတကာ့အဆိုးဆုံး အကုသိုလ် အကျိုးဆက်တွေသာ ခံစားကြရတော့မယ့် လူမိုက်၊ လူ့အန္ဓများအတွက် မေတ္တာမပွားနိုင်သော်ငြား ကရုဏာများ ပို့လွှတ်လျက် ရှိပါကြောင်း။
Thursday, January 03, 2008
သနားလိုက်တာဗျာ . . .
Posted by
freeburma
at
2:06 AM
0
comments
Labels: Fight On
Tuesday, September 11, 2007
တစိမ့်စိမ့် စိမ့်ယိုစီးကျလာတဲ့ အော်ဟစ်မြည်တမ်းသံတွေ
ဇွန်မှိုင်း
၆.၉.၂၀၀၇
"ရန်သူ အဆန့်ကျင်ခံရတာဟာ ကိစ္စဆိုးမဟုတ်ဘူး။ ကိစ္စကောင်းဖြစ်တယ်။
ရန်သူဟာ ခင်ဗျားကို နည်းနည်းဆန့်ကျင်လာပြီဆိုရင် ခင်ဗျားလုပ်ရပ်တွေဟာ ပြည်သူတွေအတွက် နည်းနည်းသက်ရောက်မှု ရှိလာလို့ပဲ။
ရန်သူက ခင်ဗျားကို တော်တော်လေးဆန့်ကျင်လာပြီဆိုရင် ခင်ဗျားလုပ်ရပ်တွေဟာ ပြည်သူတွေအတွက် တော်တော့်ကို ခရီးရောက်လာလို့ပဲ။
ခင်ဗျားကို ရန်သူက အရူးအမူးဆန့်ကျင်လာပြီဆိုရင်တော့ ခင်ဗျားလုပ်ရပ်တိုင်းဟာ ပြည်သူတွေအတွက် အထူးတလည် ကျေးဇူးပြုနေပြီလို့ ပြောလို့ရသွားပြီ။
အဲဒီလိုပဲ . . .
ခင်ဗျားကို ရန်သူက နည်းနည်းလေးမှ မဆန့်ကျင်တော့ဘူး။ ခင်ဗျားကို စကားထဲတောင် ထည့်မပြောတော့ဘူးဆိုရင် ခင်ဗျား လုပ်ရပ်တွေ ဆိုတာတွေကလည်း ပြည်သူတွေအတွက် ဘာမှ မပြောပလောက်တော့လို့ပဲ။ . . ."
တရုတ်ပြည် ကွန်မြူနစ်ပါတီဥက္ကဋ္ဌကြီး မော်စီတုန်းက သူ့ အမှတ် (၈) တပ်နီတော်နှင့် အမှတ် (၄) တပ်မတော်က ရဲဘော်တွေနှင့် ကေဒါတွေကို အကြိမ်ကြိမ် ပြောပြသင်ကြားခဲ့ဖူးတဲ့ သင်ကြားချက်တစ်ခုပါ။
"ကျွန်ုပ်တို့ ရှစ်ဆယ့်ရှစ် ကျောင်းသားများအနေဖြင့် ဒီမိုကရေစီ အသွင်ကူးပြောင်းရေးကာလ အခြေခံမူများအဖြစ် . . .
(၁) ၁၉၉၀ ပြည့်နှစ် ရွေးကောက်ပွဲရလဒ်ကို အခြေခံသည့် နိုင်ငံရေးဖြေရှင်းမှု ဖြစ်ရမည်။
(၂) တွေ့ဆုံဆွေးနွေးရေးနည်းလမ်း ဖြစ်ရမည်။
(၃) ဒီမိုကရေစီနှင့် လူ့အခွင့်အရေးပန်းတိုင်ကို ဖော်ဆိုင်နိုင်ရမည်ဟု ရပ်တည်စွဲကိုင်ထားသည်။
ဤအခြေခံမူများအပေါ်တွင် ရပ်တည်၍ အမျိုးသားပြန်လည်သင့်မြတ်ရေးနှင့် ငြိမ်းချမ်းစွာ အဖြေရှာရေးတို့အတွက် ကျွန်ုပ်တို့ အားသွန်ခွန်စိုက် ကြိုးပမ်း ဆောင်ရွက်ခဲ့ကြသည်။"
၂၀၀၆ ခုနှစ်၊ ဖေဖော်ဝါရီလ (၁၄) ရက်နေ့မှာ ရှစ်ဆယ့်ရှစ် ကျောင်းသားတွေဟာ သူတို့ရဲ့ ခိုင်မာတဲ့ ရပ်တည်ချက်ကို အခုလို တိတိပပ ထုတ်ပြန်ကြေငြာခဲ့ပါတယ်။
ဒီရပ်တည်ချက်များကို "နအဖ စစ်အုပ်စု သဘောတွေ့နိုင်/မတွေ့နိုင်"
ရှင်းပါတယ်။ ဘယ်လို တွေ့နိုင်မှာလဲ။
နအဖ စစ်အုပ်စုက "၁၉၉၀ ပြည့်နှစ် ရွေးကောက်ပွဲရလဒ်" ဆိုတာကို "သူ့ရင်ဘတ်တည့်တည့်ကို စူးဝင်နေတဲ့ မြှားတစ်စင်း" လို ယူဆထားတာ။
"တွေ့ဆုံဆွေးနွေးရေး" ဆိုတာ "သူ့အိတ်ထဲရောက်ပြီး ပိုင်ပြီးဖြစ်နေပြီလို့ သူထင်နေတဲ့ အာဏာကို ပြန်ဆွဲလုမယ့် မကောင်းဆိုးဝါး" လို့ နှလုံးပိုက်ထားတာ။
"ဒီမိုကရေစီနှင့် လူ့အခွင့်အရေးပန်းတိုင်" ဆိုတာ "ငါပေးချင်သလောက် သင်းတို့ ရနိုင်မယ့်အရာ၊ သင်းတို့စိတ်နဲ့ သင်းတို့ကိုယ် ရနိုင်ကောင်းတဲ့အရာ မဟုတ်" လို့ ရူးသွပ်စွာ မှတ်ယူထားတာ။
ရှစ်ဆယ့်ရှစ် ကျောင်းသားတွေရဲ့ ရပ်တည်ချက်ဟာ သူ့အလိုနဲ့ ဖြောင့်ဖြောင့်ကြီး ဆန့်ကျင်နေပါပြီ။
ဒါပေမယ့် စစ်အုပ်စုဟာ မာယာများပါတယ်။
"ဒေါ်စုကို ၀ယ်လုိ့မရရင်၊ ရှစ်ဆယ့်ရှစ်ကိုများ ၀ယ်လို့ရမလား။
ရှစ်ဆယ့်ရှစ်အကုန်လုံးကို ၀ယ်လို့မရရင်တောင် တချို့ကို လူခွဲပြီး ၀ယ်လို့ ရမလား။"
သူ စိတ်ကူးယဉ်ပုံရတယ်။
ရှစ်ဆယ့်ရှစ်ကို တစုံတရာလွှတ်ပေး၊
Power တချို့ တက်လာခွင့်ကို အကန့်အသတ်နှင့် လွှတ်ပေး၊
ပြီးတော့ လိုင်းကြောင်သွားအောင် လူခွဲပြီးကစား၊
Power တွေကို ဟိုတိုး ဒီလျှော့လုပ်၊
တဖြည်းဖြည်း လိုင်းကြောင်လာပြီဆိုရင် NLD ရဲ့ Power ကိုရော၊ ဒေါ်စုရဲ့ Power ကိုပါ မသိမသာ ဖြိုချ၊
အချိန်တစ်ခုရောက်ရင် NLD လည်းပြို၊ ရှစ်ဆယ့်ရှစ်လည်း မြောင်းထဲရောက်၊
ထောင်ထဲက စကားနဲ့ ပြောရရင် တစ်ခါတည်းနှင့် နှစ်ပယ်ရှင်းတဲ့နည်းပေါ့။
ပိုးကို ပိုးချင်းပြန်ကိုက်ခိုင်းတဲ့ ဂျပန်ပိုးသတ်ဆေး ပေါ်လစီ။
သူ့ရဲ့ ဥာဏ်နီဥာဏ်နက်တွေ၊ အကွက်သစ် အကွက်ဆန်းတွေ အကုန်ထုတ်သုံးတာ၊
ဝိုင်အဟောင်းကို ပုလင်းသစ်ထဲထည့်၊ တံဆိပ်သစ်ကပ်ပြီး ဈေးကွက်တင်ရောင်းကြည့်တာ၊
အဲဒါတွေ အကုန်လုပ်တယ်။
ရမလားလို့ သူ စိတ်ကူးယဉ်ခဲ့ပုံရတယ်။ ရလိုက်ရင် အမြတ်ဆိုတဲ့ အကြံယုတ်နဲ့။
ဒါပေမယ့် . . .
ရှစ်ဆယ့်ရှစ်အုပ်စုက သူ ထင်သလောက် မအဘူး။
ဘ၀နှင့်ရင်းပြီး သူတို့ရဲ့ ရင့်ကျက်မှုကို သူတို့ အသေအချာ တည်ဆောင်ထားနိုင်ခဲ့ကြပြီ။
သူ လှည့်သွင်းချင်နေတဲ့၊ သူ ဆင်ထားတဲ့အကွက်ထဲကို ဘယ်သူမှ မ၀င်ကြဘူး။
"မင်းကိုနိုင်၊ ကိုကိုကြီး" ကို "အေးလွင်၊ ဇင်အောင်" လုပ်ပစ်လို့ ဘယ်လိုမှ မရဘူး။
သူလုပ်ရင် အရာရာဖြစ်တယ်။ သူ မစွမ်းတာ ဘာမှမရှိဘူးလို့ ဂုဏ်မောက်နေတဲ့လူ၊
ကြံတိုင်းမဖြစ်တော့ သူ ဘယ်လောက် စိတ်ဆိုးလိုက်မလဲ။
ဆိုးပေတော့။
"ကျနော်တို့တတွေ ဒီနေရာမှာ လက်နက်မပါဘဲနဲ့ ငြိမ်းချမ်းစွာ လာပြီး စုဝေးနေကြတယ်။ စုဝေးနေကြတယ်ဆိုတာ အမှန်တရားအတွက် မတရားရင် ခေါင်းငုံ့မခံဘူးဆိုတဲ့ စိတ်ဓာတ်နဲ့ ဟုတ်တယ်မို့လား"
"ကျနော်တို့ ဘ၀များစွာ စတေးခဲ့ပြီးပြီ။
လမ်းတွေပေါ်မှာ အသက်ပါ ပေးခဲ့ပြီးပြီ။
ကျနော်တို့ကို ဘယ်ခြိမ်းခြောက်မှုမျိုးနှင့်မှ ချုပ်ချယ်လို့ ကြောက်မယ့်လူလား"
၂၀၀၇ ခုနှစ်၊ မေလ (၂၇) ရက်နေ့မှာ အဖွဲ့ချုပ်ရုံးရှေ့မှာ ပြောကြားလိုက်တဲ့ ရှစ်ဆယ့်ရှစ် ကျောင်းသားခေါင်းဆောင် ကိုမင်းကိုနိုင်ရဲ့ ရဲရဲတောက်မိန့်ခွန်း ဖြစ်ပါတယ်။
တပြည်လုံး၊ တကမ္ဘာလုံး အသံဖိုင်တွေနှင့်ရော၊ ရေးကူးပြီးသား စာသားတွေနှင့်ပါ ဟိန်းဟိန်းထသွားအောင် ပျံ့နှံ့ခဲ့တဲ့ မိန့်ခွန်းတွေပါ။
လူတိုင်း လိုက်ပြီး ရွတ်ကြ၊ ရွတ်ရင်းနှင့် အလွတ်တောင် ရမတတ် ဖြစ်သွားရတဲ့ မိန့်ခွန်းတွေပါ။ လူထု ရင်ထဲ တည့်တည့်ရောက်သွားတဲ့ မိန့်ခွန်းတွေပါ။
စစ်အုပ်စုဟာ ကိုမင်းကိုနိုင်ကို ၀ယ်လို့ရမယ်လို့ စိတ်ကူးယဉ်ခဲ့မယ်ဆိုရင် အဲဒီစိတ်ကူးပါ မိုးကြိုးအပစ်ခံလိုက်ရတဲ့နေ့ဟာ အဲဒီ မေလ (၂၇) ရက်နေ့ ဖြစ်လိမ့်မယ်လို့ ကျနော် ဆိုချင်တယ်။
စစ်အုပ်စုဟာ နည်းနည်းမှ ဟန်မဆောင်နိုင်တော့ဘူး။ သိပ်ကို သိသာတယ်။ ခွေးရူးတစ်ကောင်ရဲ့ ဒေါသမျိုးနှင့် ရှူးရှူးရှဲရှဲတွေ ဖြစ်ကုန်တယ်။
အိမ်ရှေ့မှာ မသိမသာ စောင့်ကြည့်လေ့လာတဲ့အဆင့်ကနေ သိသိသာသာ စောင့်ကြည့်လာတဲ့အဆင့်၊
အပြင်ထွက်ရင် ဆိုင်ကယ်လေးငါးစီးနှင့် တောက်လျောက်လိုက်ပြီး နှောင့်ယှက်တဲ့အဆင့်၊
မိတ်ဆွေတွေ အိမ်ကိုလာလည်လို့တောင် မရလောက်အောင် ၀ိုင်းပြီး ပိတ်ဆို့တားဆီး ခြိမ်းခြောက်တဲ့အဆင့်၊
ရန်စောင်နေတဲ့ မျက်နှာတွေနှင့် ခါးထောက်လို့တမျိုး၊ လက်နောက်ပစ်လို့တမျိုး၊
လူမိုက်ဂိုက်တွေနှင့် လူ့အခွင့်အရေးတွေကို ဗြောင်ကျကျ ချိုးဖောက်ချင်တိုင်း ချိုးဖောက်လာတဲ့ အဆင့်တွေအထိ အတင့်ရဲ စော်ကားလာတော့တာပါ။
"ရှစ်ဆယ့်ရှစ် ကျောင်းသားတွေဟာ သူ ၀ယ်ချင်တိုင်း အ၀ယ်ခံမယ့်သူတွေ မဟုတ်ဘူး။
လူထုကို ဘယ်တော့မှ သစ္စာဖောက်မှာ မဟုတ်ဘူး။
လူထုတရပ်လုံး လိုအပ်နေတဲ့ ဒီမိုကရေစီနှင့် လူ့အခွင့်အရေးတွေကို လူထုနှင့်အတူ ရဲရဲရင့်ရင့် လက်တွဲချီတက် အရယူတော့မယ်" ဆိုတာ ထင်ရှားသည်ထက် ထင်ရှားလာနေတဲ့ ဒီရေမြင့်သစ်ကို သူ စိုးရိမ်လာတယ်။
သူ သိသိသာသာကို တုန်လှုပ်ခြောက်ခြားလာတယ်။
"၁၉ နှစ် ရှိခဲ့ပါပြီ။
ကျနော်တို့ ကျောင်းတက်ခဲ့တုန်းက ကျနော်တို့ သင်ကြားလိုက်ရတဲ့ ပညာတွေဟာ
ကျနော်တို့ လူမျိုးတွေကို ဘယ်မှာလာပြီး အကျိုးပြုနိုင်တဲ့၊ တတ်မြောက်လောက်တဲ့ ပညာရပ်တွေ ဖြစ်ခဲ့လို့လဲ။
အဲဒီတော့ ကျနော်တို့ ကျောင်းသားဆိုတာ မတရားမှုကို ဘယ်တုန်းကမှ ငုံ့ခံခဲ့ရိုးထုံးစံ မရှိခဲ့ဘူး။
ကျနော်တို့ဟာ ပြန်ပြောချင်ပါတယ်။
၁၉ နှစ် ရှိခဲ့ပေမယ့်
စေးထန်းတဲ့ ကတ္တရာလမ်းတွေကို၊ နက်မှောင် ကြမ်းကြုတ်နေတဲ့ ကတ္တရာလမ်းတွေကို ထုရိုက်ခွဲကြည့်လိုက်ပါ။
တစိမ့်စိမ့် ယိုစီးကျလာတဲ့ ရှစ်ဆယ့်ရှစ်ကျောင်းသားတွေရဲ့ သွေးစက်တွေဟာ ဒီကနေ့ထိအောင် အော်ဟစ်မြည်တမ်းနေတုန်းပဲ။
ဒါဟာ . . . ဒီမိုကရေစီ . . . ဒီမိုကရေစီ . . . ဒီမိုကရေစီ ဆိုတာပဲ။"
၁၉ နှစ်မြောက် ရှစ်လေးလုံး အရေးတော်ပုံနေ့မှာ တစ်ဦးချင်း ရင်ဖွင့်ပြောဆိုကြတဲ့ပွဲမှာ . . .
ရှစ်ဆယ့်ရှစ် ကျောင်းသားခေါင်းဆောင် ကိုမြအေးရဲ့ ရင်ဖွင့်စကားဖြစ်ပါတယ်။
ဒီပွဲမှာ ကိုမင်းကိုနိုင်၊ ကိုကိုကြီး၊ ကိုပြုံးချို၊ ကိုဂျင်မီ စတဲ့ ရှစ်ဆယ့်ရှစ် ကျောင်းသားခေါင်းဆောင်တွေ တစ်ယောက်ပြီးတစ်ယောက် ရင်ဖွင့် ပြောဆိုခဲ့ကြတယ်။
ဒီပွဲမှာပဲ . . .
ဒီကနေ့ မျိုးဆက်၊ ဒီကနေ့ အခုလက်ရှိ ကျောင်းတက်နေတဲ့ (New Generation) တွေလည်း တက်ရောက်ကြပြီး
သူတို့ ခံစားချက်ကို အခုလို ပြောဆိုခဲ့ပါတယ်။
"ကျနော်ကတော့ ရန်ကုန်စီးပွားရေးတက္ကသိုလ်မှာ လက်ရှိပညာသင်ကြားနေတဲ့ ကျောင်းသားတစ်ယောက် ဖြစ်ပါတယ်။
ကျနော်တို့ အခု တက်ရောက်သင်ကြားနေတဲ့ ကျောင်းမှာဆိုရင် ကျနော်တို့ ရသင့်ရထိုက်တဲ့ အခြေခံအခွင့်အရေးတွေ ဆုံးရှုံးနေတယ်။
ဒီဆုံးရှုံးမှုကို ကျနော်တို့ ရအောင်
ရသင့်ရထိုက်တဲ့ အခွင့်အရေးကို ရအောင် ယူတဲ့နေရာမှာ တရားဥပဒေဘောင်ထဲကပဲ ငြိမ်းချမ်းစွာ ကျနော်တို့ဟာ တောင်းဆိုခဲ့တာပါ။
ကျနော်တို့ကို ဆူပူအုံကြွတယ်လို့ ပြောတယ်။
ကျနော်တို့ကို ဘယ်သူမှ မြှောက်ပေးခြင်းမရှိဘူးဆိုတာကို ကျနော်ပြောချင်တယ်။
"ပညာရေးဖြင့် ခောတ်မီဖွံ့ဖြိုးတိုးတက်သော နိုင်ငံကြီး တည်ဆောက်ပါ" လို့ ပြောတဲ့ နေရာမှာ . . . .
ကျနော်တို့ ကျောင်းသားတွေရဲ့ ရသင့်ရထိုက်တဲ့ အခွင့်အရေး မရဘဲနဲ့
ခောတ်မီဖွံ့ဖြိုးတိုးတက်တဲ့ နိုင်ငံကို ဘယ်လိုဆောက်မှာလဲ၊ ဒါပဲ ကျနော်မေးချင်ပါတယ်။"
ကြက်သီးထလောက်တဲ့ ပြောဆိုချက်တွေပါ။
ဒီအသံတွေဟာ ကျနော်တို့ ကျောင်းသားထုအဖို့ အမှောင်ထုကို ထွင်းဖောက်ပေးလိုက်တဲ့ လမ်းပြကြယ်တံခွန်၊
ဒီအသံတွေဟာ ကျနော်တို့ ပြည်သူတွေအဖို့ ရဲဝံ့တည်ကြည်စွာ ရှေ့ကို ချီတက်လျှောက်လှမ်းသွားနိုင်ရေးအတွက် တိုက်စည်တိုက်မောင်းသံ၊
ဒီအသံတွေဟာ စစ်အုပ်စုအတွက်ကျတော့ ငရဲပွက်မယ့် အိပ်မက်ဆိုးတွေ ထမ်းပိုးလာတဲ့ မိုးကြိုးမုန်တိုင်း။
ဒီလို အိပ်မက်ဆိုးတွေနဲ့ ဇောချွေးပြန်နေတုန်းမှာပဲ . . .
သြဂုတ်လ (၁၉) ရက်နေ့က ကိုမင်းကိုနိုင်တို့ ဦးဆောင်တဲ့ "လောင်စာဆီဈေးနှုန်း ကျဆင်းရေး" ချီတက်ဆန္ဒပြပွဲဟာ သူ့အသဲကို လှံချက်ထပ်ထိသလို နအဖအဖို့ တော်တော်အထိနာပြီး စွေ့စွေ့ခုန်သွားစေပြန်ပါတယ်။
နအဖ စစ်အုပ်စုဟာ အဲဒီ ခံပြင်းဒေါသထွက်မှုတွေနှင့်ပဲ သြဂုတ်လ (၂၁) ရက်နေ့ ညအချိန်မတော်မှာ ကျောင်းသားခေါင်းဆောင်တွေကို ကမူးရှူးထိုး အတင်းလိုက်လံ ဖမ်းဆီးပါတော့တယ်။ သူ့စိတ်ထဲမှာ ဒီလို ဖမ်းဆီးပြလိုက်ရင် ဆန္ဒပြပွဲတွေ မီးကို ရေနှင့် ငြိမ်းသတ်လိုက်သလို တခါတည်း ငြိမ်းသွားမယ်လို့ ထင်ပုံရပါတယ်။
စစ်အုပ်စုတွေရဲ့ တွက်ဆမှုတွေကတော့ မှားပြီးရင်း မှားရင်းပါပဲ။
ဆန္ဒပြပွဲတွေဟာ သူထင်သလို လုံးလုံး ငြိမ်သက်မသွားကြဘူး။
သြဂုတ် (၂၂) ရက်နေ့မှာ ဆက်ဖြစ်၊
သြဂုတ်လ (၂၃) ရက်နေ့မှာ ဆက်ဖြစ်၊
သြဂုတ်လ (၂၄)၊ (၂၅)၊ (၂၆) ရက်နေ့တွေမှာ ဆက်ဖြစ်၊ တစ်ရက်မှ နားသွားတာမျိုး မရှိဘဲ ဆက်တိုက်တွေဖြစ်၊
ရန်ကုန်မှာ ဖြစ်ရုံတင်မက မန္တလေးနှင့် အခြားမြို့ကြီးတွေမှာဖြစ်၊
ဟားခါးလို၊ ဘူးသီးတောင် မောင်းတောလို တောင်ပေါ်ဒေသတွေမှာဖြစ်၊
စစ်တွေလို ထားဝယ်လို ပင်လယ်ကမ်းခြေဒေသတွေမှာဖြစ်၊
ပခုက္ကူလို တောင်တွင်းလို အပူပိုင်းမြေလတ်ဒေသတွေမှာဖြစ်၊
မိုးကုတ်လို တောင်ကြီးလို ရှမ်းရိုးမတွေပေါ်မှာဖြစ်၊
လပွတ္တာလို ဘိုကလေးလို မြစ်ဝကျွန်းပေါ်ဒေသတွေမှာဖြစ်၊
လူထုဆန္ဒပြပွဲတွေဟာ ရပ်လို့မရတော့ဘူး
တစ်စက်ကနေ တစ်မျက်နှာ ဖြစ်လာနေကြပြီ။
တစ်ပွဲကနေ နောက်တစ်ပွဲ၊ နောက်တစ်ပွဲကနေ နောက်ထပ်တစ်ပွဲ မီးတောက်တွေဟာ ခုန်ခုန်ပြီး မြန်မာပြည်အနှံ့ ကူးစက်ပျံ့နှံ့နေကြပါပြီ။
"ဒါတွေကို ဘယ်သူဖန်တီးတာလဲ"
"ဒါတွေကို ဘယ်သူမြှောက်ပေးတာလဲ"
"ဒါတွေကို ဘယ်သူက နောက်ကွယ် ကြိုးကိုင်ပြီး အမိန့်ပေးစေခိုင်းနေတာလဲ"
နအဖ စစ်အုပ်စုကတော့ လျှာအရိုးမရှိတိုင်း၊ အရှက်မရှိတိုင်း ပြောချင်ရာ ပြောတော့မယ်။
သူ့ပါးစပ်နဲ့ ကိုယ်တိုင်ပြောတဲ့နည်းကို မသုံးဘဲ
"၈၈ ရဲဘော်ဟောင်းတစ်ဦး" ဆိုတဲ့ အရူးတစ်ယောက်ရဲ့ ပါးစပ်နဲ့ ပြောခိုင်းတယ်"
"ဒါတွေကို (ဒီဆန္ဒပြပွဲတွေကို) ကိုမင်းကိုနိုင်တို့ ကိုကိုကြီးတို့ အုပ်စုက ဖန်တီးတယ်"
"NLD က မြှောက်ပေးတယ်"
"NCGUB, NCUB နိုင်ငံတကာက ပြည်တွင်းရေး ၀င်ရောက်စွက်ဖက်သူများက နောက်ကွယ်က ကြိုးကိုင်ပြီး အမိန့်ပေးစေခိုင်းတယ်"
ဒီလို ဆိုလာတယ်။
တစ်ရက်တည်းတောင် မဟုတ်ဘူး။ ဆက်တိုက် အခန်းဆက် ဆောင်းပါးရှည်ရေးပြီး ရူးသွပ်ခဲ့တာပါ။
"မင်းကိုနိုင် ကြိုးမဲ့လေတံခွန် (သို့) တိုင်းပြည့်အန္တရာယ်" ဆိုတဲ့ တံဆိပ်ကပ် ဆောင်းပါးတွေရေးပြီး စက်တင်ဘာ (၁) ရက်နေ့က စပြီး အပုပ်ချ တိုက်ခိုက်စွပ်စွဲ ခြိမ်းခြောက်စေခဲ့တာပါ။
ဒါကို ကြည့်လိုက်ရင်ပဲ . . .
နအဖ ဘယ်လောက် အကျပ်ရိုက်သွားပြီလဲဆိုတာ သိသာနေပြီ။
နအဖ ဘယ်လောက် ကြောက်ဒူးတုန်နေပြီလဲဆိုတာ ထင်ရှားနေပြီ။
နအဖဟာ . . . ၈၈ ကျောင်းသားခေါင်းဆောင်တွေကို ရမ်းနေပြီ။
အခုကျောင်းတက်နေဆဲ ကျောင်းသားထုအခွင့်အရေးတွေအတွက် တောင်းဆိုတတ် တောင်းဆိုရဲသူလေးတွေကို ရမ်းနေပြီ။
အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်အဖွဲ့ကို ရမ်းနေပြီ။
ပြည်သူ့လွှတ်တော်ကိုယ်စားလှယ်တွေကို ရမ်းနေပြီ။
ပြည်သူ့လွှတ်တော်ကိုယ်စားပြုကော်မတီကို ရမ်းနေပြီ။
တပြည်လုံးက တက်ကြွလှုပ်ရှားသူတွေကို ရမ်းနေပြီ။
ကုန်ဈေးနှုန်းဒဏ်မခံနိုင်လို့ ကုန်းရုန်းထနေတဲ့ ပြည်သူတွေကို ရမ်းနေပြီ။
ပြည်ပရောက် အတိုက်အခံအဖွဲ့အစည်းတွေကို ရမ်းနေပြီ။
ကျနော်တို့ကို ချစ်ခင်စာနာကြတဲ့ နိုင်ငံတကာခေါင်းဆောင်တွေနှင့် နိုင်ငံတကာပြည်သူတွေကို ရမ်းနေပြီ။
ရန်သူကတော့ မီးကုန်ယမ်းကုန် ရမ်းနေပြီ။ မီးကုန်ယမ်းကုန် ဆန့်ကျင်နေပြီ။
ကြိုက်သလို ရမ်းပြီး ကြိုက်သလို ဆန့်ကျင်ပါစေ။
ရန်သူ ဆန့်ကျင်တာ ခံရတာဟာ ဂုဏ်ယူစရာဖြစ်ပါတယ်။
သူကတော့ . . . သူ့အသည်းကို ကျွဲခတ်သလို ဖြစ်လာလေလေ ရမ်းလေလေ ဖြစ်လာတော့မှာပါ။
သူကတော့ သူ့လမ်းသူထွင်ရင်း၊ သူ့လည်းပင်းကို ညှစ်မယ့်ကြိုးကို သူကိုယ်တိုင် စိတ်ရှိလက်ရှိ ကျကျနန အစွမ်းကုန် ကျစ်နေပါပြီ။
သူစိတ်တိုင်းကျ ကျစ်ပါစေ။
သူ့အတွက် အနာဂတ်ဟာ သိပ်မကျန်တော့ပါ။ ။
Posted by
freeburma
at
10:41 AM
0
comments
Labels: Fight On
Monday, August 27, 2007
တွဲလက်တွေ မဖြုတ်စတမ်း
လောင်စာဆီဈေးနှုန်းမြင့်တက်မှုကို အခြေခံ၍ ပေါ်ပေါက်လာခဲ့ရသော လူထုဆန္ဒဖော်ထုတ်ပွဲများကို နအဖသည် အာဏာရှင်တို့၏ ထုံးစံအတိုင်း လက်နက်အင်အား၊ လူအင်အားတို့ဖြင့် ကြောက်ရွံ့စေမှုများအား ဖန်တီး၍ သူတို့၏ လမ်းကြောင်းကို မမှိတ်မသုန် ဆောင်ရွက် အကြမ်းဖက်လျက်ရှိသောကြောင့် သူတို့၏ လုပ်ရပ်သည် လတ်တလော ပစ္စက္ခအခြေအနေတွင် အသာစီး ရသယောင် ရှိနေပေသည်။
ဆန္ဒထုတ်ဖော်ပွဲတွေရဲ့နောက်ကွယ်က နအဖရဲ့ ရည်ရွယ်ချက်ဟာ ဘာလဲ။ ဘယ်ကို ဦးတည်နေတာလဲ။ သူ့ရဲ့ ဦးတည်ချက် ကတော့ လယ်ပြင်ဆင်သွားသလို ရှင်းနေတာပါပဲ။
ဘယ်သူမှ အဖက်မလုပ်တဲ့ ညီလာခံဆိုတာကြီးကို သူခိုးရွှေရတပြပြ လုပ်ချင်တယ်။ နိုင်ငံ့အရေးကို အသက်တွေ၊ ဘ၀တွေ ပေးပြီး တိုက်ပွဲဝင်နေတဲ့သူတွေ လုံးလုံး အရေးမစိုက်တဲ့ ၅/၉၆ ဆိုတာကြီးကို နေရာပေး ခြိမ်းခြောက်ချင်တယ်။ ကြောက်စေချင်တယ်။
စားပြီးရင်းစားပြီး စားပိုးမနင်နိုင်သေးတဲ့ နအဖ စစ်အုပ်စုဟာ စီးပွားရေးပိတ်ဆို့မှုကြောင့် သူတို့ရဲ့ အဆီတ၀င်းဝင်း စားခွက်တွေ ပျောက်သွားတော့ ဦးသူစားစတမ်း၊ နိုင်သူစားစတမ်းဆိုပြီး ဇာတ်တူသား စားတော့တာ အားလုံးအသိ။ ထပ်စားရင် တပ်ပျက်တော့မယ့် ကိန်းဆိုက်တော့ လူထုဆီက ရသမျှညှစ်ဖို့ အကြံကုန်ဂဠုန်ဆားချက် လုပ်ရတော့တာပါပဲ။
နအဖဟာ တချက်ခုတ် နှစ်ချက်၊ သုံးချက်ပြတ်ဖို့ အကွက်ဆင်လိုက်တာပါပဲ။ မှန်းချက်နဲ့ နှမ်းထွက်ရော နအဖ ကိုက်ရဲ့လား။
တစ်ကောင်ကျွေးပြီး သုံးလေးကောင် စားချင်တဲ့ နအဖ …. ကိုယ်တိုင်ရော …… ပွဲသိမ်းတိုက်ကွက် မမိဖို့ ကြိုတင် ပြင်ဆင်ထားပြီးပြီလား။ ငါလိုလူ ဇမ္ဗူမှာ ရှိလို့လား ဆိုပြီးတော့ ဘ၀င်လေဟပ်နေရင်တော့ ၀မ်းမြောက်ဝမ်းသာ သြဘာ ပေးလိုက်ပါတယ်။ ဆက်သာလုပ် … နအဖရေ …….
သူဆင်တဲ့ အကွက်ထဲမှာ ကျနော်တို့ အသာစီးရလိုက်တာကတော့ ကျနော်တို့ချစ်တဲ့နိုင်ငံက ပြည်သူတွေရဲ့ မီးခဲပြာဖုံးဖြစ်နေတဲ့ တရားမျှတမှု၊ လွတ်လပ်မှု၊ ငြိမ်းချမ်းရေးကို အာမခံနိုင်တဲ့ ဒီမိုကရေစီစနစ်ကိုလိုလားတဲ့ စိတ်ဓာတ်တွေ တငွေ့ငွေ့ တောက်လောင် လာနေတာကို ထင်ထင်ရှားရှား တွေ့မြင်လိုက်ရတာပဲ။ ကျောင်းသားမျိုးဆက်တွေဟာ နှိမ်နင်းဖျောက်ဖျက်လို့မရ ရှင်သန်နေဆဲ၊ မျိုးဆက်တာဝန်တွေကို လက်ဆင့်ကမ်း သယ်ဆောင်နေဆဲ ဆိုတာကို ဂုဏ်ယူဝမ်းမြောက်စဖွယ် တွေ့မြင်ရတာ ဟာလည်း ကျနော်တို့ရဲ့ အောင်ပွဲပါပဲ။
အမျိုးသားဒီမိုကရေစီအဖွဲ့ချုပ်၊ ၈၈ မျိုးဆက် နောင်တော်များ၊ ကိုထင်ကျော်တို့ ဦးဆောင်သည့်အဖွဲ့များ၊ အစရှိသည့် အားလုံးသော ဒီမိုကရေစီအင်အားစုများ ရှေးရှုရာသည် လူကို လူလိုသိသည့် လူလိုဆက်ဆံသည့် စနစ် ပေါ်ထွန်းရေးပင်။
၁၉၉၀ ရွေးကောက်ပွဲ အနိုင်ရ အမျိုးသားဒီမိုကရေစီအဖွဲ့ချုပ်၏ ရပ်တည်ချက်၊ ၈၈ မျိုးဆက် နောင်တော်များ၏ ရဲရဲတောက် တိုက်ပွဲခေါ်သံ၊ ကိုထင်ကျော်တို့၏ ဘာမထီ စိန်ခေါ်မှုများ ............. ။
အားလုံးသော ဒီမိုကရေစီအင်အားစုများသည် အန္တိမရည်မှန်းချက်ဖြစ်သော ဒီမိုကရေစီပန်းတိုင်ဆီသို့ အဂ္ဂမဟာဗျူဟာ၊ မဟာဗျူဟာ၊ နည်းဗျူဟာ အစ အစ ရှိသည်တို့ကို သက်ဆိုင်ရာ၊ ပိုင်နိုင်ရာ၊ အားသန်ရာ တာဝန်များဖြင့် ချဉ်းကပ်ရာတွင် .....................
ဒီမိုကရေစီ၏ အခြေခံဖြစ်သော အပြန်အလှန်လေးစားမှုကို ရင်ဝယ်ပိုက်၍ အမြင်မတူညီမှုများကို ဆွေးနွေးငြင်းခုံခြင်း၊ ဝေဖန်ခြင်းတို့ဖြင့် တဖြည်းဖြည်း ရင့်ကျက်ရှင်သန်၍ ဆက်လက် ချီတက်ရပေဦးမည်မှာ ကျနော်တို့၏ သမိုင်းပေးတာဝန်များပင် ဖြစ်ပေသည်။
တော်လှန်ရေး လှုပ်ရှားမှုများတွင် လတ်တလော အရေးကြီးသည့် အရေးပေါ် နိုင်ငံရေးကိစ္စများသည် စိတ်ဓာတ်ရေးရာ အဓိက ရည်မှန်းချက်များကို ဖုံးအုပ်သွားဖွယ်ရာ သို့မဟုတ် ပျက်ပြယ်သွားဖွယ်ရာရှိသော အန္တရာယ်နှင့် အမြဲတမ်း ကြုံတွေ့နေရပါသည်။ စိတ်ဓာတ်ရေးရာ ရည်မှန်းချက်များကို ပထမ ဦးစားပေးရမည်။ မပျက်စီးအောင် လုပ်ရမည်ဟု ခိုင်မာစွာ တိုက်တွန်းနေရသည်မှာ ..................... (ဒီမိုကရေစီရှာပုံတော် ၄)
Posted by
freeburma
at
6:14 AM
0
comments
Labels: Fight On
Saturday, August 25, 2007
We are prisoners!
to know that the people of Burma remain prisoners in their own country"
..... PLEASE USE YOUR LIBERTY TO PROMOTE OURS .....
by Aung San Suu Kyi, Burma National Leader, 1991 Nobel Peace laureate
Posted by
freeburma
at
11:12 AM
0
comments
Labels: Burma Icon DASSK, Fight On
Saturday, August 18, 2007
Wednesday, August 15, 2007
သုညတွေရဲ့ မြင်းခွာသံများ
ဓာတ်ဆီ ၂၅၀၀ိ/-၊ ဒီဇယ်ဆီ ၃၀၀၀ိ/-၊ CNG ၉၀၀၀ိ/-၊ ဟုတ်ကဲ့ အပြင်မှောင်ခိုဈေးကွက်က လောင်စာဆီဈေးနှုန်းတွေ ချရေးနေခြင်း မဟုတ်ပါ။ ဘယ်သူဘယ်ဝါ၊ ဘယ်ဌာနကမှ တိတိပပ တာဝန်မခံထားဘဲ အရေးပေါ် ထုတ်ပြန်လိုက်တဲ့ … ဒီကနေ့ ၂၀၀၇ ခုနှစ်၊ သြဂုတ်လ (၁၅) ရက်နေ့ကစပြီး ဈေးနှုန်းတက်သွားတဲ့ …
အဆိုးဆုံးက CNG ဈေးပါပဲ။ တခါထည့် ၁၈၀၀ိ/- ကနေ အခု ၉၀၀၀ိ/- ဖြစ်သွားတော့ ငါးဆတောင် ခုန်တက်ပစ်လိုက်တာ ….. နဂိုထဲက တမေ့တမော တန်းစီရလို့ ညစ်နေကြတဲ့ လိုင်းကားတွေခမျာ မတက်ချင်တက်ချင်နဲ့ တက်လိုက်တာ အရင် ၄၀ိ/- ခရီးကို ၁၀၀ိ/- (ဘယ်စီးစီး ၁၀၀ိ/-) ခရီးဝေးရင် ဂိတ်စ၊ ဂိတ်ဆုံးဆိုရင် ၃၀၀ိ/- တဲ့ဗျား။
အထိနာဆုံးက လက်လုပ်လက်စားတွေ၊ ၀န်ထမ်းတွေပါပဲ။ အသွားအပြန် ၆၀၀ိ/ ဆိုတာနဲ့ပဲ ကျန်တဲ့ပိုက်ဆံနဲ့ ဘယ်လို သမုဒ္ဒရာ ၀မ်းတထွာ ဖြည့်ရမှာလဲ။
ကုန်သည်၊ စီးပွားရေးလုပ်ငန်းရှင်၊ အခု လိုင်းကားပိုင်ရှင်တွေကတော့ အထိနာလှတယ်လို့ မဆိုနိုင်ပါဘူး။ အခုပဲ အစိုးရက လောင်စာဆီဈေး တက်လို့ သူတို့လည်း လိုက်တက်ရတာပါဆို ပြဿနာတ၀က် ဖြေရှင်းပြီးသား ဖြစ်သွားပါပြီ။ ကျန်တဲ့ ၀ယ်လိုအား ကျသွားနိုင်မှုကိုတော့ ကိုယ့်နည်းကိုယ်ဟန်နဲ့ လိုက်လျောညီထွေ ဖြေရှင်းနိုင်ရင် ပြီးပြီ။ အကွက်မြင်တတ်ရင် ကွက်ကျော်ရိုက်ပြီး တွက်ရေးနဲ့ စက်သူဌေးဖြစ်ကိန်းပါပဲ။
ဘယ်နိုင်ငံမှာမဆို တိုင်းပြည်မှာ တစ်ခုခုပြဿနာဖြစ်ရင် ပြည်သူတွေကတော့ အစိုးရခေါင်း ပုံချကြတာချည်းပဲ။ ကျနော်တို့ နိုင်ငံ မှာတော့ အစိုးရလုပ်ချင်တာမှန်သမျှ လုပ်လိုက်တာမှန်သမျှရဲ့ အကျိုးဆက်ဆိုးတွေကို ပြည်သူတွေချည်းပဲ လှိမ့်ခံနေရတာပါပဲ။
စစ်မှန်တဲ့အစိုးရဆိုရင် လုပ်ကိုလုပ်ရမယ့် အချက်တွေ ရှိပါတယ်။
ပထမ - ပြည်သူလူထုကို ကြိုတင်အသိပေး ကြေညာပေးရမယ်။
ဒုတိယ - ဘာကြောင့် ဒီလိုလုပ်ဖို့ ဆုံးဖြတ်ရတာလဲ။ အဲဒီမှာ အကြောင်းအကျိုး ခိုင်လုံရမယ်။ တိုင်းပြည်ရဲ့ နိုင်ငံရေး၊ စီးပွားရေး၊ လူမှုရေး ကဏ္ဍအသီးသီးကို အားလုံး ဆီလျော်စွာ ချိတ်ဆက်ပြနိုင်တဲ့ အကြောင်းပြချက် ဖြစ်ရမယ်။
အခုပြန်ကြည့်ရင် ပထမအချက်ကို လုံးဝပျက်ကွက်တယ်။ ဒုတိယအချက်ကလည်း ထိုနည်းလည်းကောင်း။ နောက် ဘယ်အချိန် မှာမှ ရှင်းလင်းမှာလဲ။
နိုင်ငံတကာရဲ့ ဈေးနှုန်းနဲ့ ယှဉ်ပြီးတော့ ကမ္ဘာ့နိုင်ငံတွေမှာ ၁ ဂါလံ ဒေါ်လာဘယ်လောက်နဲ့ ရောင်းနေပါတယ်။ ကျနော်တို့နိုင်ငံမှာ ဈေးနှုန်း ထပ်မြှင့်တာတောင်မှ သူတို့ရဲ့ ပေါက်ဈေးအောက်မှာပဲ ရှိပါတယ် ဆိုတဲ့အပြောမျိုးတော့ ငါ့စကားနွားရ ပြောလို့မရပါဘူး။
လိုရင်းကတော့ ပြည်သူကို လူလိုသူလို / တိုင်းပြည်ရဲ့ ရင်နှစ်သည်းချာတွေလို သဘောမထားဘဲ ကျွန်သဘောက်လို ဆက်ဆံ နေတာပဲ။ ဖိနှိပ်နေတာပဲ။
Bus Line တွေရဲ့ ဒီကနေ့ သတ်မှတ်လိုက်တဲ့ ယာဉ်စီးခဟာ သာမန်လက်လုပ်လက်စား / ၀န်ထမ်းတွေ တောင့်ခံနိုင်တဲ့ အင်အား မရှိတော့ပါဘူး။
ငြိမ်ခံနိုင်ဖို့ အားလေးတောင် မချန်ပေးနိုင်တော့ဘူးဆိုတော့ ကျနော်တို့အတွက် ရွေးစရာတလမ်းပဲရှိတယ်။ ဘယ်လို ဆန့်ကျင်မလဲ။
ကျနော်တို့
ကိုယ်ပိုင်တဲ့ ခြေထောက်ကိုပဲ အားကိုးရမယ်။
အလုပ်ရှိရာကို ခြေလျင်လျှောက်သွားရမယ်။
ခြေလျင်လျှောက်ပြီး ရုံးတက်ရမယ်။
ကျနော်တို့အားလုံး စုစုစည်းစည်းနဲ့ ခြေလျင်ချီတက်ပွဲ လှုပ်ရှားမှုများဖြင့် လက်ရှိအနေအထားကို တွန်းလှန်ဆန့်ကျင်ကြပါစို့။
Posted by
freeburma
at
11:06 AM
0
comments
Labels: Fight On
Thursday, August 09, 2007
လူတိုင်း လူတိုင်း လူ့အခွင့်အရေး ရှိရမယ်
ထမင်းစားသော စက်ရုပ်များထဲမှာ
စိုးစဉ်းမျှတောင် တို့မပါ
သံပတ်ပေး စေခိုင်းလို့မရ
ဆုံးရှုံးခဲ့တဲ့ လူ့အခွင့်အရေးတွေ
တရားမျှတမှုရဲ့ဘက်က
အရနဲ့ အမိနဲ့ ပြိုင်တူနိုင်ဖို့အရေးအတွက်
ငါသည် တော်လှန်ရေး လုပ်ရမယ်လေ …..
(လူတိုင်း လူတိုင်း လူ့အခွင့်အရေး ရှိရမယ်။
လူတိုင်း လူတိုင်း လူ့အခွင့်အရေး ရသင့်ပါတယ်။)
မတရားမှန်းတော့ အားလုံးအသိပဲလေ
ပြောခွင့်မရတဲ့ ဘ၀တွေ
လူဖြစ်ရှုံးနေတဲ့ တိုင်းပြည်
သေနတ်ပြောင်းဝနဲ့ ဓားအမိုးအောက်မှာ
အတုံးအရုံးနဲ့ အသက်စွန့်သွားတဲ့
လက်နက်မဲ့တဲ့ သံဃာတော်အရှင်များနဲ့
ညီအကိုတော်တွေအတွက် ၀မ်းနည်းတယ်လေ …..
(လူတိုင်း လူတိုင်း လူ့အခွင့်အရေး ရှိရမယ်။
လူတိုင်း လူတိုင်း လူ့အခွင့်အရေး ရသင့်ပါတယ်။)
အားလုံးရဲ့ လွတ်မြောက်ရေးအတွက်ဆို
အားလုံး ၀ိုင်းလို့ချမယ်
မဆိုင်သလို လုပ်မနေကြနဲ့လေ
ကြောက်စိတ်နဲ့ပဲ အမြဲရပ်လို့တော့
တသက်လုံးပဲ ကြောက်သွားရမယ်
ခေတ်ရဲ့အဆိုးနဲ့ အာဏာရှင်ကျွန်ဘ၀က
ပြည်သူတွေကိုကွယ် အဆုံးမသတ်နိုင်ဘူး …..
(လူတိုင်း လူတိုင်း လူ့အခွင့်အရေး ရှိရမယ်။
လူတိုင်း လူတိုင်း လူ့အခွင့်အရေး ရသင့်ပါတယ်။)၂
Click Here To Download This Song.
၈၈၈၈ ကစပြီး လူတိုင်း ရင်ထဲကို ရောက်ခဲ့တဲ့ သီချင်းပေါ့။ အခုထိတောင် နားထောင်တိုင်း နားထောင်တိုင်း ရင်ထဲကို စူးစူးရှရှ ၀င်လာခဲ့တာ……. သြော် .. စဉ်းစားမိလေ ရင်နာလေ ……. ရင်နာလေ ပိုချစ်လေ ……… ဆိုသလိုပါပဲ။
ဟေ့ . . ဒီမှာ
မင်းတို့
အာဏာရှင်တွေကို ဘယ်တော့မှ ဒူးမထောက်ဘူး
စနစ်ဆိုးကို တို့မျိုးဆက်မှာ ရအောင် ဖျက်ပြမယ်
မျိုးဆက်သစ်တို့ ကောင်းမွေတွေ စံစားရဖို့ ငါတို့တွေ ဘယ်တော့မှ ဦးမညွတ်ဘူး
အရေးတော်ပုံ အောင်ရမည်
အရေးတော်ပုံ အောင်ရမည်
အရေးတော်ပုံ အောင်ရမည်
Posted by
freeburma
at
9:39 PM
0
comments
Labels: Fight On
Wednesday, August 08, 2007
၈၈၈၈ အောက်မေ့ဖွယ်
“ ကြယ်ကြွေ သတို့သား ”
ကြယ် ကြွေလို့လား
သူငယ်ချင်း မင်းဟာ
ယုံကြည်ရာကို ရင်သွေးလိုလဲ မွေးခဲ့တယ်။
သူငယ်ချင်း မင်းဟာ
ဒဏ်ရာတွေကို ဆီမီးလိုလဲ ထွန်းခဲ့တယ်။
သူငယ်ချင်း မင်းဟာ
ကိုယ့်အနာ ကိုယ့်လျှာနဲ့သပ် ရှင်တတ်ခဲ့ပြီးပြီ။
သူငယ်ချင်း မင်းဟာ
ကိုယ့်အရေပြား ကိုယ်လွှာ
ကိုယ့်အရိုး ကိုယ် အပ်လိုသွေး၊
ကိုယ့်ဝတ်စုံ ကိုယ် ချုပ်လို့
ကျကျနန လှခဲ့ပြီးပြီ။
သူငယ်ချင်း
သွားနှင့် သူငယ်ချင်း
ကြယ်အစင်းစင်းကြွေတဲ့
ဟောဒီကမ္ဘာမြေရဲ့ အနာတရတွေကို
ဒီကနေ့ နေ အပြင်းပြင်းပူတဲ့ ကမ္ဘာမြေရဲ့ဒဏ်ရာကို
လက်ဖ၀ါးတွေနဲ့ ကာကွယ်ဖို့ ငါတို့ နေရစ်ခဲ့အုံးမယ်။
သွားနှင့် သူငယ်ချင်း
ကမ္ဘာမြေရဲ့ ကြေကွဲခြင်း ဓာတ်ပြားထဲ
မင်းရဲ့ ကဗျာတွေ မာတိကာ စီဖို့
ငါတို့ နေရစ်ခဲ့အုံးမယ်။
သွားနှင့် သူငယ်ချင်း
ကျောင်းနံရံတ၀ိုက်
ဒေါင်း အလံ ပြန်စိုက်တဲ့ တနေ့
ငါတို့ … … ။
ကျောင်းသားခေါင်းဆောင်ဟောင်း၊ နိုင်ငံရေးအကျဉ်းသမားဟောင်း၊ နာမည်ကျော် စာရေးဆရာ တာရာမင်းဝေရဲ့ ဈာပနတွင် (၈၈) မျိုးဆက်ကျောင်းသားများကိုယ်စား ကိုမင်းကိုနိုင်မှ ဤကဗျာအား ရွတ်ဖတ် ဂုဏ်ပြုခဲ့ပါသည်။
တိုက်တိုက်ဆိုင်ဆိုင် (၈၈) နှစ်ပတ်လည် အောက်မေ့ဖွယ် ဒီမိုကရေစီရေး၊ လူ့အခွင့်အရေးတို့အတွက် အသက်ပေးခဲ့ကြရတဲ့ ရဟန်းရှင်လူ ကျောင်းသား ပြည်သူများအား ဂုဏ်ပြုခြင်းဟုလည်း ထပ်တူ ပြုနိုင်ပါသည်။
Posted by
freeburma
at
10:52 PM
0
comments
Wednesday, August 01, 2007
၈၈၈၈ တုန်းက ကျနော်
၁၉၈၀ ၀န်းကျင်ခန့်တွင် မွေးဖွားခဲ့သော ကျနော်သည် ၈၈၈၈ အရေးတော်ပုံကာလတွင် နယ်မြို့လေးတမြို့တွင် နေထိုင်လျက်ရှိရာ တစ်ရက်တွင် (ထိုနေ့သည် ၈.၈.၈၈ ဖြစ်မည်ထင်ပါသည်။) အိမ်ရှေ့လမ်းမတလျောက် ကြွေးကြော်သံများဖြင့် လူတန်းရှည်ကြီး ချီတက်လာသည်ကို တွေ့လိုက်ရပါသည်။
"ဒီမိုကရေစီရရှိရေး တို့အရေး တို့အရေး"
လူတန်းရှည်ကြီးကား မျှော်မဆုံးနိုင်ပေ။ အိမ်ရှေ့တွင်ကား တမိသားစုလုံး ရပ်ကြည့်နေကြသည်။ အဖေကား ကျေနပ်သော အကြည့်တို့ဖြင့် လက်ခုပ်တီးကာ အားပေးထောက်ခံနေသည်။ ကျနော်ကတော့ နားမလည်ပါ။ ဘာလဲ ဒီမိုကရေစီ ……… ။ လူတွေ တမြို့လုံးနီးပါးကို လမ်းပေါ်ပြည့်လျှံလောက်အောင် ထွက်လာပြီး တောင်းဆိုနေတဲ့ ဒီမိုကရေစီ ……….။ ကျနော်ရဲ့ အားကိုးရာ အဖေပါ အားပေးထောက်ခံနေတဲ့ ဒီမိုကရေစီ ………..။
ရက်တွေ တရက်ပြီးတရက် ပြီးတော့ တရက်မှာတော့ ပစ်ကုန်ပြီတဲ့။ ကျနော့်အမတို့ရဲ့ ကျောင်းအုပ်ဆရာကြီး အပစ်ခံရလို့ သေပြီတဲ့။ အမတို့ ငိုနေတော့ ကျနော်လည်း စိတ်မကောင်းဘူး။ ဘာလဲ ဒီမိုကရေစီ ………. ။ ဘာဖြစ်လို့ အသက် အသေ ခံရလောက်အောင် လိုချင်နေရတာလဲ။ ဘာဖြစ်လို့ လူတွေသေရလောက်အောင်၊ လူတွေကို ပစ်ခတ်သတ်ဖြတ်ရဲလောက်အောင် ဒီမိုကရေစီကို ဟန့်တားချင်ရတာလဲ။
"အဖေ …. ဒီမိုကရေစီဆိုတာဘာလဲ။ ဘာဖြစ်လို့ ဒီ .. ဒီမိုကရေစီအတွက် လူတွေ သေရတာလဲ။ အသတ်ခံရတာလဲ။"
"ဒီမိုကရေစီရရင် အဖေတို့ သားတို့ နေတဲ့ ဒီတိုင်းပြည်ကြီးဟာ ပိုပြီးဖွံ့ဖြိုးတိုးတက်လာမှာပေါ့။ ဒီထက် အဆင့်အတန်းမြင့်မြင့် နေနိုင်မှာပေါ့ သားရယ် …."
"အဖေရယ် အဖေတို့ တိုင်းပြည်ပိုကောင်းဖို့လုပ်တာကလည်း လူတွေတရုံးရုံးသေနေကြပါလား။ လူတွေ ဒီလောက်သေပြီးမှ ဒီမိုကရေစီရမယ် ဆိုရင် ကျနော်ကတော့ မလိုချင်ပါဘူး"
ရန်ကုန်မှာ ခေါင်းဖြတ်ပြီး သတ်ဖြတ်ရမ်းကားနေပြီတဲ့
တပ်မတော်က အခြေအနေအရပ်ရပ်ကို ဒီထက်ပိုမဆိုးသွားအောင်၊ တိုင်းပြည် ချောက်ထဲမကျအောင် ကယ်တင်လိုက်ပြီတဲ့။
သတင်းစာကို ဖတ်တော့ တွေ့လိုက်ရတာကတော့ တပ်မတော်ရဲ့မွန်မြတ်သောဆန္ဒ ………..
"နိုင်ငံတော် အချုပ်အခြာအာဏာကို မလွှဲမရှောင်သာ၍ တာဝန်ယူဆောင်ရွက်ခဲ့သည့်တိုင် နိုင်ငံတော်အာဏာကို မူလပိုင်ရှင် ဖြစ်သော ပြည်သူများလက်ဝယ်သို့ ဒီမိုကရေစီနည်းလမ်းနှင့်အညီ မြန်နိုင်သမျှ မြန်မြန် ပြန်လည်အပ်နှင်းချင်သည်။"
"အဖေ ….. တပ်မတော်က တိုင်းပြည်ကို ကယ်တင်လိုက်တာပေါ့နော် ……. "
အဖေ .. ကျနော့်ကို ကြည့်ပြီး ပြုံးတဲ့ အပြုံးကို အဲဒီတုန်းက ကျနော်နားမလည်ခဲ့ပါ။
Posted by
freeburma
at
10:52 PM
0
comments
Labels: Fight On
Sunday, July 22, 2007
ရှက်ကြိုးပြတ်နေတော့ ပေါချက်က ကမ်းကုန်တယ်။
ငရဲတွင်းကိုဆင်းကြည့်ပါ ယပ်တောင်တချောင်းပေးလိုက်မယ်
ဇွန်မှိုင်း
အမျိုးသားညီလာခံကျင်းပရေးကော်မရှင်အစည်းအဝေး (၂/၂၀၀၇) ကို ဇွန်လ (၅) ရက်နေ့မှာ ကျင်းပတယ်။
ကျင်းပရေးကော်မရှင်ဥက္ကဋ္ဌ ဒုတိယဗိုလ်ချုပ်ကြီး သိန်းစိန်က ….
“၂၀၀၇ ခုနှစ် ဇူလိုင်လ (၁၈) ရက်နေ့မှာ ညီလာခံကို ပြန်လည်ကျင်းပမည်ဖြစ်ကြောင်း”
“ဒါဟာ နောက်ဆုံးအကြိမ်ကျင်းပမယ့် ညီလာခံလည်းဖြစ်ကြောင်း”
“ဒီညီလာခံမှာ တချို့အချက်အလက်များကို ပြင်ဆင်ခြင်း၊ ဖြည့်စွက်ခြင်း၊ ပယ်ဖျက်ခြင်းများ ပြုလုပ်သွားကြ ရမှာ ဖြစ်ကြောင်း”
သူ့မိန့်ခွန်းမှာ ထည့်သွင်းပြောကြားသွားပါတယ်။
MRTV မှာ ဆုန်သင်းပါရ်ရဲ့ အမျိုးသားညီလာခံဖွဲ့သီချင်းနှင့် ရှေ့ဆင့်နောက်ဆင့် မြင်လိုက်ကြားလိုက်ရတယ်။
ကျနော့်တဦးချင်းအရပြောရရင် ဘယ်လိုမှမခံစားရဘူး။ လုံးလုံးရင်မခုန်ဘူး။
နအဖနိုင်ငံခြားရေးဝန်ကြီးဦးဥာဏ်ဝင်းက အာဆီယံဆမ်းမစ်မှာ ၂၀၀၈ ဆန်းရင် လူထုဆန္ဒခံယူပွဲ လုပ်နိုင်မယ်လို့ ပြောဆိုပြီးကတည်းက ….
တစည အထွေထွေအတွင်းရေးမှူး ဦးခင်မောင်ကြီးက နောက်ရွေးကောက်ပွဲအတွက် အဆင်သင့်ပြင်နေပြီလို့ အင်တာဗျူးပြီးကတည်းက …
အနှေးနှင့် အမြန်
တရက်မဟုတ် တရက်
ညီလာခံ ပြန်စတော့မယ်ဆိုတာ လူတိုင်းခန့်မှန်းနိုင်ကြပြီးသားပဲ။
အဲဒါ ဘာဆန်းလို့လဲ။
အမျိုးသားညီလာခံလို့ စလုပ်လာကတည်းက…
ရပ်သွားလိုက်၊ ပြန်စလိုက်
တခါပြန်ရပ်သွားလိုက်။ နောက်တခါ ပြန်စလာလိုက်။ ဂျာအေးကို သူ့အမေ အကြိမ်ကြိမ် ရိုက်နေတဲ့အဖြစ်။
ဒါလည်း ရိုးအီနေတဲ့၊ ကလေးတွေတောင် အလွတ်ရနေနိုင်တဲ့ ဖြစ်စဉ်ပဲလေ။
ဘာဆန်းလို့လဲ ကျနော့်အထင်တော့ ဘာမှမဆန်းဘူး။
ဒါပေမယ့် ဆန်းနေတယ်၊ ဆန်းနေကြတယ်။
လူတချို့အတွက်ကျ အံ့အားသင့်လောက်အောင် ဆန်းနေကြတယ်။
သူတို့ဘာကြောင့် ဆန်းနေကြတာပါလိမ့်၊ ကျနော်အကဲခတ်ကြည့်မိတော့… (၂) ခု သွားမြင်တယ်။
တခုက… ဒါဟာ “နောက်ဆုံးအကြိမ်ကျင်းပပြုလုပ်မယ့်ညီလာခံ” ဆိုတဲ့ နာမ၀ိသေသန။
ဒီမှာအဆုံးသတ်တော့မယ်၊ အဆုံးမသတ်ခင် နောက်ဆုံးအနေနှင့် ကိုယ် ဘာ ထလုပ်ရင် ရနိုင်ဦးမလဲ။
ကိုယ်ဘာလုပ်ခွင့်ရမလဲ။ ကြံစမ်း။ ကြံစမ်း။ ကိုယ်စွမ်း ဥာဏ်စွမ်းရှိသမျှ ကြံကြည့်စမ်း။
ဒီလိုစဉ်းစားကြတာ ဖြစ်လိမ့်မယ်။
နောက်တခုက “ဒီညီလာခံမှာ အချို့အချက်အလက်များကို ပြင်ဆင်ခြင်း၊ ဖြည့်စွက်ခြင်း၊ ပယ်ဖျက်ခြင်းများ ပြုလုပ်သွားကြရမှာဖြစ်ကြောင်း” ဆိုပြီး ဗိုလ်သိန်းစိန် ကြာပစ်လိုက်တဲ့ကိစ္စ Heart ထိသွားတာ ဖြစ်နိုင်တယ်။
ဒီ မဆိုသလောက် မက်လုံးလေးအပေါ်မှာ စိတ်ကစားကြတာ။
မျှော်လင့်ကြည့်ကြတာ။
စိတ်ကူးယဉ်ကြည့်ကြတာ အဲဒီလိုဖြစ်မယ်။
“အချို့အချက်အလက်များ” ဆိုတာကို အရုပ်ရေးကြည့်ကြတာဖြစ်မယ်။
“ပြင်ဆင်ခွင့်၊ ဖြည့်စွက်ခွင့်၊ ပယ်ဖျက်ခွင့်” တွေနှင့်ပတ်သက်ပြီး အားတက်မျှော်လင့်ကြည့်ကြတာ ဖြစ်မယ်။
အဲဒီလိုကြေးဆိုရင်တော့ သူတို့အဖို့ ဆန်းပြီပေါ့။
ဟုတ်ရှာသားပဲ။
ကိုယ့်တွက်ရေးနှင့်ကိုယ် စက်သူဌေး လုပ်ကြည့်ကြသူများ၊ ဒါလည်းရှိမှာပဲလေ၊ ကွဲလွဲခွင့်ရှိပါတယ်၊ လူအမျိုးမျိုး ဘုရားရှိခိုးအမျိုးမျိုးလို့ ဆိုပေတာကိုး။
လွတ်လပ်စွာကွဲလွဲခွင့်ရှိပါတယ်။
နအဖဆိုတာ ဘယ်လိုအမျိုးအစားလဲ။
နအဖရဲ့ အမျိုးသားညီလာခံဆိုတာက ဘယ်လိုအမျိုးအစားလဲ။
နအဖရဲ့ ကတိက၀တ်တွေနှင့် ဆောင်ရွက်ပြုမူခဲ့၊ ပြုမူဆဲ အလုပ်တွေက ဘယ်လိုအမျိုးအစားတွေလဲ။
ကျနော်တော့ အဲဒီလို တချက်ချင်းကြည့်ကြည့်ချင်တယ်။
ဒီမေးခွန်းတွေအတွက် အဖြေတွေကို ဒုက္ခတွေ ခါးစည်းခံနေရတဲ့ မြန်မာပြည်သူအားလုံးကတော့ ဘ၀နှင့်ရင်းပြီး သိခဲ့ကြလှပါပြီ။
နအဖ ဆိုတာ…
လူထုလက်ထဲ အာဏာရလုရခင်ကာလမှာ အဲဒီလူထုကို ရက်ရက်စက်စက်သတ်ဖြတ်ချေမှုန်းပြီး အဲဒီအာဏာကို အတင်းလုယူခဲ့တဲ့အစိုးရ။ အာဏာသိမ်းအစိုးရ။
စစ်အုပ်စုအကျိုးစီးပွားအတွက် စစ်အာဏာရှင်စနစ်ကို တဆံချည်မလျှော့စတမ်း တည်ဆောက်
သွားဖို့ သံဓိဋ္ဌာန် ခိုင်ခိုင်ချထားတဲ့ အစိုးရ။
စစ်အာဏာတည်မြဲဖို့ဆိုရင် ဘာကိုမဆို ပြောရဲ၊ ဘာကိုမဆို လိမ်ရဲ၊ ဘာကိုမဆို လုပ်ရဲတဲ့ အစိုးရ။
နအဖရဲ့ အမျိုးသားညီလာခံဆိုတာ…
ရွေးကောက်ပွဲအနိုင်ရပါတီတွေ လုံးလုံးမတက်တဲ့။ လူထုလူတန်းစား ကိုယ်စားလှယ်အစစ်အမှန်တွေ လုံးလုံးတက်ခွင့်မရတဲ့။ လက်ညှိုးထောင် ခေါင်းညိတ်တွေကိုသာ လက်ရွေးစင်ခေါင်းခေါက် လက်ကုပ်ပြီး တက်ခိုင်းထားတဲ့။ အပစ်အခတ်ရပ်စဲထားတဲ့ တော်လှန်ရေးအင်အားစုတွေကို “အထူးဖိတ်ကြားသူများ” ဆိုတဲ့ ခေါင်းစဉ်နှင့် နိုင်ငံရေးအရ တန်ဖိုးလျှော့ချပြီး တက်ရောက်စေတဲ့။ တက်ရောက်ရသည့်တိုင်အောင် တင်ပြချက်တွေကို “မှတ်တမ်းတင်ပါသည်” ဆိုတဲ့အဆင့်မှာပဲ ချောင်ထိုးခံထားရတဲ့၊ ပြည်သူတွေ၊ ပြည်တွင်း ပြည်ပ ဒီမိုကရေစီအင်အားစုတွေ၊ တိုင်းရင်းသား ခေါင်းဆောင်တွေနဲ့ နိုင်ငံတကာမိသားစုတွေက လုံးဝလုံးဝမှ အယုံအကြည်မရှိကြတဲ့ ညီလာခံ။
ထို ထိုသော ဂုဏ်ပုဒ်များနှင့် ပြီးပြည့်စုံတဲ့ အတုအယောင် အမျိုးသားညီလာခံ။
နအဖရဲ့ ကတိက၀တ်တွေနှင့် ဆောင်ရွက်ပြုမူခဲ့။ ပြုမူဆဲအလုပ်တွေဆိုတာလဲ...
“ရွေးကောက်ပွဲမှာ အနိုင်ရပါတီကို အာဏာအပ်ပြီး ကျနော်တို့ တပ်မတော်က စစ်တန်းလျားကို ပြန်ကြမှာဖြစ်ပါတယ်” ဆိုတာက အစ …
တတိုင်းပြည်လုံး (စစ်အုပ်စုနဲ့ အပေါင်းပါ အစုလေးတစုကလွဲလို့) ကုန်းကောက်စရာမရှိလောက်အောင် ချွတ်ခြုံကျနေတဲ့အခိုက်မှာ …
“တိုင်းပြည်ဟာ ဘက်ပေါင်းစုံ အရှိန်အဟုန်နှင့် ဖွံ့ဖြိုးတိုးတက်နေပါတယ်” လို့ မျက်နှာပြောင်တိုက်ရဲတာအဆုံး
ကျနော်တို့အတွက် ယုံကြည်အားကိုးလောက်စရာ ဘယ်မှာရှိလို့လဲ။
ကျနော်တော့ ဒီ နအဖရဲ့စကားကို…
ကျနော်တို့ ပြည်သူတွေရဲ့ အကျိုးရှိရာရှိကြောင်းစံနှင့် တိုင်းကြည့်မိတိုင်း ဘယ်တုန်းကမှ ဘယ်လောက်ကလေးမှ ရှာမတွေ့ဖူးဘူး။
ယုံကြည်လောက်တဲ့အနေအထား ကျနော့်သိမြင်မှုထဲမှာ တခုတလေမှ လုံးလုံးရှာလို့မရခဲ့ဖူးဘူး။
ကိုအေးလွင်တို့အုပ်စု ကားလေးတစီးငှားပြီး ရွာရိုးကိုးပေါက်လျှောက်သွား။
သူများယုံယုံ မယုံယုံ “NC ကို ထောက်ခံကြပါ။ Sanction ကို ကန့်ကွက်ကြပါ။” လို့ လိုက်ပြောနေ ကြတာ ကျနော်မအံ့သြဘူး။
သူ့ဆန်စားပြီး ရဲပြနေကြတာမဟုတ်လား။
အရိုးအရင်းလောက်နဲ့ မြိန်ရေရှက်ရေဖြစ်ပြီး သခင်အားရ ကျွန်ပါးဝလုပ်ပြနေကြတာ မဟုတ်လား။
ဒီအသီးစားမိပြီး ဒီသီချင်းကို ညည်းပြနေကြရတာ မဟုတ်ဘူးလား။
ဒါ ဘာဆန်းလို့လဲ။
ခေတ်အဆက်ဆက်မှာ ဒီလိုဖော်လံဖားတွေ။ ကြောက်ဖားတွေနှင့် အလိုတော်ရိတွေဆိုတာ
ရှိမြဲပဲလေ။
ကျနော် အဲဒါ မအံ့သြဘူး။
“NC က သိပ်ကိုကောင်းပါတယ် သိပ်ကိုတက်သင့်ပါတယ်။ ကျနော်တောင် တက်ခွင့်မရလို့ တက်ချင်လိုက်တာ တပိုင်းသေနေပြီ” လို့ပဲ ပြောပြော။
“NC မတက်ရင် ငါတကောကောတာပဲ။ တိုင်းပြည်ကိုဖျက်ဆီးတာပဲ။ ပြည်သူတွေကို မွဲအောင် ငတ်အောင်လုပ်တာပဲ” လို့ပဲ ဆို ဆို …
ပြောကြစမ်းပါစေ။
အဲဒီလိုပြောရင် စားပေါက်ချောင်တယ်ထင်လို့ သူ့ကျေးဇူးရှင်တွေ ကြည်အောင်၊ သာအောင် ပြောရရှာတာ။
ဒါက … ကျနော့်အနေနှင့် သဘောမတူပေမယ့် သဘောပေါက်လို့ရတယ်။
အေးလွင်က အေးလွင်စကားပြောတာ
ဒေါက်တာစိုးလင်းက ဒေါက်တာစိုးလင်းစကားပြောတာ
ဦးတင်ရွှေက ဦးတင်ရွှေစကားပြောတာ
ဦးလှမြင့်တို့ ဦးထွန်းအောင်ကျော်တို့က သူတို့ဘာသာဘာဝစကားကို သူတို့ဘာသာ ပြောနေ ဆိုနေကြတာ
ဘာမှလည်း မဖြစ်ဘူး။ ဘာမှလည်း ဖြစ်မလာဘူး။
ဘာအရာမှလည်း မရောက်ဘူး။
ဘယ်လိုခုန်ခုန် ဘယ်လိုဖုန်မှလည်း မထဘူး။ စိတ်သာချ။
ဒါက ရှင်းတယ်။ ခွေးအလုပ် ခွေးလုပ်၊ မြင်းအလုပ် မြင်းလုပ်ဆိုတဲ့ မြန်မာစကားက ရှိပြီးသားပဲ။ သူတို့ကတော့ ထားလိုက်တော့။
ပြီးတော့ ညီလာခံကော်မရှင်က ပြဋ္ဌာန်းပေးထားတဲ့ လုပ်ထုံးလုပ်နည်းတွေကိစ္စ။ အဲဒါနှင့်
ပတ်သက်ပြီး ကျနော် ကြည့်ကြည့်တယ်။ အမျိုးသားညီလာခံကျင်းပရေးဆိုင်ရာ လုပ်ထုံး
လုပ်နည်းများရဲ့ အခန်း (၄) ပိုဒ်ခွဲ (၄၃) မှာ ဒီလို ဆိုထားပါတယ်။
“ဆွေးနွေးမည့် ညီလာခံကိုယ်စားလှယ်များသည် ဦးတည်ချက် (၆) ချက် ဘောင်အတွင်းမှ မိမိတို့ တင်ပြလိုသော ဆန္ဒသဘောထားများနှင့် အကြံပြုချက်များကို ဆွေးနွေးတင်ပြခွင့်ရှိသည်။ သို့သော် ယင်းသို့ဆွေးနွေးရာတွင် ဤလုပ်ထုံးလုပ်နည်းများတွင် ဖော်ပြထားသော တားမြစ်ချက်များကို ချိုးဖောက်ခြင်းမပြုရ။”
ကျနော်တို့ကို နအဖရဲ့ဦးတည်ချက် (၆) ရပ်က ခြေရော လက်ရောချုပ်ထားပြီးသားပါ။
သူ ခွင့်ပြုထားတဲ့ မူထဲ ဘောင်ထဲကပဲပြော။ နည်းနည်းလေးမှ စည်းကျော်မလာနဲ့ဆိုတာက ရှိပြီးသားပါ။ ပြီးတော့ အခန်း (၄) ပိုဒ်ခွဲ (၄၅ - စ) မှာလည်း …
“ညီလာခံ၌ ဆွေးနွေးပြီးပြတ်ပြီးဖြစ်သော ကိစ္စတရပ်ရပ်ကို ထပ်မံတင်ပြခြင်းမပြုရ” တဲ့။
အခုလို ထပ်ပြီး ကန့်ထားပြန်တယ်။ ထွက်ပြီးသားဆင်စွယ် ၀င်တယ်လို့မရှိစေရဆိုတဲ့သဘော။ အပြတ်တွေပါ။
အဲဒီလို အကန့်အသတ် အဖုံးအဖိတွေနှင့် ညီလာခံဟာ ဒီမိုကရေစီလုပ်ဟန် လုံးလုံးချို့တဲ့နေလို့ မွန်ပြည်သစ်ပါတီ ဆက်မတက်တော့တာ။ လေ့လာသူအဆင့်သာ လွှတ်တော့တာ အားလုံး တွေ့ကြမှာပါ။
အားလုံးလည်းမှတ်မိကြမယ် ထင်ပါတယ်။ အပစ်အခတ်ရပ်စဲထားတဲ့ တော်လှန်ရေး အင်အားစု တွေထဲက နိုင်ငံရေးကြီးသူများဟာ သူတို့လုပ်စရာရှိတာတွေကို တောက်လျှောက်လုပ်ခဲ့ကြပါတယ်။
တင်ပြစရာရှိတာတိုင်းကို တောက်လျှောက်တင်ပြခဲ့ကြပါတယ်။
ညီလာခံမစခင်မှာလည်း တင်တယ်။
ညီလာခံထဲမှာလည်း တင်တယ်။
အပစ်ရပ် (၆) ဖွဲ့ စုဖွဲ့ပြီးတင်တယ်။ (၇) ဖွဲ့ စုဖွဲ့ပြီး တင်တယ်။ (၁၃) ဖွဲ့စုဖွဲ့ပြီး တင်တယ်။
အမျိုးသားညီလာခံရဲ့ အဓိပ္ပာယ်ပြည့်စုံဖို့အတွက် အင်အားစုအားလုံး ပါဝင်သင့်တယ်။ အထူးသဖြင့် ရွေးကောက်ပွဲအနိုင်ရပါတီတွေ ပါဝင်သင့်တယ်။ အပစ်အခတ် မရပ်စဲသေးသူများကိုပင်လျှင် ဖိတ်ကြားသင့်တယ်လို့ တင်ပြခဲ့ကြတယ်။
အဲဒီတင်ပြချက်တွေ ဘာဖြစ်ခဲ့သလဲ။
ဘာမှမဖြစ်ခဲ့ဘူး။ ကျနော်တို့ရဲ့ တင်ပြချက်တိုင်းကို စစ်အုပ်စုက ဘယ်လိုတုံ့ပြန်ခဲ့သလဲ။
အမျိုးသားတန်းတူရေးနှင့် ကိုယ်ပိုင်ပြဋ္ဌာန်းခွင့်တွေအတွက် တောက်လျှောက် တင်ခဲ့ကြတယ်။
ဘယ်လောက် ဘာတွေရခဲ့ကြသလဲ။
ဒါတွေဟာ ကျနော်တို့ တကယ်လက်တွေ့ကြုံခဲ့၊ တကယ်ဖြတ်ခဲ့ရတဲ့ တကယ့်ဖြစ်ရပ်တွေပါ။
ဒီလိုအနေအထားအောက်မှာ၊ ဒီလက်တွေ့တွေအောက်မှာ ကျနော်တို့ ဘာကိုစိတ်ကူးသွားယဉ်လို့ရမှာလဲ။
ဘာကို မျှော်လင့်ကြည့်လို့ ရမှာလဲ။
စဉ်းစားကြည့်စေချင်တာပါ။
NLD က ပြောပြီးပြီ။
ခုမှ မဟုတ်ဘူး။ ၂၀၀၄ ခုနှစ် မေလ (၁၄) ရက်နေ့ကတည်းက ပြောပြီးပြီ။
၂၀၀၄ မေ (၁၇) ရက်မှာ ညီလာခံကို ပြန်စမယ်လုပ်တော့…
အဲဒီညီလာခံဆိုတာကလည်း ၂၀၀၃ သြဂုတ်လ (၃၀) မှာ သွားလေသူ ဗိုလ်ခင်ညွန့်ကိုယ်တိုင် စတင်ပြီး ဟန်နဲ့ပန်နဲ့ ကြေညာထားတဲ့ လမ်းပြမြေပုံ (၇) ချက်ရဲ့ နံပါတ်စဉ် (၁)၊
၁၉၉၅ နှစ်ကုန် ၁၉၉၆ နှစ်ဆန်းကတည်းက ဘယ်လိုမှ ပြန်စမရတော့လောက်အောင် အင်ဂျင်မရှိတော့တဲ့ ကားတစီး ထိုးရပ်သွားသလို ထိုးရပ်သွားတဲ့ ညီလာခံ။
ဒီညီလာခံကို အပြကောင်းအောင်။
အထူးသဖြင့် နိုင်ငံတကာမှာ အပြကောင်းအောင်။
စစ်အုပ်စုဟာ NLD ကိုလည်း ပြန်ပြီးတက်စေချင်တယ်။ SNLD ကိုလည်း ပြန်ပြီးတက်စေချင်တယ်။
တက်သာ တက်စေချင်တာ စစ်အာဏာရှင်စနစ် တည်မြဲရေးဆိုတဲ့ သူ့ရည်မှန်းချက်ကတော့ ငါးပြားတစေ့မှ အပွန်းမခံဘူး။
အဲဒီလိုအနေအထားမှာ…
တချို့ မသိသား ဆိုးဝါးသူများကလည်း NLD က ခေါင်းမမာသင့်ပါဘူး။
တက်ကြည့်သင့်ပါတယ်။ အနိမ့်ဆုံးတက်တော့ တက်ကြည့်ပေါ့ ဆိုတာမျိုးတွေ။
ခလေးဆိုး ပူဆာသလို ပူဆာနေကြတဲ့အချိန် …
NLD ဘာလုပ်ခဲ့သလဲ …
မူပေါ်မှာအခိုင်အမာရပ်ပြီး အပျော့ပြောင်းဆုံးလုပ်ဟန်နှင့် တုံ့ပြန်ခဲ့တယ်။
အဲဒါကတော့…
“၂၀၀၄ ခုနှစ် မေလ (၁၄) ရက်နေ့ အမျိုးသားဒီမိုကရေစီအဖွဲ့ချုပ်၏ ကြေညာချက်” ဖြစ်ပါတယ်။
အဲဒီကြေညာချက်မှာ …
“အမျိုးသားဒီမိုကရေစီအဖွဲ့ချုပ်သည် ဒီမိုကရေစီပြည်ထောင်စု မြန်မာနိုင်ငံတော်တည်ဆောက်
ရေးကို ရည်ရွယ်မျှော်မှန်းပြီး နိုင်ငံတော်အေးချမ်းသာရေးနှင့် ဖွံ့ဖြိုးရေးကောင်စီက ကျင်းပသော အမျိုးသားညီလာခံနှင့် ပူးပေါင်းဆောင်ရွက်ရန် ဆန္ဒရှိခဲ့သည်။ ထို့ကြောင့် အဖွဲ့ချုပ်အနေဖြင့် အမျိုးသားညီလာခံတွင် ပါဝင်ဆွေးနွေးလာနိုင်ရေးအတွက် အောက်ပါအနည်းဆုံးလိုအပ်ချက်
များကို အာဏာပိုင်တို့အား အသိပေးခဲ့သည်။ ၎င်းလိုအပ်ချက်များမှာ …
(၁) ညီလာခံဦးတည်ချက် (၆) ချက်သည် နိုင်ငံတော်ဖွဲ့စည်းအုပ်ချုပ်ပုံ အခြေခံဥပဒေ ရေးဆွဲခြင်းနှင့် ပတ်သက်၍ စဉ်းစားရန်အချက်များသာ ဖြစ်ရမည်။
(၂) အခြေခံ (၁၀၄) ချက်သည်လည်း ဆွေးနွေးစဉ်းစားရန်သာဖြစ်ပြီး နိုင်ငံတော်ဖွဲ့စည်းအုပ်ချုပ်ပုံ ဥပဒေကို ချည်နှောင်ထားသည့် အခြေခံမူများ မဖြစ်စေရပေ။
(၃) ယခင်ညီလာခံကျင်းပခဲ့စဉ်ကကဲ့သို့ အမျိုးသားဒီမိုကရေစီအဖွဲ့ချုပ်အပါအ၀င် နိုင်ငံရေးပါတီ များသည် ညီလာခံသို့ တက်ကြမည့် မိမိတို့၏ပါတီကိုယ်စားလှယ်များနှင့် ရွေးကောက်ပွဲတွင် ရွေးချယ်ခံထားရသော လွှတ်တော်ကိုယ်စားလှယ်များကို သက်ဆိုင်ရာပါတီများက လွတ်လပ်စွာ ရွေးချယ်ပိုင်ခွင့် ရှိရမည်။
(၄) ၂၀၀၃ ခုနှစ် မေလ (၃၀) နောက်ပိုင်းတွင် အာဏာပိုင်များက ချိတ်ပိတ်ထားခဲ့သော အမျိုးသား ဒီမိုကရေစီအဖွဲ့ချုပ်ရုံးများကို ပြန်လည်ဖွင့်လှစ်ပြီး ဆိုင်းဘုတ်များဖြုတ်ချခြင်း ခံခဲ့ရသည့် ရုံးများ၏ ဆိုင်းဘုတ်များပြန်လည်တင်ရန်။
(၅) အမျိုးသားဒီမိုကရေစီအဖွဲ့ချုပ်၏ ဒုတိယဥက္ကဋ္ဌ ဦးတင်ဦးနှင့် အထွေထွေအတွင်းရေးမှူး ဒေါ်အောင်ဆန်းစုကြည်တို့အား ထိန်းသိမ်းထားခြင်းမှ လွှတ်ပေးရန်၊” ဆိုပြီး အတိအလင်း တင်ပြတောင်းဆိုခဲ့တယ်။
နအဖသာ သဘောရိုးနဲ့ဆိုရင် လူထုအကျိုး၊ တိုင်းပြည်အကျိုးကိုသာ တည့်တည့်ကြည့်သူ ဖြစ်မယ်ဆိုရင် …
ဒီတင်ပြချက် (၅) ချက်ဟာ ဘာမှ ညှိလို့မရနိုင်စရာမရှိဘူး။ အကုန်ညှိလို့ရနိုင်တယ်။
ဒါပေမယ့် အားလုံးသိကြတဲ့အတိုင်း စစ်အကျိုးစီးပွား ငါးပြားတစေ့အပွန်းမခံချင်တဲ့ စစ်ဗိုလ်ချုပ်ကြီးများဟာ လက်ခံဖို့နေနေသာသာ လက်ပိုက်တောင်မဖြည်ခဲ့ပါဘူး။
ဒီအနေအထားအောက်မှာ။ ငါ့မြင်းငါစိုင်း ရိုင်းချင်တိုင်းရိုင်းနေတဲ့ နအဖရဲ့ ဒီမိုကရေစီကင်းမဲ့မှုတွေအောက်မှာ NLD ဟာ …
“အမျိုးသားဒီမိုကရေစီအဖွဲ့ချုပ်သည် ဤအခြေအနေအရ အမျိုးသားညီလာခံတွင် ပါဝင်ခြင်း
အားဖြင့် တိုင်းပြည်ကို အကျိုးပြုနိုင်မည်ဟု မယုံကြည်သောကြောင့် အမျိုးသားညီလာခံသို့ မတက်ရောက်ရန် ဆုံးဖြတ်ချက်ချလိုက်သည်။” လို့ မိမိတို့ရဲ့ သဘောထားကို ပြတ်ပြတ်သားသား ကြေညာခဲ့ပါတယ်။
ဒီ ပြတ်ပြတ်သားသား ဆုံးဖြတ်လိုက်နိုင်မှုကပဲ NLD ကို NLD အဖြစ် ယနေ့အထိ ဂုဏ်ရောင်
ပြောင်စွာ ရပ်တည်နိုင်စေခဲ့တယ်လို့ ကျနော် သဘောရတယ်။
အမြင်တွေ အမျိုးမျိုးကွဲနိုင်ပါတယ်။
ဒါပေမယ့် …
ဘယ်အရာဟာ ယုံကြည်အပ်တဲ့စကား။ ဘယ်အရာဟာ မယုံကြည်အပ်တဲ့စကား။
ဘယ်အရာဟာ လုပ်အပ်တဲ့အလုပ်။ ဘယ်အရာဟာ မလုပ်အပ်တဲ့အလုပ် ဆိုတာကိုတော့ ရွေးချယ်တတ်ကြရပါလိမ့်မယ်။
အနှစ် (၄၀ - ၅၀) ကျောကော့အောင် ခံလာပြီးကာမှတော့ …
ကရေကရာနဲ့ ဘာညာကို သဲကွဲဖို့ သင့်ပါတယ်။
မမျှော်လင့်ကောင်းတာကို မမျှော်လင့်ကြတာ ကောင်းလိမ့်မယ်။
စိတ်ကူးမယဉ်သင့်တာကို စိတ်ကူးမယဉ်ကြတာ ကောင်းလိမ့်မယ်။
စမ်းကြည့်ကြည့်လိုက်ပါလား သိရတာပေါ့ ဆိုတာမျိုးဟာ အရာကိစ္စတိုင်းအတွက်တော့ မတိုက်တွန်းကောင်းဘူးလို့ အောင့်မေ့ပါတယ်။
ငရဲတွင်းကိုဆင်းကြည့်ပါ ယပ်တောင်တချောင်းပေးလိုက်မယ် ဆိုတဲ့စေတနာမျိုးကလည်း မဖြစ်သင့်ပေဘူးလို့ ထင်ပါတယ်။
မတိုက်တွန်းကောင်း မတိုက်တွန်းအပ်တဲ့ ကိစ္စတွေကို မတိုက်တွန်းခြင်းဖြင့် မိတ်ကောင်း
ဆွေကောင်း ပီသကြောင်းကို ပြသသင့်ပါတယ်။
စစ်အုပ်စုရဲ့ မာယာတောကို ဖြတ်ဖို့ဆိုရင် NLD မှာ သို့မဟုတ် လူထုမှာ မှန်ကန်တိကျတဲ့ အဆုံး အဖြတ်နှင့် ရဲရင့်တည်ကြည်တဲ့ ပိုင်းဖြတ်မှုတွေ အမှန် ပိုင်ဆိုင်ကြရပါလိမ့်မယ်။ ကျနော်တော့ အဲဒီလိုပဲ သဘောရတယ်။
မြွေမှန်သူတိုင်း တွင်းဝင်ဖြောင့်နိုင်ကြပါစေ။ ။
Posted by
freeburma
at
11:15 AM
0
comments
Labels: Fight On
Saturday, July 21, 2007
ဦးဝင်းတင်အား လိမ်လည်ဖမ်းဆီးထားရာမှ လွှတ်ပေးလော့
မြန်မာနိုင်ငံစစ်အစိုးရက (၁၈) နှစ်တိုင် မတရားဖမ်းဆီးထားသော မန္တလေးမြို့ ဟံသာဝတီ သတင်းစာ အယ်ဒီတာချုပ် ဦးဝင်းတင်အား ချက်ချင်းအမြန်လွှတ်ပေးပါဟု ကုလသမဂ္ဂ ပညာရေး သိပ္ပံနှင့် ယဉ်ကျေးမှုအဖွဲ့ (ယူနက်စကိုအဖွဲ့ကြီး) ၏ ညွှန်ကြားရေးမှူးချုပ် မစ္စတာမတ်ဆူရာက ရန်ကုန် န၀တစစ်အစိုးရအား လေးနက်စွာ တောင်းဆိုလိုက်လေသည်။
မြန်မာစစ်အစိုးရအပါအ၀င် ကမ္ဘာ့နိုင်ငံသားအားလုံးတို့ပါဝင်သော ကမ္ဘာ့အသင်းချုပ်ကြီးမှ တောင်းဆိုသည်မှာ အဓိပ္ပယ်လေးနက်သည်။ ကမ္ဘာသားတဦးကို လွန်မင်းစွာ ဖမ်းဆီးနှိပ်စက်နေကြောင်း သိသာထင်ရှားသည်။ ထို့ကြောင့် ခေတ်ပြိုင်ကလည်း ဦးဝင်းတင်အား ချက်ချင်း လွှတ်ပေးရမည်ဟု တောင်းဆိုအပ်ပေသည်။
ဦးဝင်းတင်သည် အနိုင်မခံ အရှုံးမပေးသော သတ္တိခဲဖြစ်ပါသည်။ သူသည် ဇွဲသတ္တိကြီးမားသော လူသားတဦး ဖြစ်သောကြောင့် သူရသတ္တိနှင့် ဆိုင်သောဆုအမျိုးမျိုးကို ကမ္ဘာအရပ်ရပ်နိုင်ငံများက ပေးဆက် ချီးမြှင့်သည်ကို ရရှိခဲ့ပါသည်။ ၂၀၀၁ ခုနှစ်က ယူနက်စကို အဖွဲ့ကြီး၏ သတင်းစာ လွတ်လပ်ခွင့် တိုက်ရဲသူ သူရဲကောင်းဆုကို ရွေးချယ်ချီးမြှင့်ခဲ့ပါသည်။
ယခုအခါ အသက် (၇၈) နှစ် ရှိပြီဖြစ်သောကြောင့်တကြောင်း၊ မြန်မာပြည်ရှိ ထောင်များမှာ အကျဉ်းသားတို့ ကျန်းမာရေးကို လျစ်လျူရှုကာ ဖိနှိပ်ညှင်းဆဲနေခြင်း အကြောင်းတို့ကြောင့် အမျိုးမျိုးသော ဝေဒနာ ရောဂါများကို ခံစားနေရသဖြင့် လွှတ်ပေးသင့်ပါသည်ဟု ယူနက်စကို အရာရှိကြီးက တောင်းဆိုခဲ့လေသည်။
ယခုအခါ မြန်မာစစ်တပ်အစိုးရက အပြည်ပြည်ဆိုင်ရာ ကြက်ခြေနီအဖွဲ့ကြီးက အကျဉ်းထောင်များသို့ သွားရောက်ကာ အကျဉ်းသားတို့၏သက်သာချောင်ချိမှု လုပ်ငန်းများ လုပ်ဆောင်ခွင့်ကို တားမြစ်ပိတ်ပင် ထားသဖြင့် ဦးဝင်းတင်နှင့်တကွ မြန်မာစစ်အကျဉ်းထောင်များမှ အကျဉ်းသားများတို့မှာ ပိုမိုဒုက္ခရောက်ေ နကြရရှာသည်ကိုလည်း ထုတ်ဖော်၍ တင်ပြခဲ့ပါ၏။
လွန်ခဲ့သော ရက်သတ္တပတ်အတွင်းက အကျဉ်းကျသက် (၁၈) နှစ်ပြည့်သောနေ့က ထောင်အရာရှိ နှစ်ဦးက ကျဉ်းမြောင်းသော ဦးဝင်းတင်၏အခန်းတွင်းသို့ ၀င်ရောက်စစ်ဆေးသည်ဟုလည်း သတင်းတရပ် ထွက်လာခဲ့သည်။ ထောင်မှူးတို့က အကယ်၍ ဦးဝင်တင်အား လွှတ်ပေးခဲ့ပါလျှင် နိုင်ငံရေး လှုပ်ရှားမှုများကို ဆက်လက်လုပ်ဆောင်ပါမည်လားဟု မေးမြန်းကြကြောင်း၊ ဦးဝင်းတင်က “မိမိသည် နိုင်ငံသားတဦးဖြစ်သဖြင့် ဒီမိုကရေစီရရှိရေးကို လုပ်ဆောင်ရန်တာဝန်ရှိသည့်အတိုင်း မုချ နိုင်ငံရေးလုပ်မည်မှာ သေချာသည်” ဟု အဖြေပေးခဲ့သည်ဟု သိကြရသည်။
ယင်းသို့မေးမြန်းခြင်းအရ စစ်တပ်အစိုးရ၏ ယုတ်ညံ့မှုကြီးကို နိုင်ငံသားတို့က ကောင်းစွာ သိရှိ လိုက်ကြရသည်ကို ခေတ်ပြိုင်ကတင်ပြရပေမည်။ ၁၉၈၉ ခုနှစ်က ဦးဝင်းတင်အား ဖမ်းဆီးသည်မှာ နိုင်ငံရေးလုပ်ဆောင်မှုအတွက် ဖမ်းဆီးသည်မဟုတ်ပေ။ ဦးဝင်းတင်၏ တပည့်လူငယ်တယောက်၏ ကိုယ်ရေးကိုယ်တာအမှုတွင် ဦးဝင်းတင်က အကြံပေးသဖြင့် ထိုလူငယ်က ကျူးလွန်ခဲ့သည်ဟု မဆီ မဆိုင် ဖမ်းဆီးကာ ယင်းလူငယ်၏အမှုကို အားပေးကူညီမှုအဖြစ် ဖမ်းဆီးကာ ထောင်ဒဏ်အနည်း ငယ် စီရင်ခဲ့၏။ နောက်ပိုင်းတွင်မှ ထောင်သက်ကိုဆန့်ကာ (၁၈) နှစ်တိုင် မတရားချုပ်နှောင်ထားခဲ့ သည်။ ဖမ်းစဉ်က လူမှုရေးအမှုနှင့်စီရင်ခဲ့ပြီး (၁၈) နှစ်ကြာမှ နိုင်ငံရေးအမှု ကျူးလွန်ခဲ့လေဟန် စစ်အစိုးရက ဖန်တီးခြင်းသည် စစ်ဗိုလ်ချုပ်ကြီး ဗိုလ်ချုပ်မှူးကြီးသန်းရွှေ၏ ကလိန်ဥာဏ်ဖြစ်
သည်ကို လူထုကသိလာကြသည်။ သူသည် ရှက်ဖွယ်ကောင်းပြီး စက်ဆုတ်ဖွယ်ကောင်းသူ ဖြစ် ကြောင်း လူထုသိကြသည်။
အချုပ်အားဖြင့် ခေတ်ပြိုင်ကဆိုရလျှင် နိုင်ငံသားတဦးအား သူနှင့်မဆိုင်သောအမှုဖြင့် ဖမ်းဆီးပြီး (၁၈) နှစ်ကြာမှ နိုင်ငံရေးမလုပ်လျှင် လွှတ်ပေးလေယောင် လုပ်ဆောင်ခြင်းသည် ထိုအစိုးရ၏ ဦးစီးခေါင်းဆောင် ဗိုလ်ချုပ်ကြီးသန်းရွှေ သိမ်ဖျင်းလှသည်ကို ပေါ်လွင်စေပေ၏။ သူခေါင်းဆောင် သော နအဖအစိုးရသည် ဦးဝင်းတင်၏အမှုကဲ့သို့သော ယုတ်ညံ့သောအမှုများစွာရှိသည်။
အားလုံးကို လွှတ်ပေးပါ။ ဦးဝင်းတင်အား လွှတ်ပေးပေးပါဟု ခေတ်ပြိုင်က ကျယ်လောင်စွာ တောင်းဆို အပ်ပေကြောင်း။ ။
Posted by
freeburma
at
10:59 PM
0
comments
Tuesday, July 03, 2007
ကျနော်လည်း ဆန္ဒပြုလိုက်ပါတယ်
“ဦးဝင်းတင်နဲ့ ခွင့်/ကာအဖွဲ့ရဲ့ ထောင်တွင်းတိုက်ပွဲ”
လွင်မောင်သန်း
၂၀၀၇ ခုနှစ် မတ်လ (၁၂) ရက်နေ့က လူသိများ ထင်ရှားတဲ့ သတင်းစာဆရာကြီး ဦးဝင်းတင်ရဲ့
(၇၇) နှစ်ပြည့် မွေးနေ့ဖြစ်တယ်။ သူက တကိုယ်တည်း လူပျိုကြီးဆိုတော့ အဲသည်နေ့မှာပဲ ထောင်ဝင်စာ သွားတွေ့တဲ့ သူ့သူငယ်ချင်းကတဆင့် ပြောလိုက်တယ်။ မတ်လ (၈) ရက်နေ့က အကျဉ်းဦးစီးညွှန်ချုပ် တန်းစီမှာ “ကျနော့်ကိုလွှတ်ပေးဖို့ အသနားခံ တောင်းဆိုနေတာ မဟုတ်ဘူး၊ ကျနော့်ကို ထောင်ဒဏ် အနှစ် (၂၀) ချထားတာ၊ အခု ထောင်တွင်းနေသား (၁၈) နှစ်ရှိပြီဖြစ်လို့ အကျဉ်းသားတယောက်ရဲ့ ရပိုင်ခွင့် အခွင့်အရေးအရ ကျနော့်ကိုလွှတ်ပေးသင့်တဲ့ရက်ထက် အများကြီးကျော်လွန်နေပါပြီ”။ သူတို့ပဲ လက်ကိုင်ထားတဲ့ အကျဉ်းထောင်လက်စွဲဥပဒေ (Jail Manual) အရ မည်သည့်အကျဉ်းသားမဆို ဆုမှတ်ရက်များကို အဆင့် (၃) ဆင့်ခွဲ၍ ခံစားခွင့်ရှိသည်လို့ ဥပဒေတွင် ပြဋ္ဌာန်းထားပါတယ်။
အကျဉ်းသားတိုင်း ‘ကကြီး’ ကွာ (‘A’ grade Quart) အတွက် ဆုမှတ်ရက် (၄၅) ရက်၊ ‘ခခွေး’ ကွာ အတွက် ဆုမှတ်ရက် (၃၂) ရက်နဲ့ ‘ဂငယ်’ ကွာအတွက် ဆုမှတ်ရက် (၂၃) ရက် ခံစားခွင့်ရှိရမယ်။ ကွာဆိုတာ (၃) လတကြိမ်စီနဲ့ တနှစ်ကို (၄) ကွာရှိတယ်။ အနိမ့်ဆုံးဆုမှတ်ရက် ‘ဂငယ်’ ကွာရတဲ့ အကျဉ်းသားတဦးဟာ နေသား (၃) လပြည့်ပြီးတိုင်း ဆုမှတ်ရက် (၂၃) ရက်ရတာဖြစ်လို့ နေသား တနှစ်ရှိရင် အပိုဆောင်းဆုမှတ်ရက် (၃) လ ကျော်ရသွားပြီဖြစ်ပါတယ်။ အဘဝတီလို ထောင်ဒဏ်အနှစ် (၂၀) ကျခံနေရသူတဦးဟာ ထောင်တွင်းနေသား (၁၆) နှစ်ရှိပြီဆိုတာနဲ့ ဥပဒေအရ လွှတ်ပေးရပါတယ်။ ခုတော့ အကျဉ်းသားတယောက်ရဲ့ ရပိုင်ခွင့် အခွင့်အရေးကို ချိုးဖောက်ခံနေရပါပြီ။
ထောင်တွင်းတိုက်ပွဲဆိုတာ အပြောလွယ်သလောက် အတော်ကို အလုပ်ရခက်ပါတယ်။ တချို့ကလည်း ရပြီးသား၊ ရှိပြီးသား အခွင့်အရေးလေးတွေ ပျောက်သွားမှာကို အရမ်းစိုးရိမ်ကြပါတယ်။ တိုက်ဝင်း အတွင်းထဲမှာ လွတ်လွတ်လပ်လပ် သွားလာနေရတာတို့၊ ရေအဝချိုးရတာတို့ အပါအဝင်ပေါ့။ အတူနေ အကျဉ်းသား ကိုယ့်ရဲဘော်အချင်းချင်း နားလည်မှုတွေ မလွဲရလေအောင် ကြိုတင်ညှိနှိုင်းထားသင့်တဲ့ ကိစ္စကို ကြိုညှိထားကြပြီး တိုက်ပွဲရဲ့ အဆင့်အလိုက်ပေါ်မှာမူတည်လို့ မဟာဗျူဟာ၊ နည်းဗျူဟာတွေကို ပုံသဏ္ဌာန်အမျိုးမျိုးဖော်နေသလို ရန်သူအာဏာပိုင်ဘက်ကလည်း ကိုယ့်ဘက်က အားနည်းချက်များကို အမိအရနင်းပြီး ချေမှုန်းတတ်ပါတယ်။
(၅) ညတို့တိုက်ပွဲမှာတော့ နွားကွဲရင် ကျားဆွဲတတ်တဲ့ သင်ခန်းစာတွေကို ထပ်တလဲလဲရနေပါတယ်။ ဒါပေမယ့် သမိုင်းစာမျက်နှာမှာတော့ မတရားညှဉ်းပန်းနှိပ်စက်နေတဲ့ အာဏာရှင်ကတော့ လူကြမ်း ဗီလိန်ပဲဖြစ်မှာပါ။ ပြည်သူ့သူရဲကောင်းဖြစ်ချင်ရင်တော့ အဖိနှိပ်ခံ ပြည်သူရဲ့ရှေ့က ရင်ကော့ပြီး ရဲရဲဝံ့ဝံ့ ပြတ်ပြတ်သားသား ရပ်တည်ပါ။ ယောင်ဝါးဝါးနဲ့ ခြံစည်းရိုးပေါ်မှာ ခွထိုင်ထားလို့ မရပါဘူး။ အင်္ဂလိပ် ပရီးမီးယားလို သရေပွဲမရှိဘူး။ မနိုင်ရင် ရှုံးမယ်၊ မရှုံးရင် နိုင်မယ်။ ကျနော်တို့အတွက်တော့ အသက်ချင်း ထပ်ထားရတဲ့ လောင်းကစားပွဲ။
အစောကြီးကတည်းက ကြိုတင်ပြင်ဆင်မှုတွေကို စနစ်တကျလုပ်ထားရပါတယ်။ ဘယ်အဆင့်မှာ ဘယ်သူက ဘာလုပ်ရမယ်ဆိုတာက အစပေါ့။ တကယ်တော့ ကိုယ့်ရဲ့ရပိုင်ခွင့် အကျဉ်းသား အခွင့် အရေးကို ကာကွယ်ဖို့ မနည်းကျားကန်ထားရတာပါ။ ၁၉၉၄-၉၅-၉၆ ကာလတုန်းက ကျနော်တို့ (၃) တိုက်မှာ အဘဝတီရှိနေတဲ့အတွက် အခြားတိုက်များ၊ အဆောင်များနဲ့မတူဘဲ ထူးထူးခြားခြား စနစ်တကျ ညီညွတ်နေကြပါတယ်။ နိုင်ငံရေး၊ လူမှုရေး၊ သာရေး နာရေးကိစ္စ၊ အကျဉ်းသားအခွင့် အရေးများ စသည်ဖြင့် သူ့နေရာနဲ့သူ အံဝင်ခွင်ကျ လှုပ်ရှားနေကြပါတယ်။
(၃) တိုက်မှာ လျှို့ဝှက်ဖွဲ့စည်းထားတဲ့ အကျဉ်းသားအခွင့်အရေးကာကွယ်ရေးကော်မတီ (ခွင့်/ကာ အဖွဲ့) ရဲ့ တာဝန်ပေးချက်အရ ကျနော်၊ ခင်ဦးအမတ် ဒေါက်တာမြင့်နိုင်၊ ရန်ကုန်တိုင်း NLD ကိုဌေးအောင် (ဆရာဇင်လင်း) နဲ့ အဘဝတီတို့ဟာ အသက်အရွယ်အရ လူလတ်ပိုင်းရော၊ လူကြီးပိုင်းပါဖြစ်နေကြလို့ အာဏာပိုင်နဲ့တွေ့ရင်လည်း ပြောတတ်၊ ဆိုတတ်ကြတယ်ဆိုပြီး ကိုယ်စားလှယ်များအဖြစ် ထောင်မှူး၊ ထောင်ပိုင်များနဲ့ တွေ့ဖို့ကိစ္စရှိတယ်ဆိုရင် စေလွှတ်လေ့ရှိကြပါတယ်။
ထောင်ဝင်စာအလာနည်း၊ အလာကြဲကြလို့လည်း ဒီတာဝန်ကိုပေးကြရတာလည်း ပါမှာပါ။ များသော အားဖြင့် ထောင်အာဏာပိုင်တွေကလည်း ထောင်ထဲမှာနေတဲ့ ကျနော်တို့နိုင်ငံရေးအကျဉ်းသားတွေကို အုပ်ချုပ်လို့မနိုင်ရင် အပြင်ကထောင်ဝင်စာလာတွေ့တဲ့ မိသားစုကို မဲပြီး Pressure ပေး ညစ်ပတ်တတ်ကြပါတယ်။ ထောင်ဝင်စာပိတ်တာတွေကိုလည်း လုပ်တတ်ကြပါတယ်။ (၃) တိုက်မှာ ထောင်ဝင်စာ အလာများတဲ့ သူဌေးတွေများလို့ မနက်ပိုင်းကို လက်ဘက်ရည်၊ ကော်ဖီနဲ့ နေ့စဉ် အသားဟင်း မပြတ် ထမင်းစားနေကြရတာကတော့ သေဖော်ရှင်ဖက် ရဲဘော်များရဲ့ မျှတစားသောက်ကြတဲ့ မေတ္တာတရား များသာ ဖြစ်ပါတယ်။
အင်းစိန်ထောင်တွင်းက အကျဉ်းသားများရဲ့အခွင့်အရေး ချိုးဖောက်ခံနေရမှုများကို ပုံစံအင်္ကျီမှာ စာရေးပြီး ကုလသမဂ္ဂညီလာခံသို့ရောက်အောင် ပို့ဆောင်နိုင်ကြတာဟာ ထောင်တွင်းနိုင်ငံရေးမှာ ယုံကြည်ချက်အပြည့်နဲ့ ငွေအား၊ လူအားစိုက်ထုတ်ပြီး တယောက်နဲ့တယောက် မခိုမကပ် ကျရာ အခန်းကဏ္ဍများအလိုက် လုပ်ကြလို့ပါ။ ဘယ်ပုဂ္ဂိုလ်၊ ဘယ်အဖွဲ့အစည်းတို့ရဲ့ ချယ်လှယ်လွှမ်းမိုးမှုမှလည်း မရှိကြပါဘူး။ နိုင်ငံရေး ခေါင်းပုံဖြတ်တတ်တဲ့ ရေသာခိုအချောင်သမား၊ အခွင့်အရေးသမားများလည်း မရှိပါဘူး။ ကိုယ့်ပိုက်ဆံနဲ့ကိုယ် ထောင်တွင်းပြစ်ဒဏ် နှစ်တိုးထောင်ကျခံရတဲ့ သူရဲကောင်းများကိုတော့ ချီးကျူးဂုဏ်ယူလို့ မဆုံးပါဘူး။ ခွင့်/ကာ အဖွဲ့မှာ အမရပူရအမတ် ဒေါက်တာဇော်မြင့်မောင် (NLD)၊ ကိုဘမျိုးသိန်း (ဒညတ)၊ ကိုဂျင်မီ (လူ့ဘောင်သစ်)၊ ကိုသက်မင်းအောင် (ABSDF) နဲ့ ကိုစိုးမြင့် (ဗကပ) တို့ (၅) ဦး ပါဝင်ကြပါတယ်။
(၁) ခန်းက ကိုမျိုးမင်း (ဒညတ) ဆီက ပိုက်ဆံအတော်များများ အကုန်အကျခံပြီး ထောင်တွင်းကို ရအောင်သွင်းထားတဲ့ ရေဒီယိုတလုံး ရှာဖွေရေးတလာစီတုန်း မိသွားတယ်။ ထောင်တွင်းမှာ အများစု သတင်းငတ်နေတော့လည်း ဖြစ်ကာမှဖြစ်ရော ရသလောက် လုပ်နေကြတာပဲ။ အာဏာပိုင်များက ပြစ်ဒဏ်တိုက်၊ စစ်ခွေးတိုက်ကိုပို့တာ လက်မခံနိုင်ဘူး။
အကျဉ်းထောင်လက်စွဲဥပဒေအရ ပြစ်ဒဏ်ကျ အကျဉ်းသားကို အများမြင်သာတဲ့နေရာမှာ သီးခြားခွဲထားရမယ်။ အများနဲ့ရောပြီး အတူရေချိုးမချဘူး။ လူသားတဦးရဲ့ ဂုဏ်သိက္ခာ ထိခိုက်ညှိုးနွမ်းစေသော ရိုက်နှက်ခြင်း၊ ဒေါက်ခြေချင်းများခတ်ခြင်းတို့ကို လက်မခံနိုင်ကြောင်း အာဏာပိုင်များထံကို တင်ပြနိုင်ခဲ့လို့ ထောင်ဝင်စာတော့ (၁) လအပိတ်ခံရတယ်။ သို့သော် စားစရာတွေကို ဝန်ထမ်းကတဆင့် ပေးခိုင်းလို့ရတယ်။ ဒါကလည်း ခွင့်/ကာ အဖွဲ့ရဲ့ ဆုံးဖြတ် ချက်နဲ့ ၅ (ည) တွေ တညီတညွတ်တည်း ရပ်တည်နေကြတာကိုတွေ့လို့ အာဏာပိုင်တွေက လိုက်လျော နေရတာ။ မမြင်ကွယ်ရာမှာ ဆုမှတ်ရက် ကွာဖြတ်တာတွေ ရှိတတ်တယ်။ မမြင်ရလို့ မတတ်နိုင်တော့ဘူး။ ဘယ်လိုပဲပြောပြော အောင်မြင်မှုရခဲ့တဲ့ ထောင်တွင်းတိုက်ပွဲပါပဲ။
(၄) တိုက်မှာ အခန်းစုစုပေါင်း (၃၀) ရှိပြီး (၁၈) ခန်းရှိတဲ့အခြမ်းကို (၄) ရှည်နဲ့ (၁၂) ခန်းရှိတဲ့အခြမ်းကို (၄) တို ဆိုပြီး အကန့်ခွဲထားတယ်။ (၄) တိုက ဗကပကိုသက်ခိုင်အမှုတွဲ ကိုဗလကြီး (ခေါ်) ကိုသန်းထွဋ် အခန်းထဲက ပုံမှန်ရှာဖွေရေး တလာစီတဲ့အချိန်မှာ စာရွက်နဲ့ခဲတံ သိမ်းဆည်းရမိသွားပြန်ပါတယ်။ ယုဝတီဆောင်လို့ခေါ်တဲ့ (၅) တိုက်ကို ဒေါက်-ခြေချင်းခတ်ပြီး ပို့လိုက်တယ်ဆိုပြီး သတင်းရတယ်။
ယုဝတီဆောင်လို့ခေါ်ရတာကလည်း ဒေါက်-ခြေချင်း ခတ်ထားခြင်းခံရပြီး ရောက်လာတဲ့ ပြစ်ဒဏ်ကျ ရာဇဝတ်အကျဉ်းသားတွေကို ဝန်ထမ်းတွေ၊ တန်းစီး၊ အခန်းလူကြီး စတဲ့ နှစ်ကြီးရာဇဝတ်အကျဉ်းသား တွေက (၅) တိုက်ခြံဝင်းထဲကို စဝင်ကတည်းကနေ အခန်းပေါ် ရောက်တဲ့အထိ တဝုန်းဝုန်း၊ တဒိုင်းဒိုင်းနဲ့ လူမဆန်စွာရိုက်နှက်ကြပြီး ယောက်ျားတွေကို မိန်းမတွေလို ဟုတ်ကဲ့ရှင့်-ကြောက်ပါပြီရှင့်ဆိုပြီး အော်ခိုင်းတယ်။ ယောက်ျားတယောက်ရဲ့ ဂုဏ်သိက္ခာ ရိုက်ချိုးပြီး ထိခိုက်စော်ကား အနှိမ်ခံရတာဖြစ်တယ်။ ဒါကြောင့် နိုင်ငံရေးအကျဉ်းသားတဦးဖြစ်တဲ့ ကိုဗလကြီးကို သည်လိုလုပ်တာကို လက်မခံနိုင်ဘူး ဆိုပြီး တိုက်ပွဲဝင်ကြတယ်။ တိုက်ပွဲဝင်တယ်လို့သာ ပြောရတာပါ။ တကယ်တော့ ကျနော်တို့ရဲ့ ရပိုင်ခွင့် အကျဉ်းသားအခွင့်အရေးကို ကာကွယ်နေကြရတာပါ။
အင်းစိန်ထောင်အတွက် မြင်းခြံထောင်ကပြောင်းလာတဲ့ အထူးအရာရှိ ဒု-ထောင်ပိုင် လူလှရောက်လာ တယ်။ အောက်ခြေက အဆင့်ဆင့်ရာထူးတက်လာတဲ့ ထောင်သဘာ၊ ငယ်မွေးခြံပေါက်ဆိုတော့ ထောင်ကျင့်၊ ထောင်ကြံ ရက်စက်ယုတ်မာ၊ ကောက်ကျစ်တာတွေ ညစ်ပတ်တဲ့နည်းမှန်သမျှ အကုန် ကျွမ်းတယ်။ အဘဝတီနဲ့ ကျနော်ရယ် ကိုဗလကြီးကိစ္စမှာ သူနဲ့ထိပ်တိုက်တွေ့ကြတယ်။ ပုံစံထိုင်ခိုင်း တယ်၊ မရဘူး။ အဘဝတီက အူကျတဲ့ရောဂါရှိလို့ ခါးထောက်ပြီးတော့တောင်မှ စကားပြောလိုက် သေးတယ်။ ကျားနဲ့ဆင် လယ်ပြင်မှာတွေ့ကြတဲ့ပွဲပဲ။ အနိုင်အရှုံး အားစမ်းတဲ့အနေနဲ့ နှစ်ဖက်စလုံး မာန်တင်းထားတယ်။
ဒီအချိန်မှာ နိုင်ငံရေးအကျဉ်းသားအများစုဟာ ထင်းအစီး မပြေသလို အုပ်စုလိုက်ညီနေကြလို့ သူချိုးလို့ မရနိုင်ဘူးဆိုတာကို သိသွားတယ်။ ဒီလိုဆိုတော့လည်း သူ့ပခုံးက အပွင့်ကြွေမှာကိုကြောက်သွားတော့ ရူးသလို ပေါသလို မျက်နှာပြောင်နဲ့ အခုတောင်းဆိုနေကြတဲ့ ကိုဗလကြီးကို ဒေါက်-ခြေချင်းဖြုတ်ပေးဖို့၊ (၄) တိုက်ကို ပြန်ပို့ပေးဖို့ဆိုတာတွေဟာ သူလုပ်ပေးရင် ရပါတယ်ဆိုပြီး အလျှော့ပေး လိုက်လျောလိုက်ရတယ်။ ယုံကြည်ချက်သမားတွေနဲ့ ကြေးစားတို့ရဲ့လွန်ဆွဲတဲ့ပွဲ။ ဒုတိယအကြိမ် အောင်ပွဲခံလိုက်နိုင်ပါတယ်။
အခုလို တိုက်ဝင်းထဲက ထောင်တွင်းတိုက်ပွဲဝင် ၅ (ည) အုပ်စုတွေကို ထောင်အာဏာပိုင်တွေတင် မကဘူး၊ ထောက်လှမ်းရေးတွေကိုယ်တိုင် နှိပ်ကွပ်ဖို့ အစီအစဉ်ဆွဲ ပြင်ဆင်နေကြတယ်လို့ သတင်းရနေပါတယ်။ အဲသည်ကာလတုန်းက နိုင်ငံရေးအကျဉ်းသားထဲမှာလည်း “လွတ်ကြောင်” တွေက အတော်ဒုက္ခပေးနေပါပြီ။ ၁၁/၉၂ နိုင်ငံတော်အမိန့်နဲ့ လွှတ်ပေးလိုက်တဲ့ နိုင်ငံရေးအကျဉ်းသားများလည်း မနည်းတော့ပါဘူး။ ဆိုင်းငံ့ပြစ်ဒဏ်ပုဒ်မ (၄၀၁)၊ အပိုဒ် (၁) ဆိုတာကလည်း ရှိသေးတယ်။
ဘယ်လိုပဲဖြစ်ဖြစ် ထောင်အပြင်ရောက်၊ လွတ်ဖို့ပဲဆိုရင်တော့ အားလုံး အကြုံးဝင်နေပါတယ်။ အဲသည်မှာ သုံးခွမြို့က ၈၈ အရေးအခင်းအတွင်း ရဲစခန်းဝင်စီးမှုများနဲ့ ထောင်ကျတဲ့ မဆလစစ်တပ်က တပ်ကြပ်ကြီးဟောင်း ခေါင်းဖြူတင်ဝင်းက ပြဿနာစဖြစ်ပါတယ်။ အမှုကများပြီး တမှုကို (၇) နှစ်စီနဲ့ အမှု (၆) ခုအတွက် ထောင်ကျပြစ်ဒဏ် (၄၂) နှစ်ကျပြီး (၄) တိုက်မှာနေတယ်။ နိုင်ငံတော်ကြေညာချက် ၁၁/၉၂ ကလည်း (၁၀) နှစ်အထက် ပြစ်ဒဏ်ကျနေသူအားလုံးကို (၁၀) နှစ်အထိလျှော့ချလိုက်တဲ့ အမိန့်ဆိုတော့ (၁၅) နှစ် (၂၀) နှစ် (၂၅) နှစ် တပေါင်းတည်းပြစ်ဒဏ် ဘယ်လောက်များများ
(၁၀) နှစ်ဖြစ်ကုန်ကြတယ်။ သူက သီးခြားအမှုတွေဆိုတော့ အကျုံးမ၀င်ဘူး။
သူ့မယားညီအစ်ကိုက မန္တလေးဆေးတပ်ထဲက စစ်သားဖြစ်တယ်။ သူမိန်းမနဲ့ သမီးတွေကလည်း အဲသည်စစ်တပ်ထဲမှာပဲ လိုက်နေရတယ်။ သူ့မိန်းမထောင်ဝင်စာလာတွေ့တော့ သူနဲ့ပတ်သက်ပြီး ထောက်လှမ်းရေးကို အသနားခံစာ တင်ခိုင်းတယ်။ ထောင်ကလွတ်ဖို့အတွက် အပေးအယူလုပ်ချင် ကြောင်း သတင်းပို့ခိုင်းတယ်။ ဘယ်နည်းနဲ့ ဖြစ်ဖြစ် ထောင်အပြင်ရောက်ဖို့က အရေးအကြီးဆုံးပဲဆိုတဲ့ ဖောက်ပြန်တဲ့အယူအဆကို လက်ကိုင်ထားတဲ့ မန္တလေးက ဒေါက်တာစိုးလင်းရဲ့ သြဝါဒမှိုင်းကလည်း မိထားသေးတယ်။ လုပ်ဖော်ကိုင်ဖက်ချင်းတွေပေါ်မှာ သစ္စာဖောက်ဖို့ ဝန်မလေးတဲ့ အေးလွင်တို့လို လူစားတွေ။ ကိုယ့်အခွင့်အရေးရဖို့ဆိုရင် အဖေ၊ အမေအရင်းတွေရဲ့ ခေါင်းကိုတောင်မှ ဖြတ်မယ့် ကောင်စားတွေ။ သိပ်မကြာပါဘူး၊ ထောက်လှမ်းရေးက သူ့ကို မကြာခဏခေါ်တွေ့နေတယ်။ အဲသည်တုန်းက (၄) တိုက်မှာလည်း အချင်းချင်းသိပ်မညီမညွတ်ဖြစ်နေတယ်။ ဖြစ်နေတဲ့အကွဲအပြဲပေါ်မှာ အခွင့်ကောင်းယူပြီး တိုက်ဝင်းထဲက နိုင်ငံရေးအကျဉ်းသားတွေရဲ့ အခြေအနေအားလုံးကို ထောက်လှမ်း ရေးမှာ သတင်းပေးလုပ်နေပြီဆိုတာကို ကျနော်တို့စည်းရုံးထားတဲ့ ဝန်ထမ်းအချို့ဆီကတဆင့် ပြန်သိနေ ရပြီ။ ကျနော်တို့ ရဲဘော်အားလုံးကိုလည်း တော်လှန်ရေးသတိရှိဖို့ တပ်လှန့်ထားရတယ်။
ကျနော်တို့ (၃) တိုက်မှာက ကိုဌေးအောင် (ဆရာဇင်လင်း-NLD)၊ မိုးဇော်ဦး (NLD)၊ ဘိုဘိုဦး (ABSDF)၊ သီဟထွဋ်ခင် (ပြည်-သုခစာပေတိုက်) နဲ့ ကျနော်တို့က အခမ်းအနားကျင်းပရေးနဲ့ စာစောင်ထုတ်ဝေရေး ကော်မတီဆိုပြီး “ဒီလှိုင်း” ဆိုတဲ့နာမည်နဲ့ စာစောင်လစဉ်ထုတ်တယ်၊ အမှတ်တရ အခမ်းအနားတွေကို လုပ်ကြတယ်။ အမျိုးသားခေါင်းဆောင် ဒေါ်အောင်ဆန်းစုကြည်ရဲ့ နှစ် (၅၀) ပြည့်မွေးနေ့စာစောင်နဲ့ ကွယ်လွန်သူ ဝန်ကြီးချုပ်ဦးနုရဲ့ အမှတ်တရ အောင့်မေ့ဘွယ်စာစောင်တို့ကို ထုတ်ဝေဖြစ်ပါတယ်။ လက်ရေးနဲ့ရေးထားတဲ့ ထောင်တွင်းစာစောင်တွေဆိုပေမယ့် ကဗျာ၊ ဆောင်းပါး၊ သရုပ်ဖော်ပန်းချီကအစ အဆင့်အတန်းမြင့်ပါတယ်။
တချို့စာစောင်တွေကိုလည်း ထောင်အပြင်ကိုရောက်အောင် ထုတ်ဖြစ်ကြပါတယ်။ နောင်ကို သမိုင်း တွင်ကျန်ရစ်မယ့် သွေးနဲ့ရေးခဲ့ရတဲ့ ရုပ်ကြွင်းများဖြစ်ပါတယ်။ (၄) တိုက်က ကျောင်းသားအုပ်စုကလည်း ရန်ကုန်တက္ကသိုလ် စိန်ရတုအထိမ်းအမှတ်စာစောင်နဲ့ သွေးသစ်လှိုင်းစာစောင်တို့ လုပ်နေကြပါတယ်။ ခံစားချက်များကို ရင်ဖွင့်ရင်း ရဲဘော်အချင်းချင်းကိုလည်း စိတ်ဓာတ်မြှင့်တင်ပေးရာရောက်ပါတယ်။
၁၉၉၅ ခုနှစ်ကတော့ ထူးခြားတဲ့နှစ်တနှစ်ပါပဲ။ ရန်ကုန်တက္ကသိုလ် (၇၅) နှစ်ပြည့်စိန်ရတု (၁၉၂၀-၁၉၉၅)၊ ဒေါ်အောင်ဆန်းစုကြည် နှစ် (၅၀) ပြည့်ရွှေ ရတုမွေးနေ့ (၁၉၄၅-၁၉၉၅)၊ ဝန်ကြီးချုပ်ဦနု သေဆုံးတဲ့နေ့ (၁၄-၂-၉၅) အပြင် နှစ် (၅၀) ပြည့် ဖက်ဆစ်တော်လှန်ရေး ရွှေရတုနှစ်ပတ်လည်နေ့ (၁၉၄၅-၉၅) (သူတို့က တပ်မတော်နေ့ဆိုပြီး တော်လှန်ရေးကို မောင်ပိုင်စီး ထားချင်ကြသေးတယ်။)
ဒီတခါ ရှာဖွေရေးတလာစီတာကို ထောင်ပေါင်းစုံကဝန်ထမ်းတွေကို ခေါ်ထားတယ်။ ဝန်ထမ်းအင်အား ရာဂဏန်းလောက်ရှိမယ်။ မမြင်ဘူးတဲ့ မျက်နှာစိမ်းဝန်ထမ်းတွေ အများကြီးနဲ့ အထူးရှာဖွေရေး စစ်ဆင်ရေးတရပ်ဖြစ်တယ်။ ပေါက်ချွန်း၊ ပေါက်တူး၊ ဂေါ်ပြား စသည့်လက်နက်ပစ္စည်း ကိရိယာ အစုံအလင်နဲ့ တိုက်ဝင်းတခုလုံးမှာ အပြည့်နေရာယူထားတယ်။ အင်းစိန်ထောင် သန္ဓေဝန်ထမ်းတွေက သော့ကိုင်ပြီး အခန်းတွေကိုဖွင့်ပေးရတယ်။ အခန်းပေါ်တက်လာကြတဲ့ ဝန်ထမ်းတွေရဲ့ မျက်နှာကြော တွေကလည်း တင်းထားကြတယ်။ ထောင်နံရံတွေကို ခေါက်ကြည့်တယ်။ သမံတလင်းကို ပေါက်ချွန်း တွေနဲ့ပေါက်တော့ မြေအောက်ဂလိုင်ထဲမှာ ထည့်ဖွက်ထားတဲ့ စာအုပ်စာတမ်းတွေ အကုန်မိတယ်။ နံရံတွေ၊ အမိုးမျက်နှာကျက်တွေပေါ်ကို လှေခါးထောင်ပြီး တက်နှိုက်ကြတာဆိုတော့ အံဝှက်မျက်နှာ ကျက်ကြားမှာထည့်ထားတဲ့ လက်သဲညှပ်တောင်မှ မကျန်ဘူး။
လူဆွေးဆွေး၊ ထောင်ဆွေးဆွေးနဲ့ တိုက်ထဲမှာက နေသားကြာတဲ့သူ နိုင်ငံရေးအကျဉ်းသားတွေချည်းပဲဆိုတော့လည်း အခန်းတိုင်းမှာ မိကြတဲ့ စာအုပ်စာတမ်းတွေက တခန်းကို အနည်းဆုံး တတင်းခွဲဆန်အိတ်ခွံ မြွေရေခွံအိတ် တလုံးစာ လောက်စီရှိတယ်။ နိုင်ငံရေးသမားဆိုတာကလည်း အစားအသောက်ထက် စာရေးစာဖတ်ရတာကို ပိုပြီးတန်ဖိုးထား မက်မောကြတယ်။
ဒီတခါ အထူးရှာဖွေရေးလုပ်နေတဲ့ပုံစံမှာတော့ အခြေအနေသိပ်မကောင်းနိုင်ဘူးဆိုတာကို အတွေ့အကြုံအရ သိနေတယ်။
ရေချိုးတောင်မှ လုံးဝမချဘူး။ အဓိကကတော့ အသားထဲကလောက်ထွက်တော့ ကျနော်တို့ နိုင်ငံရေးအကျဉ်းသားတွေရဲ့ အတွင်းသတင်းတွေကို ထောက်လှမ်းရေးတွေကလည်း အကုန်သိနေတဲ့ပုံပေါ်တယ်။ ဝေါ်ကီတော်ကီတွေကိုင်ပြီး ပွစိ၊ ပွစိ ဆက်နေကြတယ်။ အခန်းတွေရှေ့ ကလည်း သုတ်သီးသုတ်ပြာတွေနဲ့ လမ်းသလားနေကြတယ်။
ထောင်ပိတ်ပြီး ည (၇) နာရီလောက်မှာ ကျနော့်ကို ပထမဆုံးခေါင်းစွပ်စွပ်၊ လက်ထိပ်နောက်ပြန်ခတ်ပြီး စစ်ကြောရေးအတွက် လာထုတ်တယ်။ ထောင်အာဏာပိုင်တွေကလည်း ကြည့်မရ၊ အမြင်ကပ်နေတာ ကြာပြီဆိုတော့ အခုထောက်လှမ်းရေးစစ်ကြောရေးမှာ တမင်ကို အရင်ဆုံး ထိပ်တိုက်ဆုံပေးလိုက်ခြင်း ဖြစ်ပါတယ်။ ညနေစောင်း အပုပ်ချိန်ဆိုတော့ စစ်ကြောရေးလုပ်နေတဲ့သူတွေ အားလုံးနီးပါး မူးနေကြ ပါပြီ။ ခေါင်းစွပ်နဲ့ဆိုတော့ ဘယ်သူ၊ ဘယ်ဝါတွေမှန်းလည်း မသိပါဘူး။ ခပ်ကြမ်းကြမ်း၊ ခပ်ရမ်းရမ်းနဲ့ တော့ စကြတာပါပဲ။ ဒါပေမယ့် သူတို့လိုချင်တဲ့ အဖြေ၊ အချက်အလက်တွေ ဘာမှမရဘူးဖြစ်နေတယ်။ ဒါနဲ့ ကြာတော့ ခေါင်းစွပ်ချွတ်ပြီး ထောက်လှမ်းရေးဗိုလ်မှူးကိုယ်တိုင် မျက်နှာချင်းဆိုင်ထိုင်ပြီး အမေး အဖြေလုပ်ပါတော့တယ်။
စစ်ကြောရေးတွေမှာလည်း ခဏခဏ တွေ့နေကြဆိုတော့ မျက်မှန်းတန်းမိနေပါပြီ။ သူတို့အဓိက လိုချင်တာက သွေးသစ်လှိုင်းနဲ့ တက္ကသိုလ်စိန်ရတု လက်ရေးမူနဲ့ စာစောင်လုပ်တဲ့သူတွေကို သိချင် တယ်။ စာစောင်တွေကိုထုတ်ပြတော့ မမြင်ဘူး၊ မသိဘူး။ ကျနော့်အခန်းကမိတဲ့ နွယ်နီ၊ ဓနမဂ္ဂဇင်းနဲ့ အဘိဓာန်စာအုပ်အပါအဝင် အပြင်မှာတရားဝင်ထုတ်ထားတဲ့ စာအုပ်စာရင်းတွေကို ထပ်တလဲလဲ ရွတ်ပြလိုက်တော့ ထောက်လှမ်းရေးဗိုလ်မှူး နည်းနည်းတော့ ဇဝေဇဝါဖြစ်သွားတယ်။ ကျနော်တို့ လက်မှတ်ထိုးထားရတဲ့ သိမ်းဆည်းရမိပစ္စည်း စာရင်းစာရွက်တွေကိုတောင်းပြီး စစ်ဆေးကြည့် လိုက်တော့ အတော်ကိုဒေါပွသွားတယ်။ သူလိုချင်တဲ့အဖြေက (၄) တိုက် ဖြစ်နေတယ်။ ကျနော်က
(၃) တိုက်ဆိုတော့ ဘာမှမဆိုင်ဘူး၊ တခြားစီဖြစ်နေတယ်။ ထောင်မှူး၊ ထောင်ပိုင်တွေကိုခေါ်ခိုင်းပြီး ကျနော့်ရှေ့မှာတင် မအေ၊ နှမနဲ့ကိုင်တုတ်ပြီး ဆဲလိုက်တာ ရစရာကိုမရှိဘူး။
အခုလို အထူးတိုက်မှာ ထောက်လှမ်းရေးစစ်ကြောရေးပြီးတော့လည်း အရင် (၃) တိုက်ကိုပြန်မပို့ဘဲ ပြစ်ဒဏ်တိုက် စစ်ခွေးတိုက်ထဲမှာ ထည့်ထားတယ်။ တညလုံးစစ်ကြောရေးလုပ်ထားတာဆိုတော့ မောမောပန်းပန်းနဲ့ အိပ်ပျော်သွားတယ်။ အခင်းဖျာမရှိ၊ သောက်ရေအိုးမရှိဆိုတော့ ဝန်ထမ်းတွေကို အော်ခေါ်တယ်။ တယောက်မှ မလာဘူး၊ တခန်းကျော်စီမှာတော့ ကိုဘမျိုးသိန်း၊ ဆလိုင်းကိုကိုကြီး၊ စသည်ဖြင့် … ထည့်ထားတယ်။ ထမင်းမကျွေး၊ ရေမတိုက်လုပ်ထားတယ်။
လည်ချောင်းတွေပူနေတာ အသံတောင်မှ မထွက်တော့ဘူး။ တမင်လုပ်ထားမှန်းရိပ်မိလို့ အသာလေးငြိမ်ငြိမ်နေလိုက်တယ်။ ဒါပေမယ့် ညကတည်းက စစ်ကြောရေးမှာ စကားအများကြီးပြောထားရတာဆိုတော့ လည်ချောင်းနာပြီး ရင်ထဲကလည်း ပူနေတယ်။ ရေအသက်တမနက်ဆိုပေမယ့် ရေမသောက်ရတာ (၂၄) နာရီနီးပါး လောက်ရှိနေပြီ။ သံတိုင်နားအပေါက်ဝမှာ ခွေခွေလေးမှီပြီး အိပ်နေတယ်။ မျက်စိထဲမှာလည်း ဝါးတားတား အရိပ်တွေပြေးနေတယ်။ ညနေ (၅) နာရီကျော်မှ လက်သန်းတလုံးစာ မရှိသလောက် ကလေး ရေလာတိုက်တယ်။ အငမ်းမရသောက်လိုက်တာ၊ ဆက်မတိုက်ဘူး။ နောင်မှသိရတယ်၊ တခါတည်း အဝတိုက်လိုက်ရင် တခါတည်းသေသွားနိုင်တယ်ဆိုတာကို။ စေတနာရှိလို့တော့ မဟုတ် နိုင်ဘူး။ သူတို့အမှုပတ်မှာစိုးလို့ ထင်ရတာပဲ။
ပေးဆပ်ရတဲ့အရင်းအနှီးက သိပ်များတယ်။ အဘဝတီအပါအဝင် ကျနော်တို့ရဲဘော်(၂၄) ဦး ထောင်တွင်းပြစ်ဒဏ် နှစ်တိုးပြီး ထောင်ထပ်ကျကြရတယ်။ (၃) တိုက်က ဦးဝင်းတင် (NLD)၊ အမရပူရအမတ် ဒေါက်တာဇော်မြင့်မောင် (NLD)၊ ခင်ဦးအမတ် ဒေါက်တာမြင့်နိုင် (NLD)၊ ကိုမြတ်ထွန်း (ကမာရွတ် NLD)၊ ကိုဘမျိုးသိန်း (ဒညတ)၊ ကိုဘိုဘိုဦး (ABSDF)၊ ကိုသက်မင်းအောင် (ABSDF)၊ ကိုဂျင်မီ (လူ့ဘောင်သစ်)၊ ကိုစိုးမြင့် (ဗကပ) ပေါင်း (၉) ယောက်။ (၄) တိုက ကိုထွန်းဝင်း
(ရခိုင်ဗကပ - သေဒဏ်မှကျွန်းပြောင်း)၊ ကိုပြုံးချို (ရကသ)၊ ကိုယဉ်ထွေး (လူ့ဘောင်သစ်)၊ ကိုအောင်မျိုးတင့် (ABSDF)၊ ကိုလှသန်း (ABSDF)၊ ကိုဝင်းသိန်း (သုံးရောင်ခြယ်)၊ ကိုစိန်လှိုင် (သုံးရောင်ခြယ်) ပေါင်း (၇) ယောက်။ (၄) ရှည်က ကိုမျိုးမြင့်ငြိမ်း (NLD)၊ ကိုကြည်ဖေကျော် (ABSDF)၊ ကိုဇော်ထွန်း (သင်္ဃန်းကျွန်းဗကသ)၊ ကိုဇော်မင်း(သင်္ဃန်းကျွန်းဗကသ)၊ ကိုအောင်ကျော်ဦး (သင်္ဃန်းကျွန်း ဗကသ)၊ ကိုကျော်ဝင်းသိန်း (သင်္ဃန်းကျွန်းဗကသ)၊ စိုးထက်ခိုင် (ဒညတ) နဲ့ သာယာဝတီထောင်တွင်းမှာ ကျဆုံးသွားရတဲ့ ကိုညွန့်ဇော် (ABSDF) ပေါင်း (၈) ယောက်ဆိုတော့ အားလုံးပေါင်းလိုက်ရင် (၂၄) ယောက်ဖြစ်တယ်။
ကျွန်တော်တို့ (၃) တိုက်က ပစ္စည်းမိတုန်းက အနည်းဆုံးဆိုပေမယ့် အဘဝတီဦးဆောင်ပြီး ညီညီညွတ်ညွတ် ရှိနေတာကို အာဏာပိုင်တွေအမြင်ကပ်နေလို့ နှစ်တိုးထောင်ကျတာ အများဆုံးဖြစ်တဲ့အပြင် ခုထိလည်း လွတ်ရက်ကျော်ပြီး မလွှတ်သေးတာ (၅) ဦးရှိနေပါသေးတယ်။
(၄) တိုက်မှာ ၁၉၈၄ ခုနှစ်ကတည်းက သေဒဏ် ကျွန်းပြောင်းပြစ်ဒဏ်ကျ ကိုထွန်းဝင်း (ရခိုင်ကွန်မြူနစ်) ရှိနေပါသေးတယ်။ သူကလည်း ပြစ်ဒဏ် (၂၇) နှစ်မှာ ထောင်တွင်းနေသား (၂၄) နှစ်ရှိနေပြီဖြစ်လို့ လွတ်ရက်ထက် အများကြီးကျော်နေပါပြီ။
အဘဝတီက စုစုပေါင်းထောင်ကျနှစ် (၂၀) မှာ ထောင်တွင်းနေသား (၁၈) နှစ်၊ ကိုဘမျိုးသိန်းက ထောင်ကျနှစ် စုစုပေါင်း (၁၉) နှစ်မှာ ထောင်တွင်းနေသား (၁၆) နှစ်ရှိနေကြပြီဖြစ်လို့ အကျဉ်းသားတိုင်းရဲ့ ရပိုင်ခွင့်အခွင့်အရေးအရ လွှတ်ပေးရမယ့် ရက်ထက် အများကြီးကျော်လွန်နေကြပြီ ဖြစ်ပါတယ်။ ကိုဘိုဘိုဦးက စုစုပေါင်းထောင်ကျနှစ် (၂၆) နှစ်မှာ ထောင်တွင်းနေသား (၁၈) နှစ်၊ ဒေါက်တာ ဇော်မြင့်မောင်က စုစုပေါင်းထောင်ကျနှစ် (၂၂) နှစ်မှာ ထောင်တွင်းနေသား (၁၆) နှစ်နဲ့ ကိုစိုးမြင့်က စုစုပေါင်း ထောင်ကျနှစ် (၂၂) နှစ်မှာ နေသား (၁၆) နှစ်ရှိနေကြပြီ ဖြစ်လို့ လွှတ်မယ်ဆိုရင် လွှတ်နိုင်သည့်သူများသာ ဖြစ်ပါတယ်။
ထောင်တွင်းပြစ်ဒဏ်ထပ်တိုးခံရသူ (၂၄) ဦးမှာ ထောင်တွင်းနေသား ဆယ်စုနှစ် (၂) ခုနီးပါး ရှိနေ ပြီဖြစ်တဲ့ နှစ်ရှည်ထောင်ကျမှာ နိုင်ငံရေးအကျဉ်းသား ဒီ (၆) ဦးပဲ ကျန်ပါတော့တယ်။ ကျန်တဲ့သူ အားလုံးလည်း လွတ်မြောက်လာကြပါပြီ။ ဒါကြောင့် အဘဝတီနဲ့ အကျဉ်းသားများ အခွင့်အရေး ကာကွယ်စောင့်ရှောက်ရေးအဖွဲ့ (ခွင့်/ကာ) အဖွဲ့ဝင် နိုင်ငံရေးအကျဉ်းသားခေါင်းဆောင်များ အမြန်ဆုံး ပြန်လည်လွတ်မြောက်နိုင်ကြပါစေလို့ ဆန္ဒပြုရင်း။
အဘဝတီနဲ့အတူ ထောင်တွင်း၌ (၁၆) နှစ်အထက် နှစ်ရှည်ကျခံပြီးကြသော ခွင့်/ကာ အဖွဲ့ဝင် နိုင်ငံရေး အကျဉ်းသားခေါင်းဆောင်များရဲ့ ရပိုင်ခွင့် အကျဉ်းသားအခွင့်အရေးအရ အမြန်ဆုံး ပြန်လည်လွှတ်ပေးဖို့ တောင်းဆိုလိုက်ပါတယ်။
အဘဝတီနဲ့ ခွင့်/ကာအဖွဲ့ဝင်များရဲ့ ရပိုင်ခွင့်အခွင့်အရေးများကို ဝိုင်းဝန်းတောင်းဆိုကြဖို့လည်း တိုက်တွန်းပါတယ်။
အဘဝတီနဲ့ ခွင့်/ကာအဖွဲ့ဝင် နိုင်ငံရေးအကျဉ်းသားခေါင်းဆောင်များ အသက်ရာကျော်ရှည်ပါစေ။
အဘဝတီနဲ့ ခွင့်/ကာအဖွဲ့ဝင် နိုင်ငံရေးအကျဉ်းသားခေါင်းဆောင်များ အမြန်ဆုံးပြန်လွတ်ပါစေ။ ။
Posted by
freeburma
at
10:50 PM
0
comments
Labels: Fight On
Tuesday, June 19, 2007
အမေ့အတွက် ရင်နှင့်အမျှ
အမေ .......
ကျွန်တော့် ဘ၀တလျှောက် အကြည်ညိုဆုံး အလေးစားဆုံးဟာ အမေပါ။
အမေကသာ လမ်းပြမယ်ဆိုရင် ဘာကိုမဆို အမေ့ဆန္ဒအတိုင်း ဖြစ်စေရမယ်လို့ ဆုံးဖြတ်ထားတဲ့အထိ အမေ့ကို ကြည်ညိုလေးစားတာပါ။ ဒါကို ပုဂ္ဂိုလ်ရေးကိုးကွယ်မှုလို့ဆိုရင်လည်း ကျွန်တော့်ဘ၀မှာ ဒီလို ပုဂ္ဂိုလ်ရေး ယုံကြည်ကိုးကွယ်ရလောက်တဲ့ အမေ့လို စံပြပုဂ္ဂိုလ် ရှိရတာ လုံးဝ ဂုဏ်ယူပါတယ်။
အမေ ပြောခဲ့ဖူးတဲ့
"နိုင်ငံသားတိုင်းဟာ နိုင်ငံ့အရေးနဲ့ သက်ဆိုင်တယ်။"
ဒီအတွက် ဗမာနိုင်ငံသား တစ်ယောက်ဖြစ်တဲ့ ကျွန်တော်ဟာ နိုင်ငံရဲ့အရေးကိစ္စတွေမှာ အမေ့ရဲ့ ဦးဆောင်မှုအောက်မှာ အုတ်တစ်ချပ်၊ သဲတစ်ပွင့်အနေနဲ့ အမြဲပါဝင်အားဖြည့်နေပါမယ်လို့ ကတိသစ္စာပြုပါတယ်။
အမေ
နိုင်ငံရေး (နိုင်ငံ့အရေး) ကို လုပ်လို့ ဘာမှထူးလာမှာ မဟုတ်ဘူး ဆိုတဲ့သူတွေကိုယ်တိုင် အခုအချိန်မှာ ကိုယ်နိုင်တဲ့ဖက်ကနေ နိုင်သလောက် ပါဝင်လာနေကြတာဟာ အမေ့ရဲ့ အောင်မြင်မှု၊ အမေ့ဆန္ဒတွေပါပဲ။
အမေ
အမေ့ရဲ့အရည်အချင်းတွေကို နိုင်ငံပြန်လည်ထူထောင်ရေးအတွက် အသုံးမချနိုင်သေးဘဲရှိနေရတာ၊ အမျိုးသားပြန်လည်ရင်ကြားစေ့ဖို့၊ ပြည်သူတွေရဲ့ ဘ၀တွေကိုမြှင့်တင်ပေးနိုင်ဖို့၊ နိုင်ငံတကာအဆင့်မီဖြစ်အောင်လုပ်ဆောင်နိုင်ဖို့ အမေ့ရဲ့အချိန်တွေ တဖြည်းဖြည်းနည်းလာပြီဆိုတာ အကြောက်တရား ကိုမတွန်းလှန်ရဲကြသေးတဲ့ အမေချစ်တဲ့ ပြည်သူတွေ၊ ပြည်သူတွေ ပထမအဆင့် လုပ်ရမယ့် လုပ်လည်း လုပ်နိုင်ကြမယ့် အမေရဲ့ ပန်ကြားချက် " ပြည်သူတွေဟာ တရားတာကို မတရားတာလို့ မပြောဖို့၊ မတရားတာကို တရားတယ်လို့ မပြောဖို့၊ ဒီကတဆင့်တက်ရင် တရားတာကို တရားတယ်လို့ ပြောရဲဖို့၊ မတရားတာကို မတရားဘူးလို့ ပြောရဲဖို့ " ကို အမြန်ဆုံး နားလည်သဘောပေါက်နိုင်ကြပါစေလို့ ဆုတောင်းပေးလိုက်ပါတယ်။
အမေ
အမေရဲ့ ရည်မှန်းချက် အစစ်အမှန်ဖြစ်တဲ့ ပြည်သူတွေ လွတ်မြောက်ရေး ကြိုးစားမှုကို ပြည်သူတွေကိုယ်တိုင် အမြန်ဆုံးသဘောပေါက်ပြီး အမေရဲ့ တန်ဖိုးရှိတဲ့အချိန်တွေကို နှမြောတတ်ကြပါစေလို့ ဆုတောင်းပေးလိုက်ပါတယ်။
"သူ့မှာ အကြောက်တရားရှိတယ်"
သူဟာ
အာဏာရှင်ကို
ဒူးထောက်ဖို့
မပြောနဲ့ ..........
ပူးပေါင်းဖို့
မပြောနဲ့ ..........
ကြောက်ပြီလား
ဘယ်တော့မှ မမေးနဲ့
အမြဲတမ်း ဟင့်အင်းနဲ့
သူတို့အတွက်ဆို
သံမဏိအပြုံးပိုင်ရှင်။
သူဟာ
တို့တတွေ
အကြောက်တရားက လွတ်မြောက်ဖို့
ကြိုးစားနေဆဲ ..........
သူ့ဘ၀ကို စတေးရဲတယ်
တို့တတွေ
အမှန်တရားကို မြတ်နိုးတတ်ဖို့
လမ်းပြနေဆဲ ..........
သူ့ဘ၀ကို မြှုပ်နှံထားတယ်။
စံထားလောက်တယ်
တို့အားလုံးအတွက်
ပေးဆပ်ထားတဲ့ မေတ္တာရှင်။
ဒါပေမယ့်
တို့တတွေ
မလွတ်မြောက်မှာကိုတော့
သူ ... အကြောက်ကြီး ကြောက်နေရှာတယ်။
ဒီအကြောက်တရားကို တွန်းလှန်ဖို့
သူ့မှာ
ယုံကြည်ချက်ရှိတယ်
ခံယူချက်ရှိတယ်
ဥာဏ်ပညာရှိတယ်
အတွေ့အကြုံရှိတယ်
စိတ်စွမ်းအားရှိတယ်
ခံနိုင်ရည်ရှိတယ်
ဒီအကြောက်တရားကို တွန်းလှန်ဖို့
သူ လိုနေတာ ........
သူ လိုနေတာ ........
တို့တတွေပဲ
တို့တတွေပဲ ။ ။
ကဲ ..... တို့တတွေရော ဘယ့်နှယ့်လဲ။
(လူထုခေါင်းဆောင် ဒေါ်အောင်ဆန်းစုကြည်၏ (၆၂) နှစ်ပြည့် မွေးနေ့ ဂုဏ်ပြုခြင်း)
Posted by
freeburma
at
10:15 AM
0
comments
Labels: Burma Icon DASSK, Fight On
Monday, June 04, 2007
တိုက်ပွဲဝင်နေဆဲ ဒေါ်အောင်ဆန်းစုကြည်
ဒေါ်အောင်ဆန်းစုကြည်နဲ့တွေ့ဆုံခြင်း
ရာဇာလီ အစ္စမေးလ်
၂၀၀၆ ခုနှစ် အစောပိုင်းမှာ ကုလသမဂ္ဂအထွေထွေအတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးကိုယ်စား လှယ် အဖြစ်ကနေ ကျနော်နုတ်ထွက်ခဲ့ပါတယ်။ အဲဒီအချိန်မတိုင်မီ ၄ နှစ်တာကာလအတွင်း မြန်မာနိုင်ငံကို ကျနော် ၁၄ ကြိမ် သွားရောက်ခဲ့ပါတယ်။
ကျနော့်ရဲ့ ပထမဆုံးခရီးစဉ်က သက္ကရာဇ် ၂၀၀၀ မှာ စတင်ပါတယ်။ ကုလသမဂ္ဂဟာ ကျနော့်ကို ကိုယ်စားလှယ်တဖွဲ့နဲ့အတူ မြန်မာနိုင်ငံကိုသွားဖို့ စေလွှတ်ခဲ့ပါတယ်။ အဲ့ဒီခရီးစဉ်အတွင်း ဒေါ်အောင်ဆန်းစုကြည်၊ အတွင်းရေးမှူး (၁) ဒုတိယ ဗိုလ်ချုပ်ကြီး ခင်ညွန့်တို့နဲ့ တွေ့ဆုံခဲ့ပါတယ်။ ဒေါ်အောင်ဆန်းစုကြည် နဲ့တွေ့ဆုံဖို့ စီစဉ်ပေးတာ ဗိုလ်ချုပ်ကြီးခင်ညွန့်ပါ။ အတော်လေး ပူအိုက်စွတ်စိုတဲ့ မုတ်သုန်ရာသီရဲ့ ဇွန်လလယ်ထဲ ဆိုကြပါစို့။
အစိုးရက စီစဉ်ပေးတဲ့ ကားတစီးနဲ့ တက္ကသိုလ်ရိပ်သာလမ်းက ဒေါ်အောင်ဆန်း စုကြည်နေအိမ်ကို ကျနော် သွားခဲ့ပါတယ်။ ကျနော်တို့ အခန်းတခန်းထဲမှာ သူ့ကို စောင့်ဆိုင်းနေခဲ့တယ်။ အခန်းနံရံပေါ်မှာ သူမရဲ့ ကျဆုံးလေပြီးသော ဖခင်ရဲ့ပုံတူ ပန်းချီကားကြီး ချိတ်ဆွဲထားပါတယ်။ အခန်းထဲထိုင်နေစဉ် တခဏတာရဲ့ ထူးခြား မှုကို ကျနော် သတိပြုမိလိုက်တယ်။ အလွန်ထူးခြားတဲ့ တစုံတခုဟာ ကျနော့်ဘ၀ကို အကျိုးသက်ရောက်တော့မယ်ဆိုတာ ကျနော်သိလိုက်ပါတယ်။
ခဏအကြာမှာ အပြာရောင် ဘလောက်စ်အင်္ကျီနဲ့ မြန်မာထဘီကို ၀တ်ဆင်ထားပြီး ခေါင်းမှာ စပယ်ပန်းတွေပန်ထားတဲ့ သူမဟာ တည်ငြိမ်အေးဆေးတဲ့ဟန်နဲ့ အခန်းထဲကိုဝင်လာတာ အလွန်ကျက်သရေရှိပါတယ်။ မဟာဆန်တဲ့ ခြေလှမ်းတွေနဲ့လို့ ဆိုပါရစေ။ ကုလားထိုင်မှာ နေရာယူကြတော့ ယဉ်ကျေးစွာ ကျနော့်ကို သူ့ရဲ့ညာဘက်မှာ ထိုင်စေပါတယ်။
သူဟာ ထိုင်တဲ့အခါမှာ ခါးကိုမတ်မတ်ထားပြီး ထိုင်တတ်ပါတယ်။ ထိုင်ခုံက နောက်မှီမပါတော့ သတိမထားဘူးဆိုရင် ကြာလာရင် ကျောနာလာပြီး ခွေကျသွားနိုင်တဲ့ ထိုင်ခုံမျိုးဖြစ်ပါတယ်။ ကချေသည်တယောက်လို ခါးကိုမတ်မတ်ထားပြီး ထိုင်နေတဲ့ သူ့အနားထိုင်ရတာ အနေရခက်လှပါတယ်။
ကျနော် သတိလက်လွတ်ပြီး သူထိုင်သလိုမျိုး ထိုင်နေလိုက်တယ်။ ဒါပေမယ့် ပြောဆိုဆွေးနွေးနေစဉ်မှာပဲ အဲဒီတိုက်ပွဲမှာ ကျနော် ရှုံးနိမ့်သွားပြီး ခါးကိုမမတ်နိုင်တော့ပါဘူး။ သူမဟာ ဆွဲဆောင်မှုအပြည့်ရှိတယ်ဆိုတာ သံသယရှိစရာ မလိုပါဘူး။ လေထဲမှာလည်း စပယ်ပန်းရနံတွေ မွှေးပျံ့လို့။ သူနဲ့စကား စပြောတယ်ဆိုရင်ပဲ “ဒေါ်အောင်ဆန်းစုကြည်က သတ္တိရှိသလို စွဲဆောင်မှုလည်းရှိတယ်”လို့ ကျနော်ပြောလိုက်ပါတယ်။
တကယ်တော့ ဒါဟာ စကားအပြောအဆို မတတ်မှုဆိုတာ စဉ်းစားစရာတောင် မလိုပါဘူး။ သူနဲ့တွေ့ဆုံခဲ့ဖူးတဲ့ ကုလသမဂ္ဂ ကိုယ်စားလှယ်တယောက်က ကြိုပြီး သတိပေးခဲ့တာရယ်၊ သူနဲ့ပတ်သက်တဲ့ မှတ်တမ်းတွေကို လေ့လာဖတ်ရှု ကြားသိခဲ့ရ တာတွေအရ သူဟာ အေးစက်စက်နေတတ်သူတယောက်လို့ သိထားပါတယ်။ ဒါပေမယ့် စကားစပြောတယ်ဆိုရင်ပဲ ကျနော်တို့စကားဝိုင်းက စိုပြည်သွားတယ်။
သူနဲ့ ပတ်သက်ပြီး ကြိုတင်တွေးဆ ကောက်ချက်ချခဲ့တာတွေ ဖျောက်လိုက်ပြီး ပွင့်ပွင့်လင်းလင်း ပြောဆိုဆက်ဆံတာဟာ ကျနော့်ကို အထောက်အကူ ဖြစ်စေခဲ့ပါတယ်။ ၂ နာရီကြာ စကားပြောပြီးတဲ့ အချိန်အထိ ယုံကြည်ရာကို မယိုင်မလဲ ကိုင်စွဲတတ်သလိုပဲ သူမဟာ တလျှောက်လုံး မတ်မတ်ထိုင်နေခဲ့တယ်။ ရှေ့ဆက်ရမယ့် ဆက်ဆံရေး တခုအတွက်တော့ ကျနော်တို့အကြား အခြေခံတခု တည်ဆောက်နိုင်ခဲ့ပါတယ်။
ဆွေးနွေးပွဲအစမှာ သူနဲ့ အမျိုးသားဒီမိုကရေစီအဖွဲ့ချုပ်ကို ကုလသမဂ္ဂက ဘယ်လောက်အတိုင်းအတာထိ ကူညီနိုင်တယ်၊ အာဆီယံအဖွဲ့ကလည်း မြန်မာ့အရေးပြောဆိုဖို့ ဆန္ဒရှိလာတဲ့အကြောင်းတွေကို ဒေါ်အောင်ဆန်းစုကြည်ဟာ စိတ်ဝင်တစားနဲ့ နားထောင်ခဲ့ပါတယ်။
အာဆီယံနဲ့ပတ်သက်ပြီး သူ့စိတ်ထဲ သိမြင်ခဲ့တဲ့အတိုင်း အခုဖြစ်လာတယ်လို့ ပြောရမှာပါ။ အာဆီယံရဲ့ အကျိုးစီးပွားနဲ့ ရပ်တည်ချက်ဟာ ဟိုမရောက် ဒီမရောက် ဖြစ်နေဆဲပါ။ အပြုသဘောဆောင် ညှိနှိုင်းဆက်ဆံရေးဟာ ဘယ်တုန်းကမှ အပြုသဘောမဆောင်ခဲ့သလို ရေရှည်ညှိနှိုင်းတာလည်း မရှိခဲ့ပါဘူး။
ကုလသမဂ္ဂ နဲ့ပတ်သက်ပြီးလည်း ကျနော်တို့ အတူတကွ ပြန်လည်သုံးသပ်စိစစ်နိုင်ဖို့ ပြဿနာရပ်တွေကို ပွင့်ပွင့်လင်းလင်း သူ့ကို သေချာရှင်းပြခဲ့ပါတယ်။ သူမဟာ တရားဥပဒေစိုးမိုးရေးကို စွဲစွဲမြဲမြဲ ယုံကြည်သူပါ၊ ကုလသမဂ္ဂကလည်း ထိုနည်းတူ ယုံကြည်ပြီး မြန်မာ့အရေးကို ကူညီနေတယ်လို့ သူ မျှော်လင့်ထားပါတယ်။ အဲ့ဒီအတိုင်းဆိုရင် ကုလသမဂ္ဂဟာ လုပ်နိုင် တာထက်လျော့နည်းပြီး လုပ်ဆောင်ခဲ့တယ်လို့ ပြောပါရစေတော့။
အများအားဖြင့် ခရီးစဉ်တိုင်းမှာ သူနဲ့ ၂ ကြိမ် တွေ့ရပါတယ်။ အစိုးရရဲ့ သဘောထားတွေကို နားထောင်ပြီးနောက် သူနဲ့ တကြိမ်တွေ့ရတယ်။ နောက်တခါ အစိုးရနဲ့ ထပ်စကားပြောပြီး တကြိမ်ထပ်တွေ့ရတယ်။ ဆိုတော့ ကျနော်တို့ ဘာတွေ ပြောခဲ့ကြသလဲ။
ကျနော်တို့ရဲ့ ဆွေးနွေးပွဲတွေဟာ ပြန်လည်ရင်ကြားစေ့ရေး၊ တိုင်းရင်းသားပါတီတွေရဲ့ အခွင့်အရေး၊ တပ်မတော်ရဲ့ အနာဂတ်အခန်းကဏ္ဍ စတဲ့ပြဿနာရပ်တွေကို ဆွေးနွေးခဲ့ပါတယ်။ သူနဲ့ ဆွေးနွေးရတဲ့အချိန်တွေကတော့ တကယ့်ကို တန်ဖိုးရှိပါတယ်။ စကားဝိုင်းဟာ ဘ၀အကြောင်း၊ ယဉ်ကျေးမှု၊ လူ့သဘာဝ၊ ဥပဒေနဲ့ မွေးရာပါအခွင့်အရေး စတဲ့ အကြောင်း အရာတွေဆီလည်း ရောက်ရောက်သွားတတ်တယ်။ တတိုင်းပြည်လုံးက အမြတ်တနိုးနဲ့ `အန်တီ´ လို့ ခေါ်ကြတဲ့သူမဟာ တကယ့်ကို စကားပြောနိုင်သူတယောက်ပါ။
သူ့ကို ကျနော် အံ့ဩလေးစားရတယ်။ နှစ်ပေါင်းများစွာ အကျဉ်းကျခံနေရပေမယ့် ကုလသမဂ္ဂနဲ့ ကမ္ဘာကြီးရဲ့ ဖြစ်ပေါ် တိုးတက်မှုတွေ အပါအ၀င် အရာအားလုံးနီးပါးကို မျက်ခြည်မပြတ် လေ့လာထားနိုင်တာကြောင့်ပါ။ အမျိုးသားပြန်လည် သင့်မြတ်ရေးနဲ့ ဒီမိုကရေစီရေးဆီ သွားတဲ့နေရာမှာ ခက်ခဲတဲ့ ညှိနှိုင်းဆွေးနွေးမှုတွေအတွက် အဆင်သင့်ဖြစ်နေရအောင် မြန်မာနိုင်ငံရဲ့ ဖွဲ့စည်းအုပ်ချုပ်ပုံ အခြေခံဥပဒေကို သုံးသပ်နေတယ်လို့တောင် ကျနော့်ကို ပြောပြပါတယ်။
အဲ့ဒီအချိန်မှာ ဗိုလ်ချုပ်ကြီးခင်ညွန့်ဟာ အာဏာရှိနေပြီး မြန်မာနဲ့ ကုလသမဂ္ဂအကြား ဆက်ဆံရေးလိုအပ်ပုံကို တပ်မတော် ထဲမှာ သူ့လောက်နားလည်သူ မရှိပါဘူး။ တပ်မတော်ခေါင်းဆောင်ပိုင်းက တိုင်းပြည်အတွက် ဘာတွေလုပ်နေတယ်ဆိုတာ ကျနော် နားလည်သဘောပေါက်အောင် သူ အကောင်းဆုံး ကြိုးစားရှင်းပြပါတယ်။ သူ့အစိုးရရဲ့ ဟိုဝန်ကြီး ဒီဝန်ကြီးတွေ ကလည်း တိုင်းပြည်မှာ လမ်းတွေ တံတားတွေ ဘယ်လောက် ဖောက်လုပ်တည်ဆောက် ပြီးစီးကြောင်း စတာတွေကို နာရီများစွာ အစီရင်ခံ တင်ပြတဲ့အတွက် ထိုင်ပြီး နားထောင်ခဲ့ရသေးတယ်။
ဗိုလ်ချုပ်ကြီးခင်ညွန့်ဟာ နိုင်ငံခြားရေးဝန်ကြီးဌာနအပါအ၀င် အဆင့်မြင့်အစိုးရအရာရှိတွေနဲ့ စကားပြောခွင့် ပေးခဲ့ပါတယ်။ အဲ့ဒီအခွင့်အရေးကို အမိအရယူပြီး “သံတမန်ဆက်ဆံရေးပိုင်းမှာ ခင်ဗျားတို့ ဘာတွေများမှားယွင်းနေလို့လဲ။ ကမ္ဘောဒီးယား လို နိုင်ငံတောင်မှ ခင်ဗျားတို့ထက် ငွေပိုရနေသေးတယ်။ မြောက်ကိုရီးယားကလည်း အထောက်အပံ့ရတဲ့နေရာမှာ ခင်ဗျား တို့ထက်ပိုပြီး အောင်မြင်တယ်။ ဒါပေမယ့် ခင်ဗျားတို့တော့ ဘယ်လိုဖြစ်တာလဲ။ ဘာများမှားနေလို့လဲ”လို့ သူတို့ကို ကျနော် ပြောလိုက်တယ်။ သူတို့ နည်းနည်းတော့ ကသိကအောင့်ဖြစ်သွားကြတယ်။ အဲဒီလိုဖြစ်အောင်လည်း ကျနော် တမင်လုပ်တာပါ။
ကျနော့်ခရီးစဉ် ရလဒ်တွေအတွက် ဒေါ်အောင်ဆန်းစုကြည်က ကျေနပ်အားရနေပြီး မျှော်လင့်ချက်တွေလည်း မြင့်မားလာ ပါတယ်။ ကျနော့်အလုပ်ကို ကျနော် ကြေညက်အောင် လုပ်တယ်။ တချို့ဖြစ်ရပ်တွေမှာ ကျနော့်အရင် ကုလသမဂ္ဂ ကိုယ်စားလှယ်တွေအနေနဲ့ အစိုးရနဲ့စကားပြောရတာထက် သူနဲ့စကားပြောရတာ ပိုပြီး ခက်ခဲတတ်တာကို တွေ့ခဲ့ရတယ်။
ကျနော့်ရဲ့ ပွင့်ပွင့်လင်းလင်း ပြောဆိုတတ်မှုကတော့ သူမကို သက်တောင့်သက်သာရှိစေပုံပါ။ သူနဲ့ သူချစ်တဲ့ တိုင်းပြည်မှာ ဖြစ်နေတဲ့ ပြဿနာတွေကို ရိုးသားစွာ ဆွေးနွေးပြောဆိုလာတဲ့အထိ ကျနော်တို့အကြား နားလည်မှုရှိလာခဲ့တယ်။
ဒီလိုနဲ့ သူ့ရဲ့ ရုန်းကန်မှုတွေ၊ လုပ်ဆောင်ခဲ့တာတွေကို ကျနော့်ကို ပြောပြခဲ့တယ်။ သူ့အပြောအတိုင်းဆို ကျန်းမာရေး မကောင်းတဲ့မိခင်ကြောင့် မွေးရပ်မြေဆီ အလည်သက်သက်လာခဲ့ပုံ၊ ဒီမိုကရေစီတိုက်ပွဲထဲပါဝင်ဖို့ တွန့်ဆုတ်ခဲ့ပုံ စတဲ့ အင်္ဂလန်က ပြန်လာချိန်မှာ ဖြစ်ပျက်ခဲ့ပုံတွေကို ပြောပြပါတယ်။ ဒါဆိုရင် သူဟာ ဖခင်ခြေရာ နင်းလိုက်မယ်ဟဲ့ဆိုပြီး ရည်ရွယ်ခဲ့ဟန် မရှိပါဘူး။ ဒါပေမယ့် သူဟာ သူ့အဖေသမီးဆိုတာ လုံးဝရှင်းပါတယ်။
ကျနော် မြန်မာစကား မပြောတတ်ပါဘူး။ ကျနော့် ရည်ရွယ်ချက်အတွက်လည်း မြန်မာစကားတတ်ဖို့ မလိုအပ်ပါဘူး။ ဒေါ်အောင်ဆန်းစုကြည်က အင်္ဂလိပ်စကားကို ကျွမ်းကျွမ်းကျင်ကျင် ပြောနိုင်ပါတယ်။ သူ့ကိုမမြင်ရဘဲ ပြောနေတဲ့အသံ ကိုသာကြားရရင် အင်္ဂလိပ်တယောက် စကားပြောနေသလားလို့ ထင်မိမယ်။ မြင်ယောင်ကြည့်လို့ရပါတယ်။ ခပ်မတ်မတ် ကိုယ်နေဟန်ထား၊ ရိုးရာအ၀တ်အစားနဲ့ စပယ်ပန်းတွေ ဝေအောင်ပန်ထားပြီး တော်ဝင်အင်္ဂလိပ်စကားကို ပြောနိုင်သူ၊ ဒါ ညှို့ဓာတ်အပြည့်ပါတဲ့ ထုံးဖွဲ့ထားမှုလေ။
ဒါကို သူ သိပါတယ်။ မဟာဆန်မှု၊ ဗဟုသုတကြွယ်ဝမှုတွေနဲ့အတူ လူတိုင်းကို သူ ညွှတ်စေနိုင်တယ်။ တကယ်လို့ သူသာ မြန်မာနိုင်ငံရဲ့ အမြဲတမ်းဝန်ကြီးချုပ်ဖြစ်လာခဲ့ရင် အာဆီယံနိုင်ငံ ၀န်ကြီးချုပ်တွေကို ဒီမိုကရေစီနဲ့ ဖွံ့ဖြိုးရေးအကြောင်း ဆွေးနွေးငြင်းခုန်ပြီး ၀ံ့ဝံ့ကြွားကြွားနဲ့ အနိုင်ယူနိုင်တယ်လို့ တခါတုန်းက သူ့ကို ကျနော် ပြောခဲ့ဖူးတယ်။
စစ်ခေါင်းဆောင်တွေနဲ့ ဆွေးနွေးနိုင်မယ့်နည်းလမ်းရှာဖို့ သူ့ကို ကျနော် မေတ္တာရပ်ခံခဲ့သလို စစ်ခေါင်းဆောင်တွေကိုလည်း သူနဲ့ဆွေးနွေးဖို့ မေတ္တာရပ်ခံခဲ့ပါတယ်။ ကျနော့်ရဲ့ ဒုတိယခရီးစဉ်မှာ ဗိုလ်ချုပ်မှူးကြီးသန်းရွှေက သူနဲ့ ဆွေးနွေးဖို့ သဘော တူခဲ့ပါတယ်။ အစိုးရကိုယ်စား ဗိုလ်ချုပ်ကြီးခင်ညွန့်က ညှိနှိုင်းဆောင်ရွက်ဖို့ကိုလည်း သဘောတူခဲ့တယ်။ ဒေါ်အောင်ဆန်း စုကြည်နဲ့ ဗိုလ်ချုပ်ကြီးခင်ညွန့်တို့ တိုက်ရိုက်တွေ့ဆုံတာ မရှိပေမယ့် တွေ့ဆုံဆွေးနွေးပွဲဟာ အမှန်တကယ် ဖြစ်ခဲ့ပါတယ်။
စိတ်ဝင်စားစရာကောင်းတာက အဲ့ဒီကိစ္စကို ကျနော့်ကို သူမပြောဘဲထားခဲ့တာပါ။ ကျနော် မြန်မာနိုင်ငံကို အခေါက်ခေါက် အခါခါလာပြီး သူ့ကို လွှတ်ပေးမယ့်အချိန် ရောက်တော့မှ ဗိုလ်ချုပ်ကြီးခင်ညွန်က ကျနော့်ကိုပြောတယ်။ စစ်ခေါင်းဆောင် အားလုံးနဲ့ သူ ညစာစားပွဲမှာ ရိုက်ထားတဲ့ ဓာတ်ပုံတွေကိုလည်း ပြပါတယ်။ ကျနော် အံ့အားသင့်သွားတယ်။
နောက်တနေ့ နေ့လယ်မှာ သူ့ကိုသွားတွေ့တဲ့အခါ စာရင်းရှင်းစရာရှိတယ်လို့ ပြောလိုက်တယ်။ အဲဒီအခါမှာမှ တွေ့ဆုံဆွေးနွေး မှုတချို့ တကယ်ရှိခဲ့ကြောင်း၊ ဒါပေမယ့် ဗိုလ်ချုပ်ကြီးခင်ညွန့်နဲ့ တန်းတူဆွေးနွေးခဲ့ရတာမျိုး မဟုတ်ကြောင်းနဲ့ ကျေနပ်အားရ စရာမရှိကြောင်း ထုတ်ပြောပါတယ်။ ဒေါ်အောင်ဆန်းစုကြည် ပြောပြချက်အရတော့ စစ်အစိုးရခေါင်းဆောင်တွေနဲ့ ညစာ စားပွဲမှာ ဗိုလ်ချုပ်မှူး ကြီးတယောက်တည်း ဒိုင်ခံပြောသွားတာလို့ သိရတယ်။
စစ်အစိုးရနဲ့ စကားပြောရတာ သူတို့ရဲ့ကိန်းဂဏန်းတွေကို ပဟေဠိ အဖြေညှိနေရတဲ့ အလုပ်ပါ။ “ကျနော်တို့ တံတား ၂၉ စင်း ဆောက်ပြီးသွားပြီ၊ ကျနော်တို့ ဒါတွေလုပ်ပြီးသွားပြီ၊ ဟိုဟာတွေလည်း လုပ်ပြီးသွားပြီ” စသဖြင့် သူတို့ပြောတတ်ကြပါတယ်။
စစ်အစိုးရဆိုတော့ သူတို့ရဲ့ တွေးပုံခေါ်ပုံတွေက အများနဲ့မတူပါဘူး။ အရာအားလုံးကို သူတို့ ချမှတ်ထားတဲ့ ရည်မှန်းချက် တွေအတိုင်း ခပ်ရှင်းရှင်း မြင်ပါတယ်။ ဆိုကြပါစို့ … အစိုးရကောင်းဆိုတာ တင့်ကားတွေကို တနေရာကနေ တနေရာ ရွှေ့တဲ့အလုပ်လို့ နားလည်ထားကြပုံပါ။
တိုင်းပြည်တည်ငြိမ်ရေးနဲ့ တရားဥပဒေစိုးမိုးရေးအတွက် သူတို့ရဲ့လုပ်ဆောင်ချက်တွေ ဘယ်လိုအောင်မြင်နေတယ် ဆိုတဲ့အကြောင်း နားထောင်ပြီးမှဘဲ ကျနော်လည်း အရေးကြီးတဲ့ပြဿနာတွေကို ဆွေးနွေးဖို့ လမ်းစရှာနိုင်တော့တယ်။ သူတို့ပြောတဲ့ ကိန်းဂဏန်းတွေက အမှန်တွေဆိုတာ သေချာပါတယ်။ တကယ်လည်း လမ်းတွေဖောက် တံတားတွေ ဆောက်ပါတယ်။ ဒါပေမယ့် အဲ့ဒီလမ်းတွေဟာ ဘယ်မှာဆုံးမှာလဲ။
ဒေါ်အောင်ဆန်းစုကြည်နဲ့ တွေ့တဲ့အခါမှာတော့ ကိန်းဂဏန်းတွေ မဟုတ်တော့ပါဘူး။ သူ အဓိကထားပြောနေတာ နိုင်ငံရေးပါ။ သူ့ရဲ့ အဓိက ရည်မှန်းချက်က မြန်မာနိုင်ငံမှာ ဒီမိုကရေစီရရှိရေး ဖြစ်ပါတယ်။ မြန်မာပြည်သူတွေ ဒီမိုကရေစီနဲ့ ဖွံ့ဖြိုး တိုးတက်မှုကို နားလည်လာပြီး အဲ့ဒီကနေ အကျိုးကျေးဇူး ရရှိခံစားစေချင်တာပါ။ သူတို့ရဲ့ ဘ၀တွေ တိုးတက် ကောင်းမွန်လာပြီး ဥပဒေရဲ့ အကာအကွယ်ကို ရရှိခံစားစေချင်တာပါ။ နိုင်ငံဟာ ဘယ်လောက် နောက်ကျကျန်ရစ် နေပြီဆိုတာ သူသိပါတယ်။
ကျနော် သူ့ကို မေးကြည့်တယ်။ “ခင်ဗျားကို အနောက်လိုလားသူလို့ မြင်ကြ တယ်ဗျ။ အနောက်အုပ်စုက ဖြစ်စေချင်တာ တွေကို လုပ်နေသူ၊ ဒီမိုကရေစီလို့ ခင်ဗျားအော်ပေးတာ၊ အဲဒါ ဘာတွေက စေ့ဆော်ခဲ့တာလဲ။ မြန်မာနိုင်ငံက အဖိနှိပ်ခံ ပြည်သူတွေကို ကူညီဖို့လား၊ ဒါမှမဟုတ် အနောက်အုပ်စုရဲ့ ဆွဲဆောင်မှု တခုလား”လို့ ။ နောက် အဲ့ဒီအချက်ဟာ သူက အာဆီယံနိုင်ငံတွေကို အလေး မထားရတဲ့ အကြောင်းရင်း တခု။ ထိုနည်းတူ သူ့အပေါ်လည်း အာဆီယံက ဘ၀င်မကျတဲ့ အချက် တချက်ဖြစ်တယ်လို့ ကျနော် ပြောလိုက်တယ်။ သူမရဲ့ ရုန်းကန်တိုက်ပွဲဝင်နေမှုဟာ အပြင်လူတွေရဲ့ စေ့ဆော်မှု ကြောင့် မဟုတ်ဘဲ ဒေသတွင်းက လှုပ်ရှားမှုတခုလို့ ကွဲကွဲပြားပြား ရှုမြင်သွားစေသင့်ကြောင်း ကျနော် ပြောခဲ့ပါတယ်။
အဲ့ဒီစွပ်စွဲချက်တွေအားလုံးကို သူ အကြီးအကျယ် ဒေါသထွက်ပါတယ်။ “အာဆီယံဟာ ဘာတွေများ လုပ်ခဲ့ဖူးလို့လဲ။ ကျမ သူတို့ရဲ့ အကူအညီကို ရခဲ့သင့်ပါတယ်။ ဒါပေမယ့် သူတို့ ဘာတွေများလုပ်ခဲ့လို့လဲ။ သူတို့ သံတမန်တွေ ကျမနဲ့ တွေ့ရမှာ ကြောက်နေကြတယ်”လို့ အာဆီယံနဲ့ပတ်သက်ပြီး သူ ပစ်ပစ်ခါခါ ပြောတတ်တယ်။
၂၀၀၃ ခုနှစ် မေလ ၃၀ ရက်မှာ ဖြစ်ပွားခဲ့တဲ့ ဒီပဲယင်းအဖြစ်အပျက်မှာတော့ အာဆီယံက အံ့ဩတုန်လှုပ်ခဲ့ပြီး သူမကိုယ်စား ပြောဆိုမှုတွေ ရှိလာပါတယ်။ အဲ့ဒီဖြစ်ရပ်မှာ ဒေါ်အောင်ဆန်းစုကြည်နဲ့ သူမကို ထောက်ခံတဲ့လူထုဟာ ဒီပဲယင်းမြို့ အနောက် ဘက်က ရွာတရွာအနားမှာ ချုံခိုတိုက်ခိုက်ခြင်း ခံခဲ့ရတယ်။ ဒါပေမယ့် အာဆီယံအဖွဲ့ကြီးရဲ့ မစွက်ဖက်ရေး မူဝါဒက ပိုနေမြဲ ကျားနေမြဲအတိုင်း မြန်မာပြည်သူ အများအပြား ထိခိုက်သေကျေ ပျက်ဆီးနေတာကို ကြည့်နေခဲ့တယ်။
၂၀၀၂ ခုနှစ် သူ့ကို နေအိမ်အကျယ်ချုပ်က လွှတ်ပေးတော့ နားလည်မှုယူခဲ့တဲ့ အချက်တချက်က လူထုကြားထွက်ပြီး တိုင်းပြည်အခြေအနေကို အဆိုးမြင်ဘက်က မပြောဖို့ပါ။ ပြည်သူတွေ ကောင်းကျိုး ဆောင်ကြဉ်းပေးဖို့ အစိုးရကို သူ ကူညီရမှာ ဖြစ်ပါတယ်။
ဒါပေမယ့် ပြောနေတာက ကမ္ဘာကျော် ခေါင်းဆောင်အကြောင်းလေ။ ခင်ဗျားက သူ့ကိုလွှတ်ပေးရင် လူတိုင်းက သူ့ဆီ ရောက်လာတယ်။ လမ်းပေါ်မှာ ဆန္ဒပြမှုတွေ မဖြစ်ပွားအောင် သူ အမြဲဂရုစိုက်ခဲ့တယ်။ ဒါပေမယ့် တိုင်းပြည်မှာ လုပ်စရာတွေ အများကြီးရှိနေပြီး ဘာမှမလုပ်ရသေးပါလားလို့ တခဏအတွင်းမှာပဲ သူ သိမြင်နိုင်ခဲ့တယ်။
လူထုကကူညီဖို့ သူ့ကို မေတ္တာရပ်ခံလာတဲ့အခါ သူ ခရီးထွက်ပြီး နိုင်ငံရေးစကား ပြောလာပါတယ်။ နိုင်ငံရေးသမား ပိုဆန် လာပြီး ရန်ကုန်မြို့ပြင်ကို ခရီးထွက်ပါတယ်။ သူ သွားလေရာ ထောင်ချီတဲ့လူအုပ်ကြီး လိုက်ကြတယ်။ စစ်ခေါင်းဆောင်တွေ စိတ်အနှောင့်အယှက် ဖြစ်ပါတယ်။ စစ်အစိုးရနဲ့ အမျိုးသားဒီမိုကရေစီအဖွဲ့ချုပ်အကြား အရေးပါတဲ့ တွေ့ဆုံဆွေးနွေးမှုတွေ မစဘဲ ဒေါ်အောင်ဆန်းစုကြည်ကို ခရီးထွက်ခွင့်ပြုခဲ့တာဟာ အမှားလို့ စစ်အစိုးရ၀န်ကြီးတဦးကို ကျနော် ပြောခဲ့ဖူးတယ်။
အဲ့ဒီနောက် ဒီပဲယင်းအရေးအခင်းဖြစ်ပြီး သူလည်း အသတ်ခံရလုနီးနီး ဖြစ်ခဲ့ရတယ်။ သူ့ကို ဘယ်လို အဆောင်အယောင်မှ မပေးဘဲ အကျဉ်းထောင်ထဲ ချုပ်ထားခဲ့တယ်။ သူ့ကို ထောင်ထဲထည့်ထားတာ စစ်အစိုးရက ကျနော့်ကို မပြောခဲ့ဘဲ မဖုံးကွယ် နိုင်တဲ့အဆုံးကျမှ ကျနော့်ကို သူနဲ့ တွေ့ခွင့်ပေးတယ်။
သူတို့ ကျနော့်ကိုခေါ်တော့ ကျနော် သွားပါတယ်။ ခရီးစဉ်ဟာ စုံထောက်ဝတ္တုတွေ အတိုင်းပဲ။ သူတို့ ကားတစီးပြီး တစီး၊ ကားမောင်းသမား တယောက်ပြီးတယောက် လဲတယ်။ ကားမောင်းသမား ဘယ်သူဆိုတာ မသိရပါဘူး။ ကားထဲထိုင် လိုက်ရင်း “ဘယ်ကမ္ဘာထဲ ငါရောက်နေမိပါလိမ့်”လို့ တွေးလိုက်မိသေးရဲ့။ ကျနော့်ကို တဆင့်ပြီးတဆင့် ခေါ်သွားလိုက်တာ ကျနော် တယောက်တည်း ငေါင်စင်းစင်းနဲ့။ ကျနော် လုံခြုံမှုမှရှိရဲ့လားလို့တောင် တွေးမိခဲ့တယ်။ နောက်က လိုက်တဲ့ ကားတွေကလည်း မှန်အနက်တွေနဲ့။
အဲ့ဒီနောက် ရုတ်တရက်ဆိုသလိုပဲ ကျနော်တို့ ရောက်ခဲ့ကြတယ်။ အဲ့ဒီနေရာကတော့ အင်းစိန်ဗဟိုအကျဉ်းထောင်ပါပဲ။ အဲ့ဒီ ထောင်ထဲမှာ ရာဇ၀တ်မှုမျိုးစုံ ကျူးလွန်ခဲ့တဲ့ အကျဉ်းသားတွေကို ချုပ်နှောင်ထားပါတယ်။ စိတ်မနှံ့သူလို့ အဓိပ္ပါယ်ရတဲ့ အင်္ဂလိပ် စကားလုံးတလုံးနဲ့ အသံထွက်တူတဲ့ ဒီအကျဉ်းထောင်ရဲ့နာမည်ဟာ ကျနော့်စိတ်ထဲမှာ အမှတ်ထင်ထင်ပါ။ ကားကို ထောင်ထဲမောင်းဝင်လာပြီး ဘယ်ကွေ့လိုက် ညာကွေ့လိုက်နဲ့ နောက်ဆုံးမှာ အုတ်တိုက်လေးတခုဆီ ရောက်လာပါတယ်။
တဲသာသာ အုတ်တိုက်လေးထဲမှာ သူ့ကို ချုပ်ထားတယ်။ အပြင်ဘက်မှာ ရေတွင်းတတွင်းရှိတယ်။ သူ့ကိုတွေ့ဖို့ အထဲဝင် လိုက်တဲ့အချိန် ကျနော် တုန်လှုပ်သွားခဲ့တယ်။ အမြဲတမ်း ကြိုဆိုနှုတ်ဆက်နေကြ သူမရဲ့ အသွင်အပြင်နဲ့ လုံးဝခြားနားနေပြီး မသပ်မရပ်နဲ့ နေထိုင်နေရတာ မြင်လိုက်ရလို့ပါပဲ။
“ကျမ တရားမျှတမှုကို လိုချင်တယ် ရပ်ဇ်”လို့ သူက ကျနော့်ကို ပြောပါတယ်။ အဲ့ဒီနောက် ကျနော့် ဘေးနားမှာရပ်နေတဲ့ စစ်အရာရှိတွေဘက်လှည့်ပြီး “ကျမအိမ်က အင်္ကျီတွေပဲ ကျမလိုချင်တယ်။ ရှင်တို့ပေးတဲ့ အင်္ကျီတွေကို ကျမ မ၀တ်ချင်ဘူး။ ပြီးတော့ ကျမရဲ့ တကိုယ်ရေသုံး ပစ္စည်းတွေလည်း ယူလာပေးပါ”လို့ ပြောလိုက်တယ်။
သူမရဲ့ လူသားဆန်မှုကို ဒီလိုအနေအထားမျိုးနဲ့ သစ္စာဖောက်လိုက်ကြတာတွေ့ရတော့ ကျနော် ထိတ်လန့်မိပါတယ်။ ကျနော့်ကို ထပ်အံ့အားသင့်စေခဲ့တာက “ဖြစ်ခဲ့တာတွေ ပြီးခဲ့ပြီ၊ ပြည်သူလူထုအကျိုးနဲ့ အမျိုးသားပြန်လည်သင့်မြတ်ရေး အတွက် အစိုးရနဲ့ တွေ့ဆုံဆွေးနွေးဖို့ ကျမဘက်က အဆင်သင့်ရှိတယ်”လို့ သူပြောလိုက်တဲ့စကားပါ။ ဒါနဲ့ ဗိုလ်ချုပ်ကြီး ခင်ညွှန့်ကို ကျနော်ပြန်တွေ့တော့ “ခင်ဗျားတို့ ဘယ်လိုလုပ်လိုက်တာလဲ၊ ဒီကိစ္စနဲ့ပတ်သက်ပြီး ကမ္ဘာကို ကျနော်ဘယ်လို ပြောရမှာလဲ”လို့ ဒေါသလည်းဖြစ် စိတ်မကောင်းလည်းဖြစ်ပြီး ပြောခဲ့ပါတယ်။
သူ့ကို အကျဉ်းထောင်ထဲထည့်ထားတာ ကမ္ဘာကိုမပြောဘဲ ခဏတော့ ကျနော် နှုတ်ဆိတ်နေခဲ့တယ်။ သူ လုံခြုံတဲ့နေရာမှာ ရှိနေပြီး စိတ်ဓာတ်လည်း ကြံ့ခိုင်လျက်ရှိပါတယ်လို့ပဲ ပြောခဲ့ပါတယ်။ ကုလသမဂ္ဂ အထွေထွေအတွင်းရေးမှူးချုပ်ကိုတော့ ဒီကိစ္စ အစီရင်ခံခဲ့ပါတယ်။
ဒေါ်အောင်ဆန်းစုကြည်ကို ကျနော် နောက်ဆုံးတွေ့ခွင့်ရတာ ၂၀၀၄ ခုနှစ် မတ်လမှာ ဖြစ်ပါတယ်။ သူ့ကို နေအိမ်ကိုပြန်ပို့ ပေးပြီး အကျယ်ချုပ်ချထားချိန်ပါ။ ဒီပဲယင်းကိစ္စ ဘယ်လိုဖြစ်ခဲ့ဖြစ်ခဲ့ ပြည်သူလုထု အကျိုးအတွက် စစ်ဗိုလ်ချုပ်တွေနဲ့ တွေ့ဆုံဆွေးနွေးဖို့ သူအဆင်သင့်ရှိတယ်ဆိုတာ ထပ်ခါတလဲလဲ ပြောပါတယ်။ လက်ရှိအာဏာကို ချုပ်ကိုင်ထားတဲ့ စစ်ဗိုလ်ချုပ်တွေနဲ့မှသာ ဒီမိုကရေစီရေးကိုလုပ်ဆောင်နိုင်မယ်ဆိုတာကို နားလည်သဘောပေါက်ဖို့ ဒေါ်အောင်ဆန်းစုကြည် အချိန်အတော်ကြာ ဖြတ်သန်းခဲ့ရပါတယ်။
ဒီလို သိမြင်နားလည်လာခြင်းဟာ လွန်ခဲ့တဲ့ အကြိမ် ၂၀ ကျော်က ကျနော်တွေ့ခဲ့ရတဲ့ အလျော့မပေး စည်းကမ်းကြီးပြီး ဩဇာပေးတတ်တဲ့ ဒေါ်အောင်ဆန်းစုကြည်နဲ့ ယှဉ်ကြည့်ရင် လုံးလုံးလျားလျား ကွာခြားနေပါတော့တယ်။ မြန်မာနိုင်ငံဟာ အိမ်နီးချင်းနိုင်ငံတွေနဲ့ယှဉ်ကြည့်ရင် အတော်လေး ခေတ်နောက်ကျ ကျန်ရစ်နေတာကို သူ အလွန်အမင်း စိုးရိမ်ပူပန် နေပါတယ်။ တခြား တိုင်းရင်းသားအုပ်စုတွေကိုလည်း တန်းတူ နေရာမပေးတဲ့အတွက် စိတ်အနှောင့်အယှက်လည်း ဖြစ်နေပါတယ်။ ဥပမာ ရိုဟင်ဂျာလို ပြဿနာမျိုးပေါ့။
ဒေါ်အောင်ဆန်းစုကြည်ရဲ့ အပြောင်းအလဲတွေကို စစ်ဗိုလ်ချုပ်တွေ အသိအမှတ်ပြုလက်ခံဖို့ နောက်ဆုံးအချိန်ထိ ကျနော် ကြိုးစားပေမယ့် မရခဲ့ပါဘူး။ ဗိုလ်ချုပ်မှူးကြီးသန်းရွှေက သူ့ကို အနောက်အုပ်စုကြိုးဆွဲရာကတဲ့ ရုပ်သေးရုပ်အဖြစ် တံဆိပ် ကပ်ထားဆဲဖြစ်ပြီး မကြာသေးခင်ကတင် ဖြစ်ခဲ့တဲ့ ဖြစ်ရပ်တွေက မြန်မာနိုင်ငံမှာ ရှိမနေစေချင်ဘူးဆိုတာ ပြသတာ ထင်ရှားနေပါတယ်။
ဗိုလ်ချုပ်မှူးကြီးသန်းရွှေက ကျနော့်ကို ဗိုလ်ချုပ်ကြီးခင်ညွှန့်နဲ့ ရင်းနှီးသူအဖြစ် မြင်နေတယ်လို့ ထင်ပါတယ်။ အဲဒါ မှန်ပါတယ်။ ကျနော်တို့ကို အလုပ်အတူလုပ်ဖို့ ခွင့်ပြုခဲ့တာကြောင့် ကျနော်နဲ့သူ ဆက်ဆံရေး တိုးတက်ကောင်းမွန်ခဲ့ပါတယ်။ ကျနော်ဟာ ဗိုလ်ချုပ်ကြီးခင်ညွှန့်နဲ့ စိတ်တူသဘောတူ ဖြစ်တယ်လို့ ယူဆတဲ့အခါကတည်းက သူတို့ ကျနော့်ကို မလိုချင်တော့မှန်း ကျနော်သိပါတယ်။ ဒါကြောင့်လည်း ကုလသမဂ္ဂ အထူးကိုယ်စားလှယ် တာဝန်ကနေ အချိန်ကိုက် နုတ်ထွက်ခဲ့တာပါ။ အခြား တယောက်ယောက်ကို စဉ်းစားဖို့ စစ်အစိုးရကိုလည်း အခွင့်ပေးရာကျမှာပါ။
ဒါပေမယ့် ၀မ်းနည်းစရာတော့ ကောင်းပါတယ်။ ဗိုလ်ချုပ်ကြီးခင်ညွှန့်နဲ့ တိုင်းရင်းသားအုပ်စုတွေ အပါအ၀င် အခြားသူတွေ အကြား အသုံးဝင်တဲ့ အဆက်အသွယ်တွေကို အခြေခံကျကျ တည်ဆောက်ထားနိုင်ခဲ့ပါပြီ။ အဲဒီလူတွေပဲ တနေ့ အာဏာရ လာနိုင်ကောင်း ရလာဦးမှာပါ။ အခုတော့ ဖြစ်ပြီးခဲ့တာတွေကို ပြန်ကြည့်ရင် ဗိုလ်ချုပ်ကြီးခင်ညွှန့် ရဲ့ အခန်းကဏ္ဍနဲ့ သူ ဆက်လက်ရှင်သန်နိုင်အောင်လို့ ကျနော်တို့ လုံလုံလောက်လောက် ဘာမှမလုပ်ပေးခဲ့ဘူး ဆိုတဲ့အချက်ကို ကျနော် မစဉ်းစားဘဲ မနေနိုင်အောင်ဖြစ်ရပါတယ်။ ဒါကြောင့် စစ်တပ်အတွင်းမှာ အင်အားကောင်းကောင်းနဲ့ လုပ်ဆောင်မယ့်သူ မရှိဘဲနဲ့ မြန်မာနိုင်ငံ ပြောင်းလဲမယ့် အလားအလာကို ကျနော်မမြင်ပါဘူး။
မုတ်သုန်ကနေ ဟေမန္တ၊ အဲ့ဒီကနေ သရက်ပွင့်တွေ ဝေဆာတဲ့ ဂိမာန်ရာသီ၊ ရာသီတွေသာပြောင်းသွားပါမယ်၊ ဒေါ်အောင်ဆန်းစုကြည်လည်း အထိန်းသိမ်းခံဘ၀နဲ့ ဆက်လက်နေရဦးမှာပါပဲ။ ဘယ်လောက်ကြာမလဲဆိုတာ ဘုရားသခင်မှသာ သိနိုင်ပါလိမ့်မယ်။ သူ ဘယ်လိုခရီးဆက်မလဲ ကျနော်မသိပါဘူး။ ကျနော် သေသေချာချာ သိနေတာက ဘယ်လိုအခြေအနေမှာဖြစ်ဖြစ် သူ ဘယ်တော့မှ ဦးညွှတ်မှာမဟုတ်ဘူး၊ သူ ရှာဖွေနေတာ တကိုယ်ရေလွတ်လပ်မှု မဟုတ်ဘူး၊ သူ့ လွတ်လပ်မှုဟာ သူချစ်တဲ့ မြန်မာပြည်သူတွေရဲ့ လွတ်လပ်မှုနဲ့ ယှဉ်တွဲနေမှသာ အဲဒီ လွတ်လပ်မှုကို သူ လက်ခံလိမ့်မယ်ဆိုတာပါ။
ကျနော်မှတ်မိနေပါသေးတယ်။ ဒီပဲယင်းအရေးအခင်းနောက်ပိုင်း အကျဉ်းထောင်ထဲ ချုပ်နှောင်ထားချိန်မှာ သူမရဲ့သား အလက်ဇန္ဒြားက မိခင်ကို သွားတွေ့လိုကြောင်း ကျနော့်ကို ဆက်သွယ်ပြောကြားလာပါတယ်။ ဒါနဲ့ ကျနော်လည်း ကြိုးစားပေးမယ်လို့ အကြောင်းပြန်ခဲ့ပါတယ်။
သူနဲ့တွေ့တဲ့အခါ အဲဒီကိစ္စကို မေးကြည့်ပါတယ်။ ထောင်ထဲက တခြားအကျဉ်းသားတွေထက်ပိုပြီး မထူးခြားချင်ဘူးဆိုပြီး ချက်ချင်း ပြတ်ပြတ်သားသား သူ ငြင်းခဲ့ပါတယ်။ “ဘယ်လိုကြောင့် ကျမကို သူများတွေနဲ့ထူးပြီး ဆက်ဆံသင့်တာလဲ။ မတရား အကျဉ်းချခံထားရတဲ့ မိခင်တွေကို ဘ၀နောက်ဆုံးအချိန်အထိ ပြန်တွေ့ခွင့်မရတဲ့ သားသမီးတွေ မရေတွက်နိုင် လောက်အောင် ရှိနေချိန်မှာ ကျမရဲ့ကလေးကျမှ ဘယ်လိုကြောင့် ကျမကို တွေ့ခွင့်ရသင့်တာလဲ”လို့ သူ ပြောခဲ့ပါတယ်။
ဒါ ဒေါ်အောင်ဆန်းစုကြည်ပါပဲ။ ခိုင်မာတဲ့ စည်းမျဉ်းတွေနဲ့ ခံကတုတ်ဖွဲ့ တည်ဆောက်ထားတဲ့ သူမပါ။ ကျနော် ဒီစာကိုရေး နေချိန်မှာတောင်မှ ကိုယ်ဟန် မတ်မတ်၊ တည်တည်ငြိမ်ငြိမ်နဲ့ထိုင်နေတဲ့ သူ့ရဲ့အသွင်ကို မြင်ယောင်နေမိပါတယ်။ တွေ့ဆုံ ဆွေးနွေးပွဲတွေ ဒါမှမဟုတ် အဓိပ္ပာယ်ရှိတဲ့ အပြောင်းအလဲတွေ ဖြစ်လာ မယ့်အချိန်ကို စောင့်မျှော်နေရင်းပေါ့။ သူ့ဘက်က အချိန်ရှိတယ်လို့ ယုံကြည် နေပေမယ့် အချိန်က စောင့်ပါ့မလား။ စစ်အစိုးရခေါင်းမာတာနဲ့ အစွမ်းအစမရှိတဲ့ အာဆီယံ အဖွဲ့ကြီးကြောင့် မျှော်လင့်ခြင်းတေးသွားတပုဒ် သီကျူးဖို့မလွယ်ပါဘူး။
ဒါပေမယ့် သူ့ရဲ့ စပယ်ပန်းရနံတွေ ရစ်ဝဲနေဆဲပါ။ သူမဟာ ဘယ်အရာကိုမှ မကြောက်မရွံ့ဘဲ ဖြောင့်မတ်တည်ကြည်စွာနဲ့ နေအိမ်ထဲကနေ ဆက်ပြီးစောင့်နေ ပါလိမ့်မယ်။ မြန်မာပြည်သူတွေလည်း သူနဲ့အတူ စောင့်စားနေပါတယ်။
၂၀၀၀ ခုနှစ် ဧပြီလမှာ ကုလသမဂ္ဂအထွေထွေအတွင်းရေးမှူးချုပ်သည် ရာဇာလီ အစ္စမေးလ်ကို အထွေထွေအတွင်း ရေးမှူးချုပ်၏ မြန်မာပြည်ဆိုင်ရာ အထူးကိုယ်စားလှယ်အဖြစ်ခန့်အပ်ခဲ့ပြီး ထိုရာထူးကို ၂၀၀၅ ခုနှစ် ဒီဇင်ဘာလအထိ ထမ်းဆောင်ခဲ့သည်။
၂၀၀၇ ခုနှစ် ဧပြီလထုတ် ဧရာဝတီ မဂ္ဂဇင်းမှ Meetings with Aung San Suu Kyi By Razali Ismail ကို ဆီလျော်အောင် ဘာသာပြန်ဆို ဖော်ပြပါသည်။
Posted by
freeburma
at
1:29 AM
0
comments
Labels: Burma Icon DASSK, Fight On